ނަޞްރުގެ ދުވަހުގެ ޖަލްސާގައި ރައީސުލްޖުމްހޫރިއްޔާގެ ވާހަކަފުޅު

ރާއްޖޭގެ ޚިދުމަތުގެ ޕްރޮގްރާމުގެ ގޮތުގައި ނޭޝަނަލް ސަރވިސްގެ ގޮތުގައި މި އަންނަ އަހަރުން ފެށިގެން ކޮންމެ އަހަރަކު ހިންގޭ ގައުމީ ޕްރޮގްރާމެއް ފެށިގެން ދާނެ. މި ޕްރޮގްރާމް ވެގެންދާނީ ނޭޝަނަލް ސަރވިސް އަކީ ގާނުނެއް ހެދިގެން  އެ ގާނޫން ބާރު ލިބިގެން އެމުރުން 16 އަހަރުވުމަށްފަހު ތައުލީމް ހާސިލްކުރެވުނު ހިސާބަކުން ދެން މައްޗަށް ދިއުމުގެ ފުރުސަތު ނުލިބޭ ކުދިންނަށް އަދި ވަޒީފާއެއް ނުލިބޭ ކުއްޖެއްވެސް މި ޕްރޮގްރާމުގައި ބައިވެރިވާން ޖެހޭނެ. ބައިވެރިވެގެން މިލިޓަރީ ތަމްރީނު ހޯދަން ޖެހޭނެ. މީގެ ނަޒީޖާއަކަށް ވާނީ ކުރިއަށް އޮތް 4 އަހަރު ދުވަހުގެ ތެރޭގައި ސިފައިން ގެއަށް 4000 ހާސް ކުދިން އަދި ފުލުހުންނަށް 1000 ކުދިން އިތުރުވެގެން ދާނެ. މިއަހަރުގެ ބަޖެޓްގައި 2025 އަށް ހުށަހަޅާފައިވާ ބަޖެޓުގައި އެންޕީއައިގެ ތެރެއިން 400 މިލިއަން ރުފިޔާ މިކަމަށް ޚާއްސަ ކުރެވިގެންދާނެ. އަދި ކޮންމެ އަހަރަކު އިތުރު 400 މިލިއަން އިތުރުވެގެންދާނެ.

މުޅި ރާއްޖޭގެ އެކިކަންކޮޅުތަކުގައި ހުރި ސިފައިންގެ މަރުކަޒްތައް ހުރީ ފަހަކަށް އައިސް ނުބެލެހެއްޓުމުގެ ސަބަބުން މި ވޭތުވެދިއަ 4 ފަސް އަހަރެއްގެ ތެރޭގައި އަމުދުން ނުބެލެހެއްޓުމުގެ ސަބަބުން ވީރާނާވާން ފަށާފައި. އެކުވެރި ދައުލަތްތަކުގެ އެހީތެރިކަމަށް ވާނީ އެދިފައި. އެފަދަ ފަރާތްތަކުގެ އެހީގައި އެމަރުކަޒުތައް ހެދިގެންދާނެ.

މިދިއަ އަހަރެއްހާ ދުވަސްތެރޭގައި ސިފައިންގެ ވަރުގަދަ ކުރުމަށް ނުހަނު ގިނަ މަސައްކަތްތަކެއް ވަނީ ކުރެވިފަ. އޭގެ ކުރީގެ އަހަރުތަކުގައި ވެސް ވަރަށް ގިނަ މަސައްކަތްތަކެއް ކުރެވިފައި ވަނީ. އެހެން ނަމަވެސް މި ޒަމާނަށް ފެތޭ ގޮތަށް އަދި ކުރިއަށް އޮތް ދުވަސްތަކަށް މުހިއްމު ފެންވަރަކަށް ވަރުގަދަ ކުރަން ޖެހިފައި އޮތީ. އެގޮތުން އެއާކޯ ގާއިމު ކުރެވުނު. މިޒަމާނުގެ އެންމެ ޒަމާނީ ޓެކްނޮލޮޖީ ހިމެނޭ ޔޫއޭވީތައް ގެނެވި އަޅުގަނޑުމެންގެ ބޮޑު އިކޮނޮމިކް ޒޯން އަބަދުވެސް ބެލެހެއްޓޭނެފަދަ ގާބިލް ކަން އަޅުގަނޑުމެންގެ ސިފައިގެ ކިބައިގައި ގާއިމު ކުރެވިގެންދިއަ. އަދި އެމަޝްރޫޢު އިތުރަށް ފުޅާވެގެން އެދަނީ. ކޯސްގާޑްގެ ކެޕޭސިޓީ ވަރުގަދަ ކުރުމަށްޓަކައި ސްޕެޝަލް ސްކޮޑްރަން އެއް އެވަނީ މިއަދު ފެށިފަ. ކޯސްޓްގާޑް ޑަބަލްކުރުމުގެ މަޝްރޫޢުގެ ތެރެއިން ދެ ގުނައަށް ފްލީޓް ބޮޑުކުރުމުގެ މަސައްކަތްވެސް ވަނީ ފެށިފައި. ކަނޑުއޮށްގިރި އެވަނީ ސިފައިންނާ ހަވާލުކުރެވިފައި.

އަޅުގަނޑާ ރައްޔިތުން ހަވާލުކުރި ޒިންމާއާ ހަވާލުވި ދުވަހު ދެންނެވިން ގައުމުގެ މިނިވަންކަން ހިމާޔަތް ކުރުމަކީ އަޅުގަނޑަށް ލިބޭނެ އެންމެ ބޮޑު ފަޚުރޭ. އަދި ޒިންމާއޭ. އިރާދަކުރެއްވީތީ މިއަދާ ހަމައަށް އައިރުގައި އަޅުގަނޑު އެދުވަހު އެ ދެންނެވި ގޮތަށް ކޮންމެ ދުވަހެއްވެސް ހޭދަ މިކުރަނީ ގައުމުގެ މިނިވަންކަން ހިމާޔަތް ކުރުމަށްޓަކައި. ގައުމުގެ އަސްކަރީ ބާރު ވަރުގަދަ ކޮށް ކުރިއަށް އޮތް ދުވަސްތަކަށް ފޯރުކޮށް ދިނުމަށްޓަކައި. ދިފާޢީ ބާރު ވަރުގަދަ ކުރުމަށްޓަކައި.

ރައީސުލްޖުމްހޫރިއްޔާ ޑރ މުޙައްމަދު މުޢިއްޒު: އަޅުގަނޑުމެންނަށް ކިތައްމެ ގިނަ ބައްދަލުވުންތައްވެސް ބޭއްވިދާނެ. ކިތައްމެ ބައިވަރު ދުވަސްތައްވެސް ފާހަގަކުރެވިދާނެ. އެހެންނަމަވެސް އޭގެއިން އަސަރެއް ކުރަންޖެހޭނެ. އޭގެއިން ގައުމަށް ފައިދާއެއް ވާންޖެހޭނެ. ކޮންފައިދާއެއްތޯ؟. އަޅުގަނޑުމެންގެ ގައުމުގެ އަބުތާލުން އެ ކުރެއްވި ޖިހާދުގެ އެ ޖިހާދުން ކުރިއަށް އޮތް މުސަތަގުބަލަށް ފައިދާއެއް ކުރަންޖެހޭނެ. އެހެންވެގެން މި ބައްދަލުވުންތައް މިބާއްވަނީ.