ބުދަ 16 އޮކްޓޯބަރ 2019
13 ހިތަ
1441 ސަފަރު 17
ފަތިސް 04:38
އިރުއަރާ 05:49
މެންދުރު 11:56
އަސްރު 15:10
މަޣްރިބް 17:54
އިޝާ 19:06
ދުނިޔެ - ސްރީލަންކާ

ސްރީލަންކާގެ އިންތިޚާބު ނޮވެމްބަރު 16 ގައި

  • ސިރިސޭނާގެ މިދައުރު ހަމަވާނީ އަންނަ ޖެނުއަރީ މަހުގެ 9 ވަނަ ދުވަހު

ތަހާރަތު މުހައްމަދު ވަހީދު
thahavahyd

ކ. މާލެ 19 ސެޕްޓެންބަރ 2019 | ބުރާސްފަތި 12:49 2,298

އިދިކޮޅު އެންމެ ބޮޑު ޕާޓީ އިން ނެރޭނެ ކެންޑިޑޭޓް ގޯތާބަޔަ ރާޖަޕަކްސާ - އަލްޖަޒީރާ

ސްރީލަންކާގެ ރިޔާސީ އިންތިޚާބު އަންނަ ނޮވެމްބަރު މަހުގެ 16 ގައި ބާއްވާނެ ކަމަށް އެގައުމުގެ އިލެކްޝަންސް ކޮމިޝަނުން އިއުލާން ކޮށްފިއެވެ.

ބުދަ ދުވަހު ލަންކާގެ އިލެކްޝަންސް ކޮމިޝަނުގެ ރައީސް މަހިންދާ ޑެޝަޕްރިޔާ ވިދާޅުވީ އެގައުމުގެ ރިޔާސީ އިންތިޚާބު ބާއްވާނީ ނޮވެމްބަރު މަހުގެ 16 ގައި ކަމަށެވެ. އެ އިންތިޚާބުގައި ވޯޓުލުމުގެ ހައްގު ގާޓްގަނޑަކަށް 16 މިލިއަން ރައްޔިތުންނަށް ލިބިފައިވާ ކަމަށް ޑެޝަޕްރިޔާ ވިދާޅުވިއެވެ.

ލަންކާގެ އިންތިޚާބުގައި އެގައުމުގެ އިދިކޮޅު އެންމެ ބޮޑު ޕާޓީ އިން ނެރޭނެ ކެންޑިޑޭޓަކީ ގޯތާބަޔަ ރާޖަޕަކްސާ ކަމަށް މިދިޔަ މަހުގެ ތެރޭގައި ވަނީ އެގައުމުގެ ކުރީގެ ރައީސް އަދި އޭނާގެ ބޭބޭފުޅު މަހިންދަ ރާޖަޕަކްސާ އިއުލާން ކުރައްވާފައެވެ.

މިފަހަރުގެ އިންތިޚާބުގައި ގާތްގަނޑަކަށް 18 ކެންޑިޑޭޓުން ވާދަކުރައްވާނެ ކަމަށް ބެލެވޭ ކަމަށް ލަންކާގެ އިލެކްޝަންސް ކޮމިޝަނުން ބުނެފައިވާއިރު އިންތިހާބުގައި ވާދަކުރުމާ މެދު އެގައުމުގެ ރައީސް މައިތިރިޕާލާ ސިރިސޭނާ ގޮތް ނިންމަވާފައެއް ނުވެއެވެ.

މި އިންތިޚާބުގައި އެއްވެސް ކެންޑިޑޭޓަކަށް 50 ޕަސެންޓަށް ވުރެ މައްޗަށް ވޯޓު ލިބޭނެ ކަމަށް ލަފާ ނުކުރެވޭ ކަމަށް ތަޖުރިބާކާރުން ބުނެފައިވާއިރު ދެވަނަ އިންތިޚާބެއް ބާއްވާނެ ކަމަށް ލަފާ ކުރެވެއެވެ. އިންތިޚާބުގައި އެންމެ ބޮޑަށް ވާދަވެރިކަން އޮންނާނީ ގޮތާބަޔަ އާއި އެގައުމުގެ ބޮޑުވަޒީރު ރަނިލް ވިކްރަމަސިންހަގެ ޔޫއެންޕީން ނެރޭ ކެންޑިޑޭޓަކާ ދެމެދުގައި ކަމަށް ވެސް ތަޖުރިބާކާރުން ވަނީ ބުނެފައެވެ.

މިހާރު ލަންކާގައި ރައީސަކަށް ހުންނެވި މައިތިރިޕާލާ ސިރިސޭނާގެ މިދައުރު ހަމަވާނީ އަންނަ ޖެނުއަރީ މަހުގެ 9 ވަނަ ދުވަހުއެވެ.

އެގައުމުގައި ރިޔާސީ އިންތިޚާބު ބާއްވާފައި ވަނީ ޖެނުއަރީ 8، 2015ގައެވެ. ލަންކާގައި ވެރިކަން ކުރުމުގެ ދައުރު ހަމަވަނީ އެގައުމުގެ ގާނޫނު ބުނާ ގޮތުން ކޮންމެ ފަސް އަހަރަކުން އެއް ފަހަރުއެވެ. ކޮންމެ ފަރާތަކަށް ވެސް ވެރިކަން ކުރެވޭނީ ގިނަވެގެން ދެ ދައުރުއެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް