މާލޭ ސިޓީގެ މޭޔަރު އާދަމް އާޒިމްގެ ނޫސްވެރިންގެ ބައްދަލުވުން - ކައުންސިލުގެ މަސައްކަތުގެ ތަފްސީލު ހާމަކުރުން

އާޒިމް: ސްކޫލް ކުދިންނާއި ދުވަސްވީ މީހުންނާއި އަންހެނުންނަކީ މަގުމަތީގައި ވަރަށް ގިނައިން ހިންގާފައި އުޅޭބައެއް. މި މީހުން ހިނގާފައި އުޅޭ އިރުގައި ދުވާރުމައްޗަށް ކާރު އަރުވާ، ސައިކަލުތައް އަރުވާ މިގޮތަށް ހެދީމަ މި ވާގޮތަކީ ހިނގާ މީހާ މިޖެހެނީ މަގުމެދުން ހިނގަން. މަގުމެދުން ހިނގަން ޖެހުނީމަ މިވާގޮތަކީ ބޮޑެތި އަނިޔާތަކެއް ނޫނީ ޓްރެފިކް ބްލޮކްވުން އެއްކަމަކަށް ނޫނީ ދުއްވާ އެއްޗެހިގެ ތެރެއިން ކުދިންނާ، ދުވަސްވީ މީހުންނާ، އަދި ޚާއްސަކޮށް އަންހެނުން ހިނގަމުންދާއިރު މި މީހުންނަށް ބޮޑެތި އަނިޔާތައް ލިބި ބޮޑެތި އެކްސިޑެންޓްތައް އެބަވޭ. އެހެންވީމަ އަޅުގަނޑުމެން ދުވާރަކީ (ޕޭވްމަންޓަކީ) އެތަން ބޭނުންކުރުމަށް ޚާއްސަކުރެވިފައިވާ ފަރާތްތަކަށް ބޭނުންކުރެވޭ ގޮތަށް އޮންނަ ތަނަކަށް ހެދުމަށް މަސައްކަތްތަކެއް ފަށައިގެން ކުރިއަށް ގެންދިއުމަށް. ލިލީ މަގުގަ އާއި ޗާންދަނީ މަގުން ބައެއްގަ ބޮލާޑް ޖެހިފަ އެހުރީ. އަދި އެހެން މަގުތަކުގަ ބޮލާޑް ޖަހަމުން މިދަނީ. ހަމައެގޮތަށް ޕޭވްމަންޓް މައްޗަށް ވެހިކަން އަރުވާ ހުރިހާ ތަނެއްގައި އަޅުގަނޑުމެން އިރާދަކުރެއްވިއްޔާ ބޮލާޑް ޖަހާ ރައްޔިތުންނަށް   ފަސޭހައިން ހިންގާލެވޭ މަގުތަކެއް ދިނުމަށްޓަކައި އަދި ޕޭވްމަންޓުތައް ހެދުމަށް ބަޖެޓުކުރެވިގެން ކުރިއަށް ދާއިރު ޕޭވްމަންޓްތައް ރަނގަޅަށް ހެދާ އަދި ނުހެދި ހުރި ތަންތަނުގަ ވެސް ބޮލާޑް ޖަހާ މަގުމެދުން ރައްޔިތުންނަށް ހިންގަން ޖެހިފަ އޮންނަ ޖެހުން ހުއްޓުވުމަކަށް މަސައްކަތްތަކެއް ކުރަމުން މިދަނީ. އިރާދަކުރެއްވިއްޔާ އެއަށް ކުރިއަށް އޮތް ތަނުގައި ރަނގަޅު ހައްލެއް ލިބޭނެ ކަމަށް އުއްމީދު މިކުރަނީ. މިމަސައްކަތް މިހެން ގޮސް ނިންމާލެވުނީމަ.

ގަވައިދާ ޚިލާފަށް މަސައްކަތްކުރާކަން ފާހަގަކުރެވޭ ކަމަށާއި، މިއީ ވަރަށް ނުރައްކާތެރި މައްސަލައެއް ކަމަށް އާޒިމް ވިދާޅުވި. މާލެ ސިޓީ އަކީ ކުޅޭ ކުޅޭތަނެއްގެ ގޮތުގައި އޮތް އޮތުން ނިންމަން މަސައްކަތް ކުރަމުންދާ ކަމަށް. އެންމެންގެ ސަލާމަތާއި ރައްކާތެރި ކަމާއި ރީތި ދިރިއުޅުމެއް އުޅުމުގެ މަގު ކޮށާއި ދިނުމަށް ކުރަމުންދާ މަސައްކަތް ކަމަށް އާޒިމް ވިދާޅުވި. ހުއްދަ ނުނަގާ ގެތައް ހެދިގެންދާއިރު އެގޭގައި ދިރިއުޅެމުންދާ މީހުންނަށް ބޮޑު ގެއްލުމެއް ލިބިގެން ގޮސްދާނެ ކަމަށް. އިމާރާތް ކުރާތަން ވެއްޓި ބޮޑު އަނިޔާއެއް ލިބިދާނެ ކަމަށާއި، ހުއްދަ ހޯދުމަށް ގޮތްތައް ކަނޑައެޅިފައި ހުންނަނީ އެބައެއްގެ ރައްކާތެރިކަމަށް ކަމަށް އާޒިމް ވިދާޅުވި. ހުއްދަ ނުހޯދާ ތަންތަން ހަދައިގެން އެތަންތަނުގައި ތާށިވެ އެ ގެ ވެއްޓޭ ހިސާބުން އެންމެން އެކަމާ ހިތާމަ ކުރާނެ ކަމަށް. އާޒިމް ވިދާޅުވީ އެއްވެސް އިމާރާތެއް ހުއްދަ ނުނަގާ ކުރަންޏާ ވަގުތުން އަޅަންޖެހޭ ފިޔަވަޅުތައް އަޅާ ހުއްޓުވަން ޖެހޭނެ ކަމަށް ލޭންޑް ސެކްޝަނަށް އަންގައިފައިވާނެ ކަަމަށް.

އެގޮތުން ބުދަ ދުވަހު އެކަނި ވެސް 4 ތަނެއް ރިޕޯޓުކޮށްފައިވާނެ ކަމަށާއި، އަދި ޑޭޓާ ބޭސްގައި ހުރި ވަރަށް ބައިވަރު ތަންތަން ވަނީ މިހެން އައިޑެންޓިފައި ވެފަ ކަމަށާއި، އިމިގްރޭޝަން އާއި ވަރަށް ކައިރިން މަސައްކަތްކުރައްވާ ކަން ފާހަގަކުރެއްވި. ޤަވާއިދާ ޚިލާފަށް ހުންނަ ތަންތަން އިމިގްރޭޝަނަށް އަންގަމުން ގެންދާކަން ފާހަގަކުރައްވަމުން އާޒިމް ވިދާޅުވީ މިދިޔަ ދުވަސްތަކުގައިވެސް ވަރަށް ގިނަ ތަންތަން އިމިގްރޭޝަނަށާއި، ފުލުހުންނަށާއި، ހޯމް މިނިސްޓަރާ ވެސް ވަރަށް ކައިރިން މަސައްކަތް ކުރައްވާ ކަމަށް. އަދި އެބޭފުޅުންގެ އެއްބާރުލެއްވުން ވެސް ލިބިލައްވާކަމަށް.

ޤާނޫނާ ގަވައިދު ތަންފީޒު ކުރުމަށްޓަކައި ކުރެވުނު މަސައްކަތުގެ ތަފްސީލު ހާމަކުރައްވަމުން އާޒިމް ވިދާޅުވީ މަގުމަތީގައި ގަވައިދާ ޚިލާފަށް މަސައްކަތް ކުރަމުންދިއަ 350 ފަރާތަކަށް ހަމަސް ތެރޭގައި ފިޔަވަޅު އަޅާފައިވާނެ ކަމަށް. ޕާކުތަކާ މިސްކިތްތަކުގައި ނިދާ 1025 މައްސަލަ އަށް އެޓެންޑްވެފައިވާ ކަމަށާއި، މިކަމަށް އަދިވެސް ފުރިހަމަ ހައްލެއް ނުލިބޭ ކަމަށް. ފުލުހުންނާ އިމިގްރޭޝަންއާއި އަދި ވެސް ތަންފީޒީ އެހެން އިދާރާތަކާއި އެކު ކެނޑި ނޭޅި ދާތީ ގިނަ ކަންތައްތައް ހައްލުވަމުން ދާކަމަށް ފާހަގަކުރެއްވި. އޭސީ ދިއަ ދޮވިތަކުންނާއި އެހެނިހެން ގޮތްގޮތުން މަގުމައްޗަށް ފެންފައިބާ 400ށް ވުރެ ގިނަ މައްސަލަ ފާހަގަކުރެވި އެބޭފުޅުންނަށް އެކަންތައްތައް ރަނގަޅު ކުރުމަށް އެންގިފައިވާނެ ކަމަށް އާޒިމް ވިދާޅުވި. އޭގެ ތެރެއިން ދެބައިކޮށްފައި އެއްބައި ރަނގަޅުވެސް ކުރެވިއްޖެ ކަމަށާއި، ކޮންމެ ދުވަހަކު މަސައްކަތް ކުރަމުންދާއިރު އެހެން އިތުރު ތަންތަން ވެސް އަންނަ ކަމަށް އާޒިމް ފާހަގަކުރެއްވި. އާޒިމް އެދިވަޑައިގަތީ އެކަން ނޭންގިއަސް އަމިއްލައަށް ފެނިގެން އެކަންކަން ރަނގަޅުކޮށްލަ ދިނުމަށް. މަގުމަތީގައި ހިނގަމުންދާއިރު އާއިލާގެ މީހުންގެ ބޮލަށްވެސް ފެން އޭޅެނެ ކަމަށް ގަބޫލުކޮށް އެކަން ކަން ރަނގަޅު ކޮށްދެއްވުމަށް ރައްޔިތުން ކިބައިން އާޒިމް އެދިވަޑައިގަތް.

މާލެސިޓީ ކައުންސިލުން ޤާނޫނާއި ޤަވާއިދު ތަންފީޒު ކުރުމަށް ކުރި ބައެއް މަސައްކަތްތަކުގެ ވާހަކަ ތަފްސީލު ކުރަމުން މޭޔަރު ވިދާޅުވީ، އެނާ މޭޔަރު ކަމާ ހަވާލުވިތާ ކައިރީގައި ރޯދަ މަހު މުޅި މާލެތެރެ އޮތީ ގޮޑު ވެފައި ކަމަށާއި ނަމަވެސް މިދިޔަ 6އެއްކަ މަސް ތެރޭގައި ވޭސްޓްމެނޭޖްމަންޓް ޓީމުން 7498 ޓަނުގެ ކުނި މާލެ ތެރެއިން ނެގުނު ކަމަށް. އަދި މާލެސިޓިގެ މަސައްކަތްތައް ވަރުގަދަކޮށް ހަރުދަނާ ކުރުމާއެކު މިއަދު މާލެތެރެ މިވަނީ ވަރަށް ބޮޑަށް ސާފުތާހިރު ވެފަކަމަށާއި، މިއީ  ބައެއްގެ ވަރަށް ބުރަ މަސައްކަތް ކަމަށް މޭޔަރު ފާހަގަކުރެއްވި. އަދި ކުނި އެޅުމަށް ޚާއްސަކުރެވިފައިވާ ތަންތަނަށް ކުނި އެޅުމަށް ރައްޔިތުންނަށް ޚަނދާންކޮށްދެވި. އަދި ވަރަށް ގިނަ ރައްޔިތުން ކޮންމެ ދުވަހަކުވެސް ބައްދަލުކޮށް ވާހަކަ ދައްކާ ކަމަށާއި، ކޮންމެ ދުވަހަކު ވެސް ގާތް ގަނޑަކަށް 10 ވަރަކަށް މީހުންނާ ބައްދަލުކޮށް އެމީހުންގެ ޝަކުވާތައް ޕާސަނަލީ އަޑުއައްސަވާކަމަށް ވިދާޅުވި. އަދި ކުދަވެގެން ޓިޝޫކޮޅެއްގެ މިންވަރުވެސް މަގުމައްޗަށް ވައްޓާނުލުމަށް އެދިލެއްވި. އަދި ތަކުރާރުކޮށް މަގުމަތީގެ ސާފުތާހިރުކަމަށް އެންމެންވެސް ވިސްނައިގެން އުޅުމަށް އެދިލެއްވި.

އާދަމް އާޒިމް: މާލޭގައި ނުރައްކާތެރިކޮށް ހުރި އިމާރާތްތައް ދައުލަތުގެ ސަމާލުކަމަށް ގެނައިން. އެ މަސައްކަތްވެސް ސިޓީސް މިނިސްޓްރީއާއި މިނިސްޓްރީ އޮފް ޕަބްލިކް ވޯކްސް އާއި އެމްޓީސީސީ، ވެމްކޯ އާރުޑީސީ މި ހުރިހާ އެންމެން ގިނަ ބައްދަލުވުންތަކެއް ބޭއްވުމަށްފަހު މިހާރު މިވަނީ އެއް އިމާރާތް ތަޅަން ފެށިފައި. އަޅުގަނޑުމެން ވާނެ އެދިފަ މިކަމުގައި ބޮޑު ލިސްޓެއް އޮންނާނެ. ސިޓީސް މިނިސްޓްރީން މިކަން އަވަހަށް ކޮށްދެއްވާތީ މިނިސްޓަރަށް ޝކުރު ދަންނަވަން. އަޅުގަނޑުމެން އަތުގަ އެބަޖެޓެއް ނީނދޭ ސަރުކާރުންދީފަ. އެ ބަޖެޓް ނީންނާތީ އަޅުގަނޑުމެންނަށް ފަށައި ނުގަނެވެނީ. ދައުލަތުގެ ބަޖެޓް ހުރިތަނަކުން އެކަން ކުރުމަކީ އަޅުގަނޑު އެދެމުން އައި ކަމެއް. އެހެންކަމުން މިހާރުވަނީ އެމަސައްކަތް ފެށިފައި. ކުރިއަށް އޮތްތަނުގައި ވެސް މިގޮތަށް ރައްޔިތުންނަށް ގެއްލުންވާ ތަންތަން ތަޅާ ސާފުކޮށް ކުރިއަށް ގެންދާނެ.

އާޒިމް ވިދާޅުވީ، އޭނާ ހަވާލުވިފަހުން އެންމެ ބޮޑަށް އެންމެ ގިނައިން ދެއްކި ވާހަކަ އަކީ ޤާނޫނާއި ޤަވާއިދު ތަންފީޒުކުރުމުގެ ވާހަކަ ކަމަށާއި، ދައުލަތުގެ މުވައްސަސާތަކުން އެވާހަކަތައް އަޑުއަހައި، އެދުނު ގޮތައް އެކަންކަން ކޮށްދެމުން ދާކަމަށެވެ. އަދި އެދުނު އެދުންތައް ތަންފީޒުކުރަން މަސައްކަތް ކޮށްދެއްވާތީ އެބޭފުޅުންނަށް ވަރަށް ބޮދަށް ޝުކުރު އަދާކުރައްވާ ކަމަށް. އަދި ޤާނޫނުގައި އޮންނަނީ ކުށްތައް ދެނެގަނެ، އެ ކުށްތައް ރަނގަޅުކުރުމަށް މުވައްސަސާތަކާއި ގުޅިގެން މަސައްކަތް ކުރުން ކަމަށާއި، އެގޮތުގެ މަތިން މޭޔަރުގެ ވާޖިބު އަދާކުރުމުގެ ގޮތުން ފެށި މަސައްކަތަކީ މާލޭގައި ހިނގާ ކުށްތައް ދެނެގަނެ އެބޭފުޅުންނަށް އަންގަމުން ދިއުން ކަމަށް. އެގޮތުގެ މަތިން އެންމެ ބޮޑަށް ދެއްކި ވާހަކައަކީ ނުޤަވާއިދުން އުޅޭ (އަންޑޮކިއުމަންޓެޑް) ބިދޭސީންގެ މައްސަލަކަމަށާއި، އަދި ބިދޭސީން ކުރަމުންދާ ޤާނޫނާއި ޤަވާއިދާ ޚިލާފް މަސައްކަތްތަކުގެ ވާހަކަ އަޅުގަނޑު ހަވާލުވެގެން ވަރަށް ބާރަށް ދެއްކިން. އޭގެ ނަތީޖާއަކަށްވީ ހުރިހާ މުވައްސަސާތަކެއްވެސް ހޭލައިގެން މިކަމުގައި އުޅެން ފެށުން ކަމަށް. އޭގެތެރެއިން އިމިގްރޭޝަނުން އިސް ނަގައިގެން ވަރަށް ގިނަ މަސައްކަތްތަކެއް ކުރައްވާ ކަމަށާއި،  ފުލުހުންވެސް ޓްރެފިކް ބެލެހެއްޓުމަށް ވަރަށް ގިނަ މަސައްކަތްތަކެއް ކުރައްވާ ކަމަށް. އޭގެ އިތުރުން ޓްރާންސްފޯޓް މިނިސްޓްރީންވެސް ގިނަ މަސައްކަތްތަކެއް މާލެ އާއި ހުޅުމާލޭގެ ޕާކިންގ އަދި ޓްރެފިކް މައްސަލަތައް ހައްލުކުރުމަށްޓަކައި މާލޭ ސިޓީ ކައުންސިލާއި ގުޅިގެން ކުރައްވާކަން ވެސް މޭޔަރު ފާހަގަކުރެއްވި.

އާދަމް އާޒިމް: މަގުތަކަކީ ގިނަ ރައްޔިތުން ބޭނުންކުރާ ތަނަކަށް ވާއިރު، މަގުތައް ކޮނެފަ މަގުތައް ހެދުމަކީ މުހިއްމު ކަމަކަށްވާއިރު ދިމާވާ އެކި ހާދިސާތަކުން ސަލާމަތް ކުރުމަށް ގިނަ މަސައްކަތްތަކެއް ދަނީ ކުރެވެމުން. ފަރުވާ ކުޑަކޮށް ކޮށްފައި ހުންނަ މަސައްކަތްތައް ރަނގަޅުކޮށް ރައްޔިތުންނަށް ރަނގަޅު ޚިދުމަތެއް ދެވޭތޯ ޓީމުތަކުން ކޮންމެ ރެއަކު މަސައްކަތް ކުރަމުންދޭ.  

އާދަމް އާޒިމް: މާލޭގެ މަގުތަކުގައި ހުރި މައްސަލަތައް ހައްލު ކުރުމުގެ މަސައްކަތް ކުރުމަށް މަސައްކަތްތަކެއް ދަނީ ކުރެވެމުން.

މިއީ މާލޭ ސިޓީގެ މޭޔަރ އާދަމް އާޒިމް ބާއްވާ ނޫސްވެރިންގެ ބައްދަލުވުމެއް. ނޫސްވެރިންގެ ބައްދަލުވުން ފެށުމަށް ހަމަޖެހިފައިވަނީ 2:30 ގައި، އެމްޑަބްލިއުއެސްސީ ކަސްޓަމަރ ސަރވިސް އޮފީހުގެ 3 ވަނަ ފަންގިފިލާގައި