ފުރަބަންދު ކަރަންޓީންގައި ހުރި މީހަކު ޕޮޒިޓިވްވެ ނިލަންދޫ މޮނިޓަރިންއަށްލައިފިއެވެ.
ރާއްޖެ އެމްވީއަށް މަޢުލޫމާތު ލިބިފައިވާގޮތުގައި ޕޮޒިޓިވްވެފައިވަނީ މާލެއިން އެރަށަށް ދިއުމަށްފަހު ފުރަބަންދު ކަރަންޓީންގައި ހުރި އަންހެނެކެވެ. އެމީހާ ޓެސްޓްކުރީ ކޮވިޑްގެ އަލާމަތްތައް ފެނިގެންކަމަށް މަޢުލޫމާތު ލިބެއެވެ. ކަރަންޓީންގެ މުއްދަތުގައި ޕޮޒިޓިވްވި އަންހެންމީހާ އެރަށު ހޮޓަލެއްގައި މަސައްކަތްކުރާ ފިރިހެނަކާ ކޮންޓެކްޓްވެފައިވުމުގެ ސަބަބުން މިހާރު އެމީހާއާ ބައްދަލުވި މީހުން ދެނެގަތުމުގެ މަސައްކަތްކޮށް ސާމްޕަލްނެގުމުގެ މަސައްކަތް ކުރަމުން އަންނަކަމަށް ރަށު ކައުންސިލުން ބުނެއެވެ. ނިލަންދޫ މޮނިޓަރިންއަށްލުމާއި ގުޅިގެން އެރަށަށް އަރާފޭބުން މަނާކޮށްފައިވާއިރު ޒަރޫރީ ބޭނުމެއްގައި ނޫންގޮތަކަށް ބޭރަށް ނުނިކުތުމަށް އެރަށު ކައުންސިލުން ވަނީ އިލްތިމާސްކޮށްފައެވެ. .ފ. ނިލަންދޫގެ އިތުރަށް ރާއްޖޭގެ އެހެން ރަށްތަަކުންވެސް ދަނީ ޕޮޒިޓިވް ކޭސްތައް ފެންނަމުންނެވެ. އަދި ބައެއް ރަށްތައް ވަނީ މޮނިޓަރިންގގެ ހާލަތުގައެވެ. މީގެ ތެރޭގައި ރ.އުނގޫފާރާއި ދ. ކުޑަހުވަދޫވެސް ހިމެނެއެވެ.
ރާއްޖޭގައި މިހާތަނަށް 22000އަށް ވުރެ ގިނަ މީހުންނަށް ކޯވިޑް ޖެހިފައިވާއިރު މީގެ ތެރޭގައި އަތޮޅުތަކުގެ ބައެއްރަށްރަށުން ޕޮޒިޓިވްވި މީހުންވެސް ހިމެނެއެވެ.
