ރާޖްކުމާރް ހިރާނީ 2009 ގައި ޑައިރެކްޓު ކުރި "ތްރީއިޑިއަޓްސް" ގެ މެކްސިކޯ ވާޝަން އުފައްދާ ގޮތަށް ހަމަޖެހިއްޖެއެވެ.  

 އެ ފިލްމަކީ ބޮލީވުޑްގެ ތާރީހުގައި އެންމެ ކާމިޔާބު އެއް ފިލްމެވެ. މިއީ ބޮކްސް އޮފީހުގައި އާ ރެކޯޑްތަކެއް ވެސް ހެދި ފިލްމެވެ. "3 އިޑިއަޓްސް" އަކީ މިހާތަނަށް ނިކުތް އެންމެ ކާމިޔާބު ބޮލީވުޑްގެ ފިލްމުތަކުގެ ތެރެއިން ހިމެނޭ އެއް ފިލްމެވެ.
"ތްރީ އިޑިއަޓްސް" އަސްލަކަށް ބަލައިގެން ، އެ ފިލްމު ނެރުނުތާ 6 އަހަރުފަހުން މެކްސިކޯގައި ވަނީ ކޮލެޖެއްގައި ކިޔަވާ ގާތް ތިން ރައްޓެހިންނާއި އެ މީހުންގެ ގޮތްދޫނުކުރާ ހަރުކަށި ޕްރިންސިޕަލާ ދެމެދު ހިނގާ މަޖާ ކަންތައްގަނޑެއްގެ މައްޗަށް  ފިލްމެއް ހަދާފައެވެ.

"ތްރީ އިޑިއަޓްސް" ގެ މެކްސިކޯގެ ވާޝަން އަށް ކިޔާ ނަމަކީ "3 އިޑިއަޓާސް" އެވެ. މި ފިލްމުގައި އާމިރު ޚާން ކުޅުނު ރޯލުން ފެނިގެން ދަނީ މެކްސިކޯގެ އަލްފޮންސޯ ޑޯސަލް އެވެ. އަދި ބަތަލާ ކަރީނާ ކަޕޫރްގެ ރޯލުން ފެނިގެން ދާނީ މާތާ ހިގަރޭޑާ އެވެ.

"3 އިޑިއަޓާސް" ޑައިރެކްޓްކޮށްފައި ވަނީ ކާލޯސް ބޮލާޑޯ އެވެ. މި ފިލްމް ސިނަމާތަކުގައި ދައްކަން ފަށާނީ ޖޫން މަހުގެ 2 ގަ އެވެ.