މި މަހުގެ 12 ވަނަ ދުވަހު ކުޅުދުއްފުށީގައި ހިނގި އެކްސިޑެންޓުގައި އަނިޔާވި 17 އަހަރުގެ ކުއްޖާ ނިޔާވެއްޖެއެވެ.
މި އެކްސިޑެންޓު ހިނގައިފައިވަނީ ސައިކަލަކާއި ޕިކަޕެއް ޖެހިއެވެ. މި އެކްސިޑެންޓުގައި އަނިޔާވި ކުއްޖާއަށް ކުޅުދުއްފުށީ ރީޖަނަލް ހޮސްޕިޓަލުން ދެ އޮޕަރޭޝަނެއް ކޮށްފައިވާއިރު، ފުރަތަމަ އޮޕަރޭޝަނާއެކު ކުއްޖާގެ ހާލު ރަނގަޅުވަމުން އައިސްފައިވާ ކަމަށް އެ ހޮސްޕިޓަލުން ބުނެއެވެ. އެހެންނަމަވެސް ހޯމަ ދުވަހު ހާލު ދެރަވުމުން އިތުރު އޮޕަރޭޝަނެއް ވަނީ ކޮށްފައެވެ.
Advertisement
އެ އޮޕަރޭޝަނަށްފަހު އައިސީޔޫގައި ފަރުވާދެމުން ދަނިކޮށް އެ ކުއްޖާ ނިޔާވެފައިވަނީ އަންގާރަ ދުވަހުގެ ފަތިހު 4:50 ހާއިރު ކަމަށް ހޮސްޕިޓަލުން ބުނެއެވެ.
