ބުދަ 16 އޮކްޓޯބަރ 2019
13 ހިތަ
1441 ސަފަރު 17
ފަތިސް 04:38
އިރުއަރާ 05:49
މެންދުރު 11:56
އަސްރު 15:10
މަޣްރިބް 17:54
އިޝާ 19:06
ދުނިޔެ - މައިތިރިޕާލާ ސިރިސޭނާ

ލަންކާގެ ދައުލަތުގެ ޓީވީ، ސިރިސޭނާގެ ބާރުގެ ދަށަށް ގެންދަވައިފި

  • ސްރީ ލަންކާ ރުޕާވާހިނީ ކޯޕަރޭޝަން ވަނީ އެ ގައުމުގެ ޑިފެންސް މިނިސްޓަރުގެ ބާރުގެ ދަށަށް ގެނުވާފަ
  • އެގައުމުގެ ޑިފެންސް މިނިސްޓަރުގެ މަގާމު ފުރުއްވަނީ ސިރިސޭނާ
  • މިކަން ކުރެއްވީ ސަލާމަތާއި ރައްކާތެރިކަން ދަމަހައްޓާ، ސުލްހަވެރިކަމާއި އެއްބައިވަންތަކަމަށް ހިތްވަރުދޭ ޕްރޮގްރާމްތައް އުފެއްދުމަށްޓަކައި ކަމަށް ވިދާޅުވި

ޝަރޫނާ އަބްދުﷲ
AbdullaSharoona

ކ. މާލެ 11 ސެޕްޓެންބަރ 2019 | ބުދަ 08:05 2,316

މައިތިރިޕާލާ ސިރިސޭނާ - މުހައްމަދު ޝަރުހާން

ސްރީލަންކާގެ ދައުލަތުގެ ޓީވީ, އެގައުމުގެ ރައީސް މައިތިރިޕާލާ ސިރިސޭނާގެ ބާރުގެ ދަށަށް ގެންދަވައިފިއެވެ.

ރައީސް ސިރިސޭނާ އަށް ލިބިދީފައިވާ ބާރުގެ ދަށުން އެމަނިކުފާނު ވަނީ ދައުލަތުގެ ޓީވީ، ސްރީ ލަންކާ ރުޕާވާނީ ކޯޕަރޭޝަން, އެ ގައުމުގެ ޑިފެންސް މިނިސްޓަރުގެ ބާރުގެ ދަށަށް ގެނުވާފައެވެ. އެގައުމުގެ ޑިފެންސް މިނިސްޓަރުގެ މަގާމުގައި ހުންނަވަނީވެސް ސިރިސޭނާއެވެ.

އެ ފިޔަވަޅު އެޅުއްވި ސަބަބު ބަޔާންކޮށްދެއްވަމުން ސިރިސޭނާ ވިދާޅުވީ، އެއީ މީޑިއާ މެދުވެރިކޮށް ގައުމީ ސަލާމަތާއި ރައްކާތެރިކަން ދަމަހައްޓާ، ސުލްހަވެރިކަމާއި އެއްބައިވަންތަކަމަށް ހިތްވަރުދޭ ޕްރޮގްރާމްތައް އުފެއްދުމަށްޓަކައި އެޅި ފިޔަވަޅެއް ކަމަށެވެ.

މިފަދަ ކަމެއް ނިންމުމަކީ ރައީސް ސިރިސޭނާ އާއި ލަންކާގެ ބޮޑުވަޒީރު ރަނިލް ވިކްރަމަސިންހައާ ދެމެދު، ގައުމުގައި ބާރު ހިންގުމަށް ކުރިއަށްދާ ކޯޅުމުގެ ސަބަބުންކުރެއްވި ކަމެއް ކަމަށް ދިރާސާކުރާ ފަރާތްތަކުން ލަފާކޮށްފައިވެއެވެ.

މިދިޔަ އަހަރުގެ އޮކްޓޯބަރު މަހު ސިރިސޭނާ ވަނީ ވިކްރަމަސިންހަ ބޮޑުވަޒީރު ކަމުން ދުރު ކުރައްވާ، ޕާލިމެންޓުވެސް އުވާލައްވާފައެވެ. އަދި ބޮޑުވަޒީރުގެ މަގާމަށް ކުރީގެ ރައީސް މަހިންދަ ރާޖަޕަކްސަ އައްޔަން ކުރެއްވިއެވެ.

ނަމަވެސް، ސިރިސޭނާ ޕާލިމެންޓު އުވާލެއްވީ ގާނޫނާ ހިލާފަށް ކަމަށް ސުޕްރީމް ކޯޓުން ނިންމުމުން، ރާޖަޕަކްސަ ވަނީ ބޮޑުވަޒީރު ކަމުގެ މަގާމުން އިސްތިއުފާ ދެއްވާފައެވެ. އެހެންކަމުން އަނެއްކާވެސް ވިކްރަމަސިންހަ ދަނީ އެގައުމުގެ ބޮޑުވަޒީރު ކަމުގެ މަގާމު ފުރުއްވަމުންނެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް