ރައީސް އޮފީހުން ބާއްވާ ނޫސްވެރިންގެ ބައްދަލުވުން - ކެބިނެޓްގެ ނިންމުމުގެ ތަފްސީލު ހާމަ ކުރުން

ސައީދު: 7300 މުވައްޒަފުން އެބަތިބި ފެނަކައިގެ ޕޭރޯލްގަ އިނގޭތޯ. 7300 މުވައްޒަފުންނަކީ ވަރަށް ބޮޑު އަދަދެއް. ވަރަށް ބޮޑު އަދަދެއް އިނގޭތޯ. ރަށްރަށުގަ ދޯނިފަހަރުގަ މަހަށްދާން ތިބި ޒުވާނުންނާ ދެން މިހެންގޮސް އެކިއެކި ރަށްރަށުގައި އެކްޓިވްކޮށް އުޅުނު ޒިންމާދާރު ބޭފުޅުން ހަމަ ސިޔާސީ ބޭނުމަކަށްޓަކައި އެމްޑީޕީގެ ސަރުކާރުން އިންތިޚާބު ވިން ކުރަންވެގެން އެބޭފުޅުން ޕޭރޯލްއަށް ލާފަ މިތިބީ. އެހެންނަމަވެސް، ރައީސުލްޖުމްހޫރިއްޔާއަށް އަޅުގަނޑު ކުރިންވެސް ތަކުރާރުކޮށް މިދަންނަވާހެން ކޮންމެ ރައްޔިތަކީވެސް މުހިއްމު ރައްޔިތެއް.

ދިވެހިރާއްޖޭގެ ސަލާމަތާއި ރައްކާތެރިކަމަކީ ރައީސް އެންމެ އިސްކަމެއް ދެއްވާ އެއް ކަންތައް ކަން ފާހަގަކުރައްވަމުން މިނިސްޓަރ އިހުސާން ވިދާޅުވީ ރައީސުލްޖުމްހޫރިއްޔާގެ ކޮންމެ ނިންމެވުމެއް ނިންމެވުމުގެ ކުރިން ސެކިއުރިޓީ ރިސްކެއް އައިސްދާނެ ތޯ އަބަދުވެސް ބައްލަވާ ކަމަށް. އަދި ކޯޕަރޭޓިވް ރެސިޑެންސީ ޕްރޮގްރާމެއް ވިއަސް އިންވެސްޓަރ ރެސިޑެންސީ ޕްރޮގްރާމެއް ވިއަސް މީގެ އިންޓްރެސްޓަކީ ގެންނަ ފަންޑު ކަމަށް ވިއަސް ޑިޒިޝަން ނެގުމުގައި ޕްރައިމަރީ ފިޔަވަޅު ނަގާނީ އެމީހާ އަކީ ރާއްޖެއަށް އެލޯ ކުރެވޭނެ މީހެއްތޯ ނޫންތޯ ބަލާފަ ކަމަށް މިނިސްޓަރ ވިދާޅުވި.

ސައީދު: މިދިޔަ ސަރުކާރަކުން ނޫން ކޯޕަރޭޓް ރެޒިޑެންސީ ވިސާ ތައާރަފް ކުރީ. 2014 ނުވަތަ 2015 ގަ. އިކޮނޮމީ މިއޮންނަނީ ރާޢްޖޭގަ ކޮންވެންޝަނަލް ޓުވަރިޒަމްއަށް ވަރަށް ބޮޑަށް ޑިޕެންޑުވެފަ. 1972 އަކުން ފެށިގެން އިވޯލްވް ވަމުން މިއައީ ސަން، ސޭންޑް އެންޑް ސީ މިކިޔާ މޫދު ކުޅިވަރުން ފެށިގެން ހެލްތު އެންޑް ވެލްނެސް އިން ގޮސް މިހާރު އެންމެ ޓޮޕް އެނޑްގެ ރެސްޓޯރަންޓް ތަކާއި މިޝެލިންގ ސްޓަރ ތަންތަންވެސް އެބަހުރި. ހުރެފަ މި އަންނަނީ ރިއަލްސްޓޭޓް ޓޫރިޒަމްގެ ވެސް މުޅިން އެހެން ފިޔަވައްސެއް. އަދި މިއީއޭ މިނިސްޓަރ އެ ވިދާޅުވި ގޮތަށް ދުބާއީ ތަންތަންވެސް ކުރިއަރާ ގޮސްފައި ހުރި ގޮތަކީ.

ރާއްޖެޓީވީގެ ނޫސްވެރިޔާ ޝައިހާން ސުވާލުކޮށްފައިވަނީ ރައީސުލްޖުމްހޫރިއްޔާ ސިންގަޕޫރަށް ކުރެއްވި ދަތުރުފުޅުގައި ރައީސުލްޖުމްހޫރިއްޔާގެ ފޮޓޯއެއް ނެގި މައްސަލައެއްގައި އާންމު މީހެއްގެ ފޯނު ހިފަހައްޓާފައިވާ ކަމަށާއި، ފުލުހުން ބުނެފައިވަނީ އެ ފޮޓޫގެ ސަބަބުން ރައީސުލްޖުމްހޫރިއްޔާގެ ސެކިއުރިޓީ ކޮމްޕްރޮމައިޒް ވިކަމަށް. އެހެންނަމަވެސް މީގެ ދުވަސްކޮޅެއްގެ ކުރިން ފެނުނީ ރައީސް އޮފީހުގެ ސިޔާސީ މުވައްޒަފަކު ރައީސުލްޖުމްހޫރިއްޔާ ހަމަ އާއްމު ތަނެއްގައި އިންނަވަނިކޮށް ފޮޓޯ ނަގާ އެކްސްގައި އާއްމު ކުރި ކަމަށާއި، ރައީސް އޮފީހުގެ ސިޔާސީ މުވައްޒަފަކު އެކަން ކުރެއްވި އިރު ރައީސުލްޖުމްހޫރިއްޔާގެ ސެކިއުރިޓީ ކޮމްޕްރޮމައިޒް ނުވަނީ ތޯ އާއި އާއްމުންގެ ތެރެއިން މީހަކު ކުރީމަތޯ ސެކިއުރިޓީ ކޮމްޕްރޮމައިޒް ވަނީ؟ އަދި ކުރިއަށް އޮތް ތަނުގައިވެސް ރައީސުލްޖުމްހޫރިއްޔާ އާއްމު ތަނެއްގައި ހުންނަވަނިކޮށް ފޮޓޯއެއް ނަގައިފި ނަމަ އަމަލުކުރެވިގެންދާނީ މިގޮތަށްތޯ؟އަދި މާލީ ބަޣާވާތުގެ އިތުތު އަޕްޑޭޓަކީ ކޮބާތޯ؟ ޝައިހާންގެ ސުވާލުގެ ޖަވާބުގައި މިނިސްޓަރ ސައީދު ވިދާޅުވީ މިއަދު މި ބާއްވާ ނޫސްވެރިންގެ ބައްދަލުވުމަކީ ކެބިނެޓުގެ އެކޮނޮމިކް ޑައިވާސިފައި ކުރުމާއި ރައީސުލްޖުމްހޫރިއްޔާގެ އިޤްތިޞާދު ރިފޯމްކުރުމުގެ ޕްރޮގްރާމްގެ ތެރެއިން ނިންމުނު މުހިއްމު މަޝްވަރާތައް ކަމަށް. އަދި ކުރިޔާ ޚިލާފަށް އެންމެންވެސް މީޑިއާ އިން ކުރާ އެކިއެކި ސުވާލުތަކަށް، ފޯރަމްތަކާ، ޕްރެސްކޮންފަރެންސް ތައް ބާއްވަމުން ގެންދާ ކަމަށާއި އެކަހަލަ ފުރުސަތެއްގައި މިނިސްތަރުގެ އިޒްނައާއި އެއްްކޮށް ބައްދަލުވުމުގެ ފުރުސަތު ލިބޭނެ ކަމަށް. އަދި ފަށަމުންވެސް ކެބިނެޓުގެ ނިންމުންތަކާ ބެހޭގޮތުން ސުވާލެއް ވާނަމަ ކުރުމަށް ވިދާޅުވެފައި ވާނޭ ކަމަށް.

ހައިދަރު: އަދި މިއަދު ކެބިނެޓުން ނުނިންމެވި ނަމަވެސް ރައީސް ވިސްނަވާފަ އޮތީ އެޗްޑީސީ އަކީ އާއްމުންގެ ވެސް ހިއްސާ އޮންނަ ކުންފުންޏަކަށް ހަދަން ޕަބްލިކް ލިބިޓެޑް ކޮމްޕެނީއެއްގެ ގޮތަށް.

މިނިސްޓަރ ފާހަގަކުރެއްވީ ކެންސަރ ހޮސްޕިޓަލުގެ މިހާރު ކުރެވެމުންދާ މަސައްކަތް ނިމި ރައްޔިތުންނަށް ޚިދުމަތް ދިނުމަކީ ރައީސްގެ އެޖެންޑާގައި އޮތް ކަމަކަށް ވާތީ އިންޓަނޭޝަނަލް އެޓޮމިކް އެނަރޖީ އެޖެންސީގައި ދިވެހިރާއްޖެ ބައިވެރިވުމަށް މިއަދު ނިންމާފައިވާކަމަށް. އަދި މިއެޖެންސީއަކީ ދުނިޔޭގެ 178 ޤައުމަކުން ބައިވެރިވެފަ އޮތް އެޖެންސީއެއް ކަމަށް ފާހަގަކުރައްވަމުން މިނިސްތަރ ވިދާޅުވީ އަދި ރާއްޖޭން މިހާތަނަށް މި އެޖެންސީގައި ބައިވެރިވެފައި ނުވާކަމަށާއި، މިހާރު މި އެޖެންސީގައި ބައިވެރި ނުވެ އޮތީ ރާއްޖެ އާއި ބޫޓާން ކަމަށް. އަދި މިހާރު މިކަންތައް މުހިއްމު ވެގެން މިއުޅޭ ކަމަކީ މިހާރު މިކުރެވޭ މަސައްކަތާ އެކީގަ ކެންސަރ ހޮސްޕިޓަލެއްގެ މަސައްކަތް ނިމި ރައްޔިތުންނަށް ޚިދުމަތް ދޭން ފެށުން ރައީސްގެ އެޖެންޑާގައި އޮތީމަ ކަމަށް ވެސް މިނިސްޓަރ ވިދާޅުވި. އަދި އެކަމަށް ޓަކައި މިޒަމާނުގެ މެޑިސިންގައި އެޓޮމިކް އެޖެންސީގެ އެހީތެރިކަން ވަރަށް ބޮޑަށް ބޭނުންވާ ކަމަށް ފާހަގަކުރެއްވި. އަދި މިކަމުގެ ލީޑް އެޖެންސީއެއްގެ ގޮތުގައި މަސައްކަތްކުރުމަށް ނިންމާފައިވަނީ މިނިސްޓްރީ އޮފް ޑިފެންސް ކަމަށް މިނިސްޓަރ ވިދާޅުވި. މީގެ އިތުރުން މިހާރު ދުނިޔެއަށް އަންނަ ބަދަަލަށް ބަލާއިރު އެޓޮމިކް އެނަރޖީ އާ ދިމާލަށް ދުނިޔެ ދިޔުމުގެ ފުރުސަތު އޮތް ކަމަށާއި، އެހެންކަމުން ރާއްޖެވެސް މިކަމުގައި ބައިވެރިވެގެން މީގައި ހުރި ފައިދާތައް ހޯދަންޖެހޭނެ ކަމަށް ގަބޫލުކުރެވޭތީ ކެބިނެޓުން މިގޮތަށް ނިމިގެން ދިޔައީ ކަމަށް މިނިސްޓަރ ވިދާޅުވި. އަދި ރައްޔިތުންގެ މަޖިލީހަށް ހުށަހެޅި ބިލް ފާސްވުމުން ދެން ހުރި މަސައްކަތްތައް ފެށިގެން ދާނެ ކަމަށް ވެސް މިނިސްޓަރ ފާހަގަކުރެއްވި.

ސައީދު: މޯލްޑިވްސް އިންޑަސްޓްރިއަލް ޑިވޮލޮޕްމަންޓް ފްރީޒޯން ކޮމްޕެނީ އަކީ ރައީސް އެންމެ ފުރަތަމަ ކެބިނެޓްގެ ދުވަސްވަރު ރާއްޖޭގެ އިންޑަސްޓްރިއަލް ޑިވޮލަޕްމަންޓަށްޓަކައި އުފައްދަވާފައިވާ ކުންފުންޏެއް. އެއާ އެކުގަ ދިވެހިރާއްޖޭގަ ކުރިއަށް ގެންދެވޭ އެންމެ ބޮޑު އެގްރިކަލްޗަރ މަސައްކަތް އެއީ އެގްރިކަލްޗަރ އެކޮނޮމިކް ޒޯންގެ އަމަލީ މަސައްކަތް އިރާދަކުރެއްވިއްޔާ މިއަހަރުގެ ފަހު ކޮޅުގެ ތެރޭގައި ފެށިގެން ކުރިއަށް ދާނެ. އެއީ 250 ވަރަަކަށް މިލިއަން އެމެރިކާ ޑޮލަރުގެ ބޮޑު މަޝްރޫއެއް. އެހެންވީމަ އެގްރިކަލްޗަރުގެ އެކޮނޮމިކް ޒޯންތަކެއްގެ ގޮތުގަ ރައީސުލްޖުމްހޫރިއްޔާ ބޭނުންފުޅުވަނީ މާލޭ އޭރިއާގައި މިހިންގާ މަޝްރޫއު ގޮތަށް ރާއްޖޭގެ އުތުރާއި ދެކުނު ގައި ވެސް ކުރިއަށް ގެންދިއުން ކަމުގައި ވާތީ އާ އަދި ރިސޯސް އެކިއެކި ކުންފުނި ތަކަށް ބެހިގެން ނުދާނެ ގޮތަށް އިންޑަސްޓްރިއަލް ޑިވޮލަޕްމެންޓް މަސައްކަތެއްގެ ގޮތުގަ ދަނޑުވެރިންނަށްވެސް އަދި ތަރުކާރީ އާއި މޭވާ އުފައްދާ ބޭފުޅުންނަށްވެސް އެންމެ ނަފާވެރިކަން ބޮޑު ވާނީ މި ދެކުންފުނި ސިނަޖައިޒް ކޮށްގެންކަން.

މޯލްޑިވްސް ފަންޑް މެނޭޖްމަންޓް ކޯޕަރޭޝަން (އެމްއެފްއެމްސީ) ބިޒްނަސް ސެންޓަރ ކޯޕަރޭޝަން (ބީސީސީ) އާ މާޖް ކުރުމާ ގުޅޭ ގޮތުން ކުރިއަށް ގެންދިޔަ މަޝްވަރާގެ އަލީގައި ރައީސުލް ޖުމްހޫރިއްޔާ ކެބިނެޓް ސެޝަންގައި ކުރިއަށް ދިޔުމަށްޓަކައި ގޮތްތަކެއް ކަނޑައެޅިފައި ހުރިކަމަށް ފާހަގަކުރައްވަމުން މިނިސްޓަރ ވިދާޅުވީ މީގެތެރެއިން އެންމެ ފައިދާހުރި ގޮތްތަކަކީ ކޮބައިތޯ ބެލުމަށް މަޝްވަރާތައް ކުރިއަށް ދިޔައިރު، އޯޝަންކަނެކްޓް މޯލްޑިވްސް މިހާރެކޭވެސް އެއްގޮތަށް އެމްއެފްއެމްސީގެ ސަބްސިޑައިރީ އެއްގެ ގޮތަށް ކުރިއަަށްދިޔުމަށް ނިންމާފައިވާކަމަށް.

މިނިސްޓަރ ސައީދު ވިދާޅުވީ މި އަމާޒަށް އެއްކޮށް ވާސީލުވެވޭނެ ކަމަށް ޓާގެޓުކުރީ 31 ޖެނުއަރީ 2025 އަށް ކަމަށާއި، ކޯޕަރޭޓް ގަވަރަނެންސް އުސޫލުން މި ދެ ކުންފުނިން ނިންމަން ޖެހޭ ނިންމުންތަކާއި، އެޑްމިނިސްޓްރޭޓިވް މަސައްކަތްތައް ބުނެވިދިޔަ ތާރީޚުގެ ނިޔަލަށް ނިންމާލެވޭނެ ކަމަށް. އަދި މިކަަމުގެ ސަބަބުން ވަރަށް ބޮޑު ސޭވިންގ އެއް އަންނާނެ ކަމަށާއި، ދެ ކުންފުނީގެ އެލައިންމެންޓުގެ ސަބަބުން ވަރަށް ބޮޑެތި ކުރިއެރުން ތަކެއް އަންނާނެ ކަމަށް. މިގޮތުން ހަނިމާދޫ ވެސް ހިމެނޭގޮތަށް 8 އެއަރޕޯޓެއް މި މަސައްކަތުގެ ތެރޭގައި މާޖް ކުރެވިގެން ދާނެ ކަމަށް މިނިސްޓަރ ވަނީ ފާހަގަކުރައްވާފަ.

ރައީސް އޮފީހުން ބާއްވާ ނޫސްވެރިންގެ ބައްދަލުވުން ފަށައިފި