ކޮންގްރެސް ޕާޓީ ހަރުގެ ޖަލްސާ - ދޮގުތައް ތެދުކަމަށް ހާމަކޮށްދިނުން

ރާއްޖެއަށް އަންނަ އެކިކަހަލަ ފޮރިންގ ޑައިރެކްޓް އިންވެސްޓްމަންޓްގެ ނަފާ ރާއްޖޭގެ ބޭންކްތަކުގަ ހިފެހެއްޓުމަށް ހިތްވަރު ލިބޭ ގޮތަށް ފޮރިންގ ޑައިރެކްޓް އިންވެސްޓްމެންޓް އަދި ބިޒްނަސް ޕްރޮފިޓް ޓޭކްސްގެ އެމްއެމްއޭގަ އޮންނަ ރެގިއުލޭޝަން ވެސް ބަދަލުކުރާނަން. އޭގެ ސަބަބުން ރާއްޖޭގަ ޑޮލަރު ހިފެހެއްޓުމަށް ހިތްވަރުދެވި ރާއްޖޭގައި ޑޮލަރު ގިނަ ދުވަސް ވަންދެން ހިފެހެއްޓިގެންދާނެ. އޭގެއިންވެސް ފައިދާ ކުރާނީ ރާއްޖެއަށް.

އެމްއެމްއޭގެ ރެގިއުލޭޝަންސްތަކަށް ކުރިއަށް އޮތް ހަފްތާއެއްހާ ދުވަސްތެރޭގައި ގަވަރުނަރު ބަދަލުތައް ގެންނާނެ. އަޅުގަނޑުމެންގެ ފަރާތުން މަޝްވަރާ އަރުވާފަ ވާނެ. އޭގެ ނަތީޖާއަކަށް ވާނީ ކޮންކަމެއްތޯ. އެމްއެމްއޭގެ މަނިޓަރީ ރެގިއުލޭޝަން އާއި އަދި މަނީ ޗޭންޖްސް ރެގިއުލޭޝަން. ބޭރު ފައިސާ އިން އާމްދަނީ ލިބޭ ވަރަށް ގިނަ ވިޔަފާރިތައް އެބަ ހިންގާ. މި ރެގިއުލޭޝަން އަށް ގެނެވޭ ބަދަލުގެ ސަބަބުން ބްލެކް މާކެޓްގައި މާރުކުރާ މާރުކުރުން ނިމުމަކަށް އައިސް ބޭންކަށް މާރުކުރަން މަޖުބޫރުވާނެ.

އަޅުގަނޑުމެންނަށް އިއްޔެގަވެސް މުހިއްމުވީ ދިވެހި ރައްޔިތުން. ނުކުރާށޭ ބުނެފަ އޮތްކަމެއް ކުރީމަ ވެސް އެންމެ ތަންފުކެއްވެސް ދޫނުދީ އަޅުގަނޑުމެން މަސައްކަތް ކުރީ އަޅުގަނޑުމެންގެ ސަރުކާރުން ދިވެހިންނަށްޓަކައި. ދިވެހި ރައްޔިތުންގެ ފަޅީގައި ތިބެގެން. އެގޮތުން ވަރަށް ގިނަ ފިޔަވަޅު އަޅާނެ ކުރިއަށް އޮތްތަނުގައި.

އެމްއެމްޕީއާރުސީ ފައިސާއިން އަޅުގަނޑަށް 14 މިލިއަން ރުފިޔާ ލިބުނު ވާހަކަ އެބަދައްކާ. ތިބޭފުޅުން ބައްލަވާ އެވާހަކަ ވިދާޅުވުމާ ހަމައަށް އެމްޑީޕީގެ ވެރިކަމުގެ ތެރޭގައި އެކި ފަހަރުމަތިން ބަދަލުކޮށްގެން ނެރުނު ލިސްޓުގައި ވެސް އަޅުގަނޑުގެ ނަމެއް ނީންނާނެ. އެކި ގޮތްގޮތަށް ބަދަލު ކުރެއްވިއަސް އަޅުގަނޑުގެ ނަމެއް ނެތެއް ނޫންތޯ. އޭގަ ތިބި ގިނަ މީހުންނަކީ އޭގަ ބައިވެރިވި މީހުންނެއް ނޫން. ވިޔަފާރި ކުރުމަށް ޑޮލަރު މާރުކުރަންވީމަ ޑޮލަރު ދޭ ބައެއްގެ އަތުން ޑޮލަރު މާރުކޮށްފަ ތިބި ބައެއް. އެހެންވިއަސް އެގޮތުން ވިއަސް އަޅުގަނޑުގެ ނަމެއް ނެތް. ދެން މިއަދު ރިޕޯޓެއް ނެރުނީމަ އަޅުގަނޑުވެސް ވަރަށް ހައިރާންވެއްޖެ މިވީ ކިހިނެއްތޯ ބަލަން. ދެން އަޅުގަނޑު ޕޮލިހުންނަށް ދަންނަވައިފިން ބަލައިދޭށޭ. ދެން އެބޭފުޅުން ބަލާފަ އެބައޮތް އަޅުގަނޑަށް ތަފްސީލް ފޮނުވާފަ. އެރޭ އެބޭފުޅުން އެނެލައިޒްކުރި ޑޮކިއުމެންޓް. އޭގަ ހުރި ފޭކް ފޯޖްތައް އެބޭފުޅުން ދެއްކެވި. ޕޮލިސް ރިޕޯޓްގައި އެބައޮތް. ޕޮލިސް އެބައޮތް ބަޔާނެއް ނެރެފަ ހަގީގަތާ ޚިލާފް އެއްޗެއް ދައްކައިގެން އަޅުގަނޑު އެމްއެމްޕިއާރުސީގެ ފައިސާގައި ޖެހުނު ކަމަށް ސާބިތުކުރަން. ސާބިތު ހެކީގެ ގޮތުގައި ދެއްކީ.

ދައުރުވަމުންދާ ފޮޓޯއާ ގުޅިގެން ޑރ މުއިއްޒު ވިދާޅުވީ އެދުވަހު އެތަނަށް ދިއައީ 'ފްރެންޑްސް އޮފް މޯލްޑިވްސް" ކިޔާ ޖަމިއްޔާ އެއް، އެމްޑީޕީގެ އިސްވެރިންނާއެކީގައި އިނގިރޭސި މީހާ ހަދާފަ އޮތް ޖަމިއްޔާއެއްގެ ބައްދަލުވުމެއްގައި، އެ މީހުން ލާދީނީ ކަންކަން ކުރައްވާތީ އަދި އަޅުގަނޑުމެންގެ ގައުމާ ނުގުޅޭ ވާހަކަ ދައްކާތީ "ކޮންފްރޮންޓް" ކުރަން ކަމަށް. މިއީ ހެކި. އެ ބައްދަލުވުމުގައި ސުވާލު ކުރީ. ކޮށް ނިންމާފަ ފޮޓޯއެއް ނަގަން ހިގާށޭ ބުނީމަ ފޮޓޯ ނެގީ. ފަހަތުގައި އިންނާނީ. ދެން އަޅުގަނޑު ހުންނާނީ ވެސް ދުރުގަ އޭނައާ. ދެން ފޮޓޯއިން އެއްޗެއް ސާބިތުވަންޏާ ވާންވީ.

މިތާ ކައިރި ހުރި ކޮންމެވެސް ޖަގަހައެއްގައި މީގެ ކުރިން އަޅުގަނޑު އިނގިރޭސީވިލާތުގައި ކިޔަވަން ހުރި އިރު، ނަގާފައިވާ ފޮޓޯއެއް ދައްކާފައި އެބަ ބުނޭ ސާބިތު ހެކި ކަމަށް، އަޅުގަނޑު މިއީ ލާދީނީ މީހެއް ކަމަށް. މިހާރު ސިޔާސީ މައިދާނުގައި އަޅުގަނޑަށް މިފެންނަނީ، މިއޮތްހާ ދުވަހު ފެނުނު މަންޒަރު މިފެންނަނީ "ދޮގު ދޮގު". ދޮގު ހެދުން އިންތިހާއަށް. އަދިވެސް އިތުރަށް ދޮގު ހެދުން. އެ ދޮގުން ސަލާމަތްވާންވެގެން ވެސް ދޮގު ހެދުން. ދެން އިތުރު ކަމެއް ނެތް. އަޅުގަނޑު އޭގެ ބަދަލުގައި ހަދަނީ ތެދު. ޖަވާބު ދެނީވެސް ތެދުން. ރައްޔިތުން ގަބޫލުކުރަނީ ތެދުން. އެކަން ވޯޓުން ފެންނަން އެބައޮތް.

ދިވެހި ލޮބުވެތި ރައްޔިތުން މި ޕާޓީ ނިޒާމުގައި ނިންމާފައިވަނީ އަދި ނިންމަމުން ދަނީ ޕާޓީއެއްގައި އުޅެންޏާ ޕީއެންސީގައި އުޅެން. އެކަން އެދަނީ އަމަލީ ގޮތުން ސާބިތުކޮށްދެމެން. ޕީއެންސީއަށް ސޮއިކުރި މެމްބަރުންގެ ފޯމްތަކަށްފަހު ރައީސް މުއިއްޒު ވިދާޅުވީ "އަޅުގަނޑުމެންގެ ފަރާތުން ހުށަހަޅާނެ ހަގީގީ ފޯމް، ފޭކް ފޯމެއް ނާންނާނެ"  

އެމްޑީޕީ އިރުގައި ކާޅާ ވާލާ "ބޮޅަލާ" (ބުޅާ) މި އެއްޗެހި މިހިރީ ކައިފަ. ރައީސުލް ޖުމްހޫރިއްޔާ އާއި ދިވެހި ރައްޔިތުން ވެރިކަން ހަވާލުކުރީ 9 މަސް ދުވަހަކަށް ނޫން. އެހެންވީމަ މައިތިރިވެގެން ތިބެންޖެހޭ ކަމަށް. ތަންކޮޅެއް ހަމަޖެހިގެން ތިބެން އެބަޖެހޭ. މި ނުވަ މަސްދުވަހުގައި ރައީސް މުއިއްޒުގެ ސަރުކާރުން ރައްޔިތުންނަށް ކޮށްދިންކަންކަން ގަޑެއްގައި ލިސްޓެއްގައި ލިޔެފިއްޔާ ދިވެހި ރައްޔިތުން އަޖައިބުވާނެ ކަމަށް އެޕާޓީގެ ޕީޖީ ލީޑަރު އިބްރާހިމް ފަލާޙް ވިދާޅުވި

ގައުމީ ބޭންކުން ދިވެހި ރައްޔިތުންގެ ކަރުގައި ހިފަން އެ ނިންމި ނިންމުން ނިންމި އިރުގައި އެމްޑީޕީގެ ބޭފުޅުން ތިއްބެވީ ޕްރެސްކޮންފަރެންސްގައި. އެވާހަކަ ދައްކަވަން. އެއީ އިއްތިފާގެއް ނޫން. މިއީ އިންތިޒާމް ކުރެވިގެން މިއީ ރޭވިގެން ހިންގަން އުޅުނު ބަޣާވާތެއް. އެކަމަކު މި މީހުންނަށް އެގިވަޑައިނުގަތީ މިއަދުގެ ރައީސުލްޖުމްހޫރިއްޔާގެ ހިކުމަތްތެރިކަން. ރައީސް މުއިއްޒަކީ ރައްޔިތުންގެ ހައްގުގައި ކަންކަން ކުރައްވަން އަދި ކަންކަމާ ކުރިމަތިލައްވަން ކެރިވަޑައިގަންނަވާ ވެރިއެއްކަން ހަނދާން ނެތުނީ. މި ބޭފުޅުން އެކްސްޕީރިއަންސް ކުރެއްވި ބައެއް ބޭފުޅުން ފިއްލަވާ އެ ތާރީޚުން އެހެން އޮތީތީ. ޝިޔާމް ވިދާޅުވީ ރައީސް މުއިއްޒުގެ ފަހަތްޕުޅުގައި މަސައްކަތް ކުރައްވަން ފުރުސަތު ލިބިވަޑައިގަތުމުން ފަޚުރުވެރިވާ ކަމަށް. 

ލަދުގެ ކަންފުޅެއްވެސް ނެތީމާ ބާއޭ ހިތަށް އަރާ. ބަޣާވާތް މިއީ މާ ކުރާ ހިތްވާ ކަމެއް މި މީހުން. ބާޣާވާތުގެ ވަރަށް ގިނަ ވައްތަރުތައް ހުރޭ. އިއްޔެ އިރުއެރި އިރު މިއޮތީ މާލީ ބަޣާވާތެއް މިގައުމަށް ގެންނަން މި މީހުން އަޑީގައި ތިބެގެން މަސައްކަތް ކޮށްފަ. އެއީ އިއްތިފާގެއް ނޫން. ގައުމީ ބޭންކުން ދިވެހި ރައްޔިތުންގެ ކަރުގައި ހިފަން އެ ނިންމި ނިންމުން ނިންމި އިރުގައި އެމްޑީޕީގެ ބޭފުޅުން ތިއްބެވީ ޕްރެސްކޮންފަރެންސްގައި. އެވާހަކަ ދައްކަވަން. އެއީ އިއްތިފާގެއް ނޫން. މިއީ އިންތިޒާމް ކުރެވިގެން މިއީ ރޭވިގެން ހިންގަން އުޅުނު ބަޣާވާތެއް. އެކަމަކު މި މީހުންނަށް އެގިވަޑައިނުގަތީ މިއަދުގެ ރައީސުލްޖުމްހޫރިއްޔާގެ ހިކުމަތްތެރިކަން.  

ރައްޔިތުންނަށް ގެއްލުން ދޭން ދިވެހި ގައުމަށް ގެއްލުން ދިނުން ނޫން ކަމެއް މި ބޭފުޅުންގެ ވިސްނުންފުޅުގައި ވެސް، މި ބޭފުޅުންގެ އަމަލުގައި ވެސް ނެތް ކަން އަނެއްކާވެސް ސާބިތުކޮށްދިން ކަމަށް ފިޝަރީޒް މިނިސްޓަރ ޝިޔާމް ވިދާޅުވި. ޝިޔާމް އެ ނިސްބަތް ކުރީ އެމްޑީޕީގެ މެމްބަރުންނަށް. ޝިޔާމް ވިދާޅުވީ މިކަމުގައި އިސްކޮށް އުޅުއްވި ބޭފުޅުންނަށް ދަންނަވާލަން އޮތީ ރައީސް ޑރ މުޙައްމަދު މުއިއްޒު ވެރިކަމަށް އިންތިޚާބު ކުރެއްވީ އެކަކު ދެ މީހަކުގެ މަސައްކަތަކުންނެއް ނޫން ކަން ކަމަށް. ރައީސް ޑރ މުޙައްމަދު މުއިއްޒު ރާއްޖޭގެ ވެރިކަމަށް އިންތިހާއަށް ބޮޑު އަޣްލަބިއްޔަތަކުން އިންތިޚާބު ކުރެއްވީ ދިވެހި ލޮބުވެތި ރައްޔިތުން ކަމަށް. އެހެންކަމުން މިކަން ހަނދާނުގައި ބެހެއްޓުމަށް ޝިޔާމް ވިދާޅުވި. 20 ވަނަ ރައްޔިތުންގެ މަޖިލީހުގެ އިންތިޚާބުގައި ރައްޔިތުން ޑރ މުއިއްޒު އަރިހުން އެދުނީ ދިވެހި ރާއްޖޭގެ ރައްޔިތުންނަށް ޖެހިފައި މިއޮތް އުނދަގޫ ހާލަތަށް ދިވެހި ގައުމު ތަހައްމަލު ކުރަމުން ދިއަ އުނދަގޫ ހާލަތުން ސަލާމަތް ކޮށްދެއްވާށޭ ކަމަށް ފިޝަރީޒް މިނިސްޓަރ ޝިޔާމް ވިދާޅުވި.

ޕްރޮގްރެސިވް ކޯލިޝަންގެ ހަރުގެ ޖަލްސާ ފަށައިފި. މިހާރު ވާހަކަ ދައްކަވަނީ ފިޝަރީޒް މިނިސްޓަރ އަޙްމަދު ޝިޔާމް

މިއީ ޕްރޮގްރެސިވް ކޯލިޝަންގެ ލީޑަރު، އަދި ޕީއެންސީގެ ރައީސް ޑރ މުޙައްމަދު މުޢިއްޒު ބައިވެރިވެވަޑައިގަންނަވާ ޚާއްސަ ހަރުގެ ޖަލްސާއެއް. މި ޖަލްސާގައި ރައީސް މުޢިއްޒުގެ އިތުރުން ފިޝަރީޒް މިނިސްޓަރ އަޙްމަދު ޝިޔާމް އާއި އެޕާޓީގެ ޕީޖީ ލީޑަރު އިބްރާހިމް ފަލާޙް ވާހަކަ ދެއްކުމަށް ހަމަ ޖެހިފައިވޭ.