ޤައުމީ ދުވަހުގެ ރަސްމީ ޖަލްސާ - ރައީސުލްޖުމްހޫރިއްޔާގެ ވާހަކަފުޅު

ރައީސް ވިދާޅުވީ، އަމިއްލަ ވަންތަކަމަށް ލޯބިނުކުރެވޭނަމަ މިނިވަންކަމަށް ލޯތްބެއް ނުކުރެވޭނެ ކަމަށާއި އަމިއްލަ ވަންތަކަން ދިފާއު ނުކުރެވޭނަމަ މިނިވަންކަންވެސް ދިފާއެއް ނުކުރެވޭނެ ކަމަށް. އެހެންކަމުން ޤައުމެއް ދިފާޢު ކުރުމުގައި އެޤައުމެއްގެ އަމިއްލަވަންތަކަން ދިފާޢު ކުރަންޖެހޭ ކަމަށް ރައީސް ފާހަގަކުރެއްވި. އަދި މިކަމަކަށްޓަކައި ކުރިއަރާފައިވާ ޤައުމުތަކުން އަމަލުކުރާ ގޮތަކީ އެ ޤައުމެއްގެ އަހުލުވެރިންގެ ސިކުނޑިތަކުގައި އަމިއްލަވަންތަ އިލްމީ ގޮތުން ސާފުކޮށްދިނުން ކަމަށް ރައީސް ވިދާޅުވި. އަދި އެ ޤައުމަކާ އެއްކޮޅަށް ހުންނަ ކަންތަކާއި ދެކޮޅަށް ހުންނަ ކަންކަން ބުއްދީގެ ހަމަތަކުން އޮޅުންފިލުވައި ދެނީކަމަށް ވެސް ރައީސް ވިދާޅުވި. އަދި މިއީ ރާއްޖެއަށްވެސް މިވަގުތު ވަރަށް މުހިއްމު ކަމެއް ކަން ފާހަގަކުރައްވަމުން ރައީސް ވިދާޅުވީ ގެދޮރު ބިނާ ކުރާ ފަދައިން ދިވެހި ގައުމާ އެއްކޮޅަށް ދިވެހި ދަރިންގެ ސިކުނޑި ބިނާ ކުރުމުގެ ގައުމީ ވިސްނުމަކަށް އަބަދުވެސް ރައީސް އިޝާރާތް ކުރައްވަނީ އެހެންވެ ކަަމަށް ރައީސް ވިދާޅުވި. އަދި ދެވހި ޤައުމިއްޔަތުގެ އިސްވަރުން މުޅި ރައްޖެއަށް އިންޤިލާބީ ބަދަލެއް ގެންނާނެ ކަމަށް ރައީސް ވިދާޅުވި. މިގޮތުން ދިވެހި ޤައުމިއްޔަތުގެ އިސްވަރުން ދިވެހި ޤައުމިއްޔަތުގެ ބަހާތަކާ ގުޅުންހުރި އެކި އިލްމުތަކުން އެކި ފަރާތްތަކަށް ލަފާ ދެއްވާނެ ކަމަށާއި، ދިވެހި ޤައުމިއްޔަތުގެ ދާއިރާގެ ފުރިހަމަ އެންތޮލޮޖީ އެއް ކޮންމެ އަހަރަކު އެއްފަހަރު ޝާއިއުކުރާނެ ކަމަށާއި، ދިވެހި ގައުމިއްޔަތުގެ ބަހާތަކުގެ ކޮންމެ ދާއިރާ އަކުން އެދާއިރާގެ ކުރިއެރުމާ، ގޮންޖެހުންތަކުގެ އިލްމީ ކަރުދާހެއް ކޮންމެ އަހަރަކު އެއްފަހަރު ޝާއިއު ކުރާނެ ކަމަށާއި، ދިވެހި ޤައުމިއްޔަތުގެ ދާއިރާތަކަށް އަލަށް ގުޅޭ ޒުވާނުންނާއި ކިޔަވާކުދިންގެ ވިއުގަތައް ފުޅާކޮށް ދަމަހައްޓާނެ ކަމަށް ރައީސް ވިދާޅުވި.

ރައީސް ޑރ މުއިއްޒު: ޤައުމެއް ދެމިއޮތުމަށްޓަކައި ނުވަތަ މާދަމާގެ ސަލާމަތް ރައްކާތެރިކުރުމަށްޓަކައި އެންމެ އިސްކަމެއްދެނީ އެބައެއްގެ ރާއްޖެ އެބައެއްގެ މިލްކުގެ ގޮތުގައި ބޭއްވުން. އެއްވެސް ވެރިއެއްގެ އެންގުމަކާ ނުލާ އުތީމު ބޮޑުތަކުރުފާނާ މަރޮށީ ރައިވެރިބެ އާއި ދުވާފަރު ދަންޑަހެލު ފަދަ އެތަށް ދިވެހީންނެއް ޕޯޗުގީޒުންނާ ދެކޮޅަށް ތެދުވި ތެދުވުމަކީ މިބަހުގެ ހެއްކެއް. އެންގިވަޑައިންނަވާނެ ފަދައިން ޤައުމެއް ސަލާމަތްވެ އޮންނަނީ ބިން ސަލާމަތުން ބޭއްވީމާ. ބިން ސަލާމަތުން އޮންނަނީ ދައުލަތް ސަލާމަތުން ބާއްވައިގެން. އެހެންވީމާ ޤައުމިއްޔަތުގައި އެންމެ އިސް ސަމާލުކަމެއް ދެނީ މިތިން ރުކުރުން ހިމާޔަތް ކުރުމަށް. ދިވެހި ޤައުމިއްޔަތުގައި ނަމަ އެއީ ދިވެހީންނަށް ދިވެހީންގެ ރާއްޖެ އާއި ދިވެހީންގެ ދައުލަތް. ހަމައެއްވެސް ދިވެއްސެއްގެ އަމިއްލަ ވަންތަކަން ދިފާއު ކުރެވޭނީ މިހަޤީޤަތުގެ މަތީގަ.

ރައީސް ވިދާޅުވީ މި ފާއިތުވި 9 މަސްދުވަހުގެ ތެރޭގައި ދިވެހި ތަރިކަ ދިރާސާ ކުރާ ޤައުމީ މަރުކަޒުގެ ވިލަރެސްވެރިން ވަނީ ދުނިޔޭގެ 180ށް ވުރެ ގިނަ ޤައުމުގައި އެޤައުމުގެ އަމިއްލަވަންތަކަން ދަމަހައްޓާ ގޮތުގެ ދިރާސާތައް ހަދާފަ ކަމަށް. ހަމައެހެންމެ، އިލްމީ ފަންނީ އެކި ދާއިރާތަކުން 800ށް ވުރެ ގިނަ ބޭފުޅުން މިހާރު ވަނީ ޤައުމިއްޔަތުގެ އަސާސީ އަސްލުތައް އިލްމީ ގޮތެއްގަ ފޯރުކޮށްދެވިފަކަމަށާއި، އަދި މިއަދު ޤައުމިއްޔަތުގެ އިސްވަރު މިވަނީ އުފެދިފަ ކަމަށް ރައީސް ވިދާޅުވި. އަދި ހަމައެއާއެކު، މުސްތަޤުބަލުގައި ދިވެހި ޤައުމިއްޔަތުގެ އިސްވަރު ވާނީ ޤާނޫނުން ބާރުލިބިދޭ ދިވެހި ތަރިކައިގެ ކޮލެޖަކަށް ކަމަށާއި، މިކޮލެޖަކީ ރާއްޖޭގައި މިހާތަނަށް އަދި ނުއުފައްދާ ބާވަތުގެ ކޮލެޖެއް ކަމަށްވެސް ރައީސް ވިދާޅުވި. އަދި މިއީ މެމްބަރޝިޕް ކޮލެޖެއް ކަމާއި، މި ކޮލެޖު އެކުލެވިގެންވާނީ މެންބަރުންގެ ވިއުގަ ތަކެއްގެ މައްޗަށް ކަމަށް. އަދި މިކޮލެޖުގެ މައިގަނޑު ބޭނުމަކީ ދިވެހީންގެ ތަރިކަ އާއި ސަޤާފަތާއި، ތާރީޚާއި، އަމިއްލަ ވަންތަ އަސްލުތަކަށް މީގެ ފަހުން އިލްމީ ލެންސުތަކުން އަބަދުވެސް ބަލަހައްޓަމުން ގެންދިއުން ކަމަށް ރައީސް ވިދާޅުވި. އަދި ދިވެހިންގެ ޤައުމިއްޔަތަކީ ދިވެހީންގެ ދިރިއުޅުމުގެ ބައެއް ކަމަށް ހެދުން ކަމުގައިވެސް ރައީސް ވިދާޅުވި.

ރައީސް ޑރ މުއިއްޒު: އިންސާނުން އެމީހުން ދިރިއުޅޭ ފަސްގަނޑަށް ވަފާތެރިވެ، އެފަސްގަނޑު ދިފާއުކޮށް، އެ ފަސްގަނޑަށް ފުރާނަ ދެނީ ކީއްވެތޯ މިއީ އިލްމީ ގޮތުން ޖަވާބު ހޯދައިވާ ސުވާލެއް. އެ ޖަވާބަކީ ކޮބައިތޯ؟ އިންސާނާ އޭނާގެ ފަސްގަނޑަށްޓަކައި ފުރާނަ ދެނީ އެ ފަސްގަނޑުން އޭނާގެ ފުރާނަ ސަލާމަތްކޮށްދެންޏާ. އާދެ! އޭނާ ދިރިއުޅޭ ފަސްގަނޑުން އޭނާގެ ބަނޑޫފުރާނަ މުއްތިކުރެވެންޏާ. މި ސަބަބަށްޓަކައި އެ ފަސްގަނޑުގެ ދިފާއުގަ އޭނާ ހޭލާ ހުރޭ، ދިވެހީންގެ މަސްކަނޑުތައް ދިވެހީން ޒަމާނުއްސުރެ ސަލާމަތްކުރާ ތަބީޢީ ސިއްރަކީ ދިވެހިން ބަނޑުފުރާ މުއްތިކުރާ މައި ރޯއްޖަކީ އެކަނޑުތަކުން ލިބޭ ރިޒުގު ކަމުގައި ވުން. އެކަނޑުތަކުގެ މައްޗަށް ދިވެހިންގެ ބާރު ގެއްލިއްޖެނަމަ އެއީ ހައިހޫނުކަމުގެ ފެށުންކަން ދަތުން. އެހެންވީމަ މީގެ މާނައަކީ ކޮބައިތޯ؟ ޤައުމަށް ވަފާތެރި ދަރީން ބިނާކުރުމަށްޓަކައި މަސައްކަތްތެރި، ޖީލުތަކެއް ބިނާކުރަން ޖެހޭކަން. ދިވެހީންގެ 5 ހިއްސު، ދިވެހީންގެ މަސްކަނޑާ، ފަސްގަނޑާ އިހުއްސުރެ ގުޅިފައިވާ ގޮތަށް އަންނާން އޮތްތާނގައިވެސް ގުޅުވާލަން ޖެހޭކަން.

ރައީސްް ވިދާޅުވީ ދިވެހީންނަކީ އަބަދުވެސް މިނިވަންކަމުގެ ބަތޮލުން ކަމަށާއި، ދިވެހީންގެ ޠަބިއްޔަތަކީ މިނިވަންކަމާއެކު ދެމި ތިބުން ކަމަށާއި، ރައީސްގެ މުޅި ސިޔާސަތު ބިނާކުރަނީ މި އަސާސްގެ މައްޗަށް ކަމަށް. އިތުރަށް ވާހަކަފުޅު ދައްކަވަަމުން ރައީސް ވިދާޅުވީ މިއަދު ރާއްޖޭގައި ބޭރުގެ ސިފައިން ގާއިމުވެ ނެތީ އެހެންވެ ކަމަށާއި، މިއަދު ރާއްޖެ ބަލަހައްޓަން އެންމެ ޒަމާނީ ޓެކްނޮލޮޖީ އާއެކު އުޅަނދުތައް އުދުހެމުން އެދަނީ އެހެންވެ ކަމަށް. ހަމައެއާއެކު، މިއަދު ދިވެހި ޤައުމިއްޔަތުގެ ޚާއްސަ ނިޒާމެއް ތަޢާރަފްކުރެވި އެ ދާއިރާގެ ތައުލީމާއި ހޭލުންތެރިކަން އާއްމުކުރަމުން ދަނީ މި މުހިއްމު ބޭނުމުގަ ކަމަށް.

ރައީސް ޑރ މުއިއްޒު: ޕޯޗުގީޒުން މާލެ ހިފީ 16 ވަނަ ގަރުނުގެ މެދު ތެރޭގަ. އެއީ މީލާދުން 1558 ވަނަ އަހަރު. އޭގެ 140 އަހަރު ފަހުން 1713 ވަނަ އަހަރު ތޯމަސް ރޭނަލް ކިޔާ ފަރަންސޭސި ތާރީޚް އިލްމުވެރިއަކު އެހާދިސާއާ ބެހޭގޮތުން އިނގިރޭސި ބަހުން ލިޔުއްވާފައިވޭ. "when the Portuguese came to India they tried to introduce slavery on the Maldive islands. This tourney lasted just for a short time. The grewsome that was employed in this enslavement was exterminated by the Maldivian people and they again became independent."

"ޕޯޗުގީޒުން އިންޑިއާއަށް އައުމާއެކު އެމީހުން ދިވެހިރާއްޖެ އަޅުވެތިކުރުމުގެ މަސައްކަތް ފަށައިގަތެވެ. އެއަނިޔާވެރިކަން ދެމި އޮތީ ދާދި ކުޑަ ދުވަސްކޮޅަކަށެވެ. ދިވެހީން އަޅުވެތި ކުރުމަށް ޕޯޗުގީޒުން ފޮނުވި ލަޝްކަރާ ދެކޮޅަށް ދިވެހީން ތެދުވެ، އެމީހުން ބަލިކޮށް އަލުން ދިވެހީންނަށް ދިވެހީން މިނިވަންކަން ހީދައިގަތެވެ."

އެހެންވީމަ ދިވެހީންނަކީ އަބަދުވެސް މިނިވަން ކަމުގެ ބަތޮލުން.

ރައީސް ޑރ މުއިއްޒު: ރާއްޖޭގެ މި ފަޚުރުވެރި ޤައުމީ ދުވަހު އަޅުގަނޑުމެން ދިވެހި ރައްޔޮތުން މި ސުވާލުތައް އަމިއްލަ ނަފްސާ ކޮށްލަމާތޯ؟ މާ ކަނޑެއްގެ މެދުގަ މިރާއްޖެ ދިފާއުކޮށްގެން ދިވެހީންނަށް މިހާ ދުވަހު ތިބެވުނީ ކޮންކޮން ސަބަބުތަކެއް އެކަމުގައި ހުރެގެންބާ؟ ހަމަ އެއްވެސް ބާރަކުން މި ފަސްގަނޑަށް ނުފޫޒު ފޯރުވާ އިރަށް އެބައެއްގެ ވަރަ ބިންދާލުމުގެ ތޫނު ކަމާއި އެހިއްވަރު މި ތިރި ރައްތަކުގަ އުޅުނު ކާބަފައިން ލިބިގަތީ ކިހިނެއްބާ؟ ދުރު އެކި ޒާމާންތަކަށް ބަލާއިރު ތާރީޚް އަބަދުވެސް ދައްކައިދީފައި އޮތީ ދިވެހިރާއްޖެއަށް ފާރަލާ ބޭރު ލޯތަކެއް ވާކަން. ދިވެހީންނަށް ގޯނާ ކުރާ ބޭރުގެ އަތްތައް އެކަން ބޮޑު ރަސްގެފާނު މާލެ ވަށާ ރޭނުއްވި ދިފާއީ ބޮޑު ފާރުން ސާބިތުވޭ. އެކަން މާލޭގެ އެކި ހިސާބުތަކުގައި ބިނާކުރެެއްވި ބަޑި ބުރުސް ތަކުން ކަށަވަރުވޭ. މިއަދުވެސް ރާއްޖޭގެ ދާރުލް އާސާރު ކުރިމަތީގައި އެހެރަ ބޮޑު ބަޑި ތަކުގެ ތެރޭގައި ބޮޑު ރަސްގެފާނު އެތެރެކުރެއްވި ބައެއް ބޮޑެތި ބަޑި ތަކާއި، އިސްކަންދަރު ރަސްގެފާނުގެ ސިއްކަފުޅު ޖަހާފައިހުރި ބޮޑު ބަޑިވެސް އެއޮތި. އއަދި ކީއްތޯ ރާއްޖެ ހިފި ޕޯޗުގީޒުންގެ ބަޑިތައް ވެސް އެހުރީ ފެންނަން. އަޅުގަނޑު މި އިޝާރާތްކުރަނީ ޒަމާންވީ މިތަރިކަތައް އަޅުގަނޑުމެންނާ އެ ދައްކާ ވާހަކަތަކަށް. މިތަރިކަ ތައް ހެކި ދެނީ އަޅުގަނޑުމެންގެ ކާބަފައިންނަކީ މިޤައުމުގެ ދިފާއުގައި ހުރިހާ މާނައެއްގައި ހުރިހާ ޒަމާނެއްގައި މަސައްކަތްކުރި ބައެއް.

ޤައުމީ ދުވަހުގެ މުނާސަބަތުގައި ވާހަކަފުޅު ދައްކަވަމުން ރައީސް ވިދާޅުވީ ޤައުމީ ދުވަހަކީ ޤައުމާ މެދު ވިސްނުމާއި، ޤައުމު ބިނާކުރަން އައު ހިއްޔަވަރެއް ނެރެންވީ ދުވަހެއް ކަމަށާއި، ދިވެހި ތާރީޚުވަނީ މިއަދުގެ ހާދިސާފަދަ އެތައް ފިލާވަޅަކުން މުއްސަނދި ވެފަ ކަމަށް. އެހެންކަމުން މިއަދު މިއަދު ރައްޔިތުންނަށް އިލްތިމާސް ކުރަނީ ދިވެހި ޤައުމާ ދިމާއަށް އެނބުރި ބެލުމަށް. ގައުމުގެ ސަލާމަތާ ރައްކާތެރިކަމަށް، އަދި ގައުމުގެ މައްސަލަތުގެ ހައްލަށް ފިސާރި ފަރުވާތެރިކަމާ އެކު ކަޅި ހިންގެވުމަށް ކަމަށް.