ފްރޮންޓް އޮފީސް ޖަލްސާ - އެމްއެމްޕީއާރުސީ އަދި ޑޮލަރު މައްސަލަ

ކުރީގެ ރައީސް ނަޝީދަށް ދިން ހަމަލާއަކީ ހަޤީޤަތުގައި ވެސް ވަރަށް ފުން އަސަރެއް ކުރި ކަމެއް ކަމަށް ފާހަގަ ކުރައްވަމުން ޑރ ޖަމީލް ވިދާޅުވީ ރައީސް ނަޝީދު އާ މެދު އޮންނެވީ ސިޔާސީ ދެބަސްވުން ތަކެއް ކަމަށް. އަދި އެއްގޮތަކަށްވެސް ޒާތީ އެއްވެސް ކަމެއް ނެތްކަމަށް. އަދި ދިވެހި ރާއްޖެ އަށާއި ރައްޔިތުންނަށް ޚިދުމަތްކުރައްވާފައި ހުންނެވި ބޭފުޅެއްގެ ހައިސިއްޔަތުން އެ ޤަދަރު ރައީސް ނަޝީދަށް އޮންނަވާ ކަމަށް.

ރައްޔިތުންގެ މަޖިލިސް މެންބަރުންނަކީ ބޮޑެތި ހުވާތަކެއް ކޮށްގެން ތިބި ބައެއް ކަމަށާއި، އެމީހުން ކުރަންވީ މަސައްކަތް އެމީހުނަން އެނގޭނެ ކަމަށާއި، އެމީހުންގެ މަސައްކަތަކީ ޕީއެންސީ ދިފާއު ކުރުން ނޫންކަމަށް ރައީސް ޔާމީން ވިދާޅުވި. އަދި  ޕީޕީއެމް/ޕީއެންސީގެ މެމްބަރުން މިރޭ ޕީއެންއެފްގެ ފްރޮންޓު އޮފީހުގައި ހާމަކުރި ވާހަކަތަކަށް ފަހު ވެސް މުއިއްޒު ސަރުކާރާއެކު ތިބޭ ކަމަށް ވަންޏާ އެއީ ގައްދާރުން ކަމަށްވެސް ޔާމީން ވިދާޅުވި. އަދި ދިވެހި ދައުލަތާ ދިވެހި ކަރާމާތަށް ލޯބިކުރައްވާ މެންބަރުން މި ވާހަކަތަކަށް ވިސްނާލުމަށް ރައީސް ޔާމީން އިލްތިމާސް ކުރެއްވި.

ރައީސް ނަޝިދު އާ ސިޔާސީ ގޮތުން އައިޑިއޮލޮޖީ ތަފާތު ވިޔަސް ނަޝީދަށް ދިން ހަމަލާއަށް ތާއިދު ނުކުރައްވާ ކަމަށާއި، އެކަން ކުށްވެރި ކުރައްވާ ކަމަށް ވިދާޅުވި. އެހެންކަމުން، ރައީސް ޔާމިންގެ ސަރުކާރެއް ﷲ މިންވަރުކުރައްވައިގެން އައިސްފި ކަމަށް ވާނަމަ ރައީސް ނަޝީދަށް ދިން ހަމަލާގައި ބައިވެރިވި އެއްވެސް މީހަކު ސަރުކާރުގެ މަޤާމުތަކުގައި ތިބުމުގެ ފުރުސަތެއް ނުދޭނެ ކަމަށް ރައީސް ޔާމީން ވިދާޅުވެއްޖެ. އަދި އެއީ ޤައުމުގެ ހައްޤުގައި ކުރައްވާނެ ކަމެއްކަން ފާހަގަ ކުރައްވާ ޔާމީން ވިދާޅުވީ ޤައުމުގެ ހައްޤުގައި މިހާރު ވެރިކަމަށް ހުންނެވި ޑރ މުއިއްޒު އުޅުއްވަނީ ބޮޑެތި ކުށްވެރިން ކައިރިކުރައްވައިގެން ކަމަށް. އަދި މިއީ އެއްވެސް ސަރުކާރަކަށް ރައީސުލްޖުމްހޫރިއްޔާ އަށް މަޤާމުތަކަށް މީހުން އައްޔަނު ކުރެވުނަސް އެކަން ކުރައްވަން ވާނީ ރަނގަޅު ނުޔަތުގައި ކަމަށް ވިދާޅުވި.

ފުރަތަމަ މުހުތާޒް މުހުސިން ގެންގޮސް ލީ ޖިނާއީ ކަންކަމުގައި ރައީސްގެ މުޝީރެއްގެ ގޮތުގައި ސްޓޭޓް މިނިސްޓަރަކަށް ކަމަށާއި، މުހުތާޒް މުހުސިން ޖިނާއީ ކަންކަމުގައި ކޮށްފައި ހުރީ ޤާނޫނީ ޚިލާފް ކަންކަން ކަމަށް ރައީސް ޔާމީން ވިދާޅުވި. މީގެން އެނގެނީ ރައީސުލް ޖުމްހޫރިއްޔާވެސް ޖިނާއީ ވިޔާނުދާ ކަންކަން ކުރައްވަން ބޭނުންފުޅުވަނީ ތޯ ވެސް ޔާމީން ސުވާލު އުފެއްދި. އަދި މިހާރު ޚާރިޖީ ދާއިރާއަށް ކަމަށާއި، މިހާރު އެއުޅެނީ ރާއްޖޭން ބޭރުގަ މިކަހަލަ ސެލްއެއް އުފައްދަވަން ރައީސް މުއިއްޒު ބޭނުންފުޅުވަނީ ތޯ ވެސް ޔާމީން ސުވާލުއުފެއްދެވި. އަދި މިކަންކަން ގުޅުވާލީމަ ޤަބޫލުކުރެވެނީ އެހިސާބުން ފެށިގެން މުއިއްޒު ހުންނެވީ އެ އެންމެނާ ގުޅިފަ ކަމަށް ވިދާޅުވި.

އަހްމަދު އަދީބް ލޯންޗު ގޮއްވާލައިގެން ރިޔާސީ ކޮމިޝަނުން ތަހުޤީޤުން އެކަން ސާބިތުވާ ވަރަށް ރިޕޯޓެއް ތައްޔާރު ކުރި ކަމަށާއި، އެހިސާބުން ޕޮލިހުން ނިންމީ ޕީޖީ އަށް ފޮނުވަން ކަމަށާއި، އެކަމަކު މުހުތާޒް އެކަމާ ދެކޮޅު ހެއްދެވީ ކަމަށާއި، އޭގެ ސަބަބު ތައް އެނގިވަޑައިގަންނަވާނީ އޭނާއަށް ކަމަށް ރައީސް ޔާމީން ވިދާޅުވި. އަދި ހަމައެހެންމެ، މުހުތާޒް މުހުސިން ޕީޖީއަކަށް ހުރެގެން ނިންމީ އެމައްސަލަ ތަހުޤީޤަށް ނުފޮނުވުމަށް ނަމަވެސް، ދައުލަތުން އެ މައްސަލައިގައި ދުށީ އެއީ ޤައުމީ ސަލާމަތަށް ނުރައްކާވާ ވަރުގެ މައްސަލައެއް ކަމަށާއި، އަދި ރައީސުލް ޖުމްހޫރިއްޔާ މަރާލަން ނުވަތަ ދުނިޔޭން ނެތިކޮށްލަން ދިން ހަމަލާއެއް ކަމަށާއި، އެވަރު މައްސަލައެއް ކޯޓަށް ފޮނުވަން ދެކޮޅުހެއްދެވީ ކަމަށާއި. މިއީ މުހުތާޒް މުހުސިން ޕީޖީ ކަމުގެ މަޤާމުން ވަކި ކުރަން ޖެހުނު ސަބަބު ކަމަށާއި އެއީ އޭނާ އާ އެއްވެސް ޒާތީ ކަމެއް އޮވެގެން ނޫން ކަމަށް ރައީސް ޔާމީން ވިދާޅުވި.

ރައީސް ޔާމީންއާއި ގުޅިގެން ތައާރަފުވެގެން ދިޔަ ކަމަކަށް ވީނަމަވެސް އޭގެ ކުރިންވެސް ފަހުން ވެސް މަނީ ލޯންޑަރިންގެ ޤާނޫނު އޮތް ކަމަށާއި، އެ ޤާނޫނުގައި ޤާނޫނާއި ޤަވާއިދާ ޚިލާފަށް ހޯދާ 2 ލައްކަ ރުފިޔާއަށް ވުރެ ބޮޑު އަދަދެއްގެ ފައިސާ ރިޝްވަތެއްކަމަށް ޤަބޫލުކުރެވޭ ކަމަށާއި، ރިޝްވަތަކަށް ވަންޏާ އެއީ މަނީ ލޯންޑަރިންގ ކަމަށް ވިދާޅުވި. އަދި މި ނެގި 14 މިލިއަން ރުފިޔާއަކީ އެމްއެމްޕީއާރްސީ ރުފިޔާއެއް ނޫނޭ މުއިއްޒު ވިދާޅުވާއިރު އެހެންވަންޏާ އަދީބު އަތުގައި ހުރި ލާރިން އެމްއެމްޕީއާރްސީ ލާރި އަކީ ކޮބައިކަން ޑރ މުއިއްޒަށް އެނގިވަޑައިގަންނަވަންވާނެ ކަމަށް ޔާމީން ވިދާޅުވި. ހަމައެހެންމެ، ކޮންމެ ޤާނޫނާ ޚިލާފް ބޮޑު އަމަލެއް ހިންގުމަށް އުޖޫރައެއްގެ ގޮތުން 14 މިލިއަން ރުފިޔާ ޑރ މުއިއްޒު ނެންގެވި ކަމަށާއި އެއީ ކަނޑައެޅިގެން ރިޝްވަތުކަމަށާއި، އެ ލާރި މަނީ ލޯންޑަރިންގެ ތެރެއަށް ނުފެތޭނެ އެއްވެސް ގޮތެއް ނެތް ކަމަށް ރައީސް ޔާމީން ވިދާޅުވި.

ރައީސް އޮފީސް ތެރޭގައި ދެކެވުނު ވާހަކަވެސް، ޕީޕިއެމް އޮފީސް ތެރޭގައި ދެކެވުނު ހުރިހާ ސިއްރު ވާހަކައެއްވެސް ޑރ މުއިއްޒު ދިޔައީ އަބްދުﷲ ރިޔާޒް އަށާއި މަންނާނު މެންނަށް ހިއްސާކުރަމުން ކަމަށް އަހުމަދު ފަޔާޒު އަލީ ރިޒާ ވިދާޅުވި. ޤާނޫނީ ގޮތުން ހޮވިފައި ހުރި ސަރުކާރެއް ވައްޓާލަން، ދައުލަތުގެ ސިއްރު ހިފަހައްޓާ މަޤާމެއްގައި ހުރެ ލާރި ނަގަމުން ދިޔަ ކަމަށް ފަޔާޒު ޑރ މުއިއްޒަށް ތުހުމަތު ކުރެއްވި. އަދި އަބްދުﷲ ރިޔާޒް އާއި ޑރ މުއިއްޒު އާ ދެމީހުން ބަދަލުކުރެވުނު މެސެޖުތަކުން ޑރ މުއިއްޒަށް 14 މިލިއަން ރުފިޔާ އާންމު މީހަކު މެދުވެރިކޮށް ދީފައިވާކަން އެންގޭ ކަމަށް ވިދާޅުވި. އަދި ނިކަން ރީތި ހެދުމެއް ލައިގެން ހިޔަޅެއް ނިކުމި ހުއްޓަސް އެވާނީ ހިޔަޅަކަކަށް ކަމަށް ވިދާޅުވެ ފަޔާޒު ޑރ މުއިއްޒަށް ބޮޑެތި ތުހުމަތު ތަކެއް ކުރައްވާފައިވޭ.

ޕީއެންއެފްގެ ފްރޮންޓް އޮފީސް ޖަލްސާ ފަށައިފި. މިހާރު ވާހަކަ ދައްކަވަނީ އަހުމަދު ފަޔާޒު އަލީ ރިޒާ (ޕާޕާ)