21:19
ޕީޖީގެ މަޤާމަށް އައްޔަނުކުރުމަށް އަލްއުސްތާޛް އައްބާސް ޝަރީފްގެ ނަންފުޅު ޖުޑިޝަރީ ކޮމެޓީއަށް ފޮނުވައިފި:
ރައީސް މުއިއްޒު ފޮނުއްވި ސިޓީ ފުޅުގައިވަނީ ޕްރޮސެކިއުޓަރ ޖެނެރަލްގެ މަގާމް ހުސްވެފައިވާތީ އެ މަޤާމަށް ބޭފުޅަކު އައްޔަނު ކުރުމަށްޓަކައި ޤާނުނު ނަންބަރު 9/2008، ޕްރޮސެކިއުޓަރ ޖެނެރަލްގެ ޤާނޫނުގެ 3 ވަނަ މާއްދާގައި ވާ ގޮތުގެ މަތީން އާއްމުކޮށް އިއުލާން ކުރުމުން އެކަމަށް އިޖާބަދެއްވި ބޭފުޅުންގެ ތެރެއިން ހ.ޔެލޯ ރޯޒް އަލްއުސްތާޒް އައްބާސް ޝަރީފް އައްޔަނުކުރުމަށްޓަކައި އެމަނިކުފާނުގެ ނަންފުޅު ރައްޔިތުންގެ މަޖިލީހަށް ހުށަހަޅައިދެއްވާ، މަޖިލީހުން ނިންމެވި ގޮތް އަންގަވައިދެއްވުމަށް.
މަޖިލީހުގެ ރައީސްވަނީ ރައްޔިތުންގެ މަޖިލީގެ ޤަވާއިދުގެ 129 ވަނަ މާއްދާގެ(ކ)ގެ ދަށުން އަލްއުސްތާޛު އައްބާސް ޝަރީފްގެ ނަންފުޅު ޖުޑީޝަރީ ކޮމިޓީން ގޮތެއް ނިންމެވުމަށް އެ ކޮމެޓީއަށް ފޮނުވާފައި.
11 ސެޕްޓެންބަރ 2024 | ބުދަ 21:19
21:05
20 ވަނަ ރައްޔިތުންގެ މަޖިލީހުގެ ދައުރުން ބޭރުގައި ބާއްވާ ފުރަތަމަ ޖަލްސާ ފަށައިފި:
ބުދަ ދުވަހުގެ ޖަލްސާގެ އެޖެންޑާގައި އޮތީ ޕްރޮސިކިއުޓަރ ޖެނެރަލްގެ މަޤާމަށްބޭފުޅަކު ޢައްޔަންކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ ނަންފުޅު ދިރާސާކުރައްވައި ގޮތެއް ނިންމުމަށް އެ މައްސަލައީ ގުޅޭ ދާއިމީ ކޮމިޓީއަށް ފޮނުވުމާއި ފޭދޫ އުތުރު ދާއިރާގެ މެންބަރު އިސްމާޢީލް ނިޒާރު ހުށަހަޅުއްވާ ފައިވާ (ޤާނޫނު ނަންބަރު 7/2023، ކުންފުނީގެ ޤާނޫނު) އަށް އިޞްލާޙު ގެނައުމުގެ ބިލު ގެ ފުރަތަމަ ކިޔުން އިއްވުމެވެ.
11 ސެޕްޓެންބަރ 2024 | ބުދަ 21:05