ކިނބިދޫން ނެގި ސާމްޕަލްތަކުގެ ތެރެއިން 4 ސާމްޕަލެއް ޕޮޒިޓީވްވެ، އެރަށް މޮނިޓަރިންއަށް ލައިފިއެވެ.
ކިނބިދޫން ނެގި ސާމްޕަލް ތަކަކީ، ބަލީގެ އަލާމާތް ހުރެގެން ނެގި ތިން ސާމްޕަލް އާއި އެ އަތޮޅު ވޭމަންޑޫއިން ދަތުރުކުރި މީހެއްގެ ސާމްޕަލް އެވެ.
ކިނބިދޫއަށް އަރާ ފޭބުން މަނާކޮށްފައިވަނީ ކޮންޓެކްޓް ޓްރޭސިންގެ މަސައްކަތް ކުރުމަށް ކަމަށް އެޗްޕީއޭން މައުލޫމާތުދެއެވެ.
މިހާރު އަތޮޅު ތެރެއިން ފެންނަ ކޭސްތަކުގެ އަދަދު ވަނީ އިންތިހާއަށް އިތުރުވެފައެވެ. އެގޮތުން 70 އަށް ވުރެ ގިނަ ރަށްރަށުގައި ކޮވިޑުގެ އެކްޓިވް ކޭސްތައް ފެނިފައިވެއެވެ.
ކޮވިޑް-19ގެ އެއްމެފަހުގެ ތަފާސްހިސާބުތައް ދައްކާގޮތުން ރާއްޖެއިން ޕޮޒިޓިވްވެފައިވަނީ 93 މީހުންނެވެ. އޭގެ ތެރޭގައި ހިމެނެނީ، މާލެ ސަރަހައްދުން ޕޮޒިޓިވްވި 50 މީހުންނާއި އަތޮޅުތެރެއިން ޕޮޒިޓިވްވި 21 މީހުންނާއި، ރިސޯޓުތަކުން ޕޮޒިޓިވްވި 22 މީހުންނެވެ.
ހޮސްޕިޓަލުގައި އެޑްމިޓްކޮށްގެން 72 މީހަކަށް އަންނަނީ ފަރުވާދެމުންނެވެ.
