ކ. މާލެ
|
1 މާރޗް 2021 | ހޯމަ 13:38
ރައްޔިތުންގެ މަޖިލީސް
ރައްޔިތުންގެ މަޖިލީސް
ރައްޔިތުންގެ މަޖިލިސް
ޓެކްސް އެޕީލް ޓްރައިބިއުނަލްގެ މެންބަރުން ހޮވުން
ޓެކްސް އެޕީލް ޓްރައިބިއުނަލްގެ މެންބަރު ކަމަށް އަލްއުސްތާޛާ ޚަދީޖާ ނައީމަށް މަޖިލީހުން ރުހުން ދީފި
 
މި ޓްރައިބިއުނަލްއަކީ ޓެކްސްއާ ބެހޭ ޤާނޫނުތަކާ އެއްގޮތްވާ ގޮތުގެ މަތިން ހުށަހެޅޭ ޓެކްސްއާ ގުޅޭ މައްސަލަތައް ބެލުމަށް ޓެކްސް ނެގުމާ ބެހޭ އިދާރީ ޤާނޫނުގެ ދަށުން އުފައްދާފައިވާ ޓްރައިބިއުނަލް
 
އަލްއުސްތާޛާ ޚަދީޖާ ނައީމު ހޮވުމަށް ފެންނަ ކަމަށް ނިންމާފައިވަނީ ވޯޓުގައި ބައިވެރިވި 63 މެންބަރުންގެ އިއްތިފާގުން

ޓެކްސް އެޕީލް ޓްރައިބިއުނަލްގެ މެންބަރު ކަމަށް މ. ރަންވަރަ، އަލްއުސްތާޛާ ޚަދީޖާ ނައީމު ހޮވުމަށް މަޖިލީހުން ރުހުން ދީފިއެވެ.

ހޯމަ ދުވަހުގެ ރައްޔިތުންގެ މަޖިލީހުގެ ޖަލްސާގައި އަލްއުސްތާޛާ ޚަދީޖާ ނައީމު ހޮވުމަށް ފެންނަ ކަމަށް ނިންމާފައިވަނީ ވޯޓުގައި ބައިވެރިވި 63 މެންބަރުންގެ އިއްތިފާގުންނެވެ.

މި މައްސަލަ ޖުޑީޝިއަރީ ކޮމިޓީން ދިރާސާކޮށް ނިންމިގޮތުގެ ރިޕޯޓުގައި ބުނީ ރައީސުލްޖުމްހޫރިއްޔާ ނަންފުޅު ފޮނުއްވާފައިވާ 4 ބޭފުޅުންނާ ކޮމިޓީން ވަކިވަކިން އިންޓަރވިއު ކުރުމަށްފަހު، ރައްޔިތުންގެ މަޖިލީހުގެ ގަވާއިދުގެ 201 ވަނަ މާއްދާގެ (ށ) ގައިވާ ގޮތުގެމަތިން، އެބޭފުޅުން ޢައްޔަންކުރުމަށް ރައްޔިތުންގެ މަޖިލީހުން ރުހުންދިނުމަށް ފެނޭތޯ ކޮމިޓީގެ މެންބަރުންގެ މެދުގައި ވޯޓު ނަގާފައި ވާނެ ކަމަށެވެ.

އެގޮތުން، 16 ފެބުރުވަރީ 2021 ވަނަ ދުވަހު ބޭއްވި ކޮމިޓީގެ 5 ވަނަ ބައްދަލުވުމުގައި، ކޮމިޓީން އިންޓަރވިއުކުރި ކޮންމެ ބޭފުޅެއްގެ ނަން ވަކިވަކިން ވޯޓަށް އެހުމުން، ކޮމިޓީން ފާސްވުމަށް ބޭނުންވާ، ހާޒިރުވެ ވޯޓުދިން މެންބަރުންގެ ތިންބައިކުޅަދެބައިގެ ވޯޓު ލިބި، ކޮމިޓީގެ އަޣުލަބިއްޔަތުން އަލްއުސްތާޛާ ޚަދީޖާ ނައީމު ހޮވުމަށް ފާސްވެފައިވާ ކަމަށް އެ ރިޕޯޓުގައި ވެއެވެ.

ޓެކްސް އެޕީލް ޓްރައިބިޔުނަލްއަށް މެމްބަރަކު މި ޢައްޔަންކުރަނީ އެ ޓްރައިބިޔުނަލްއަށް ޤާނޫނީ ދާއިރާއިން ޢައްޔަންކުރައްވާފައިވާ އަލްއުސްތާޛާ ފާތުމަތު މިންހަތު ޢިއްޒަތު ޓްރައިބިޔުނަލްގެ މެމްބަރުކަމުން 7 ޑިސެމްބަރގައި އިސްތިޢުފާދެއްވާފައިވާތީއެވެ. ޓެކްސް އެޕީލް ޓްރައިބިއުނަލްއަކީ ޓެކްސްއާ ބެހޭ ޤާނޫނުތަކާ އެއްގޮތްވާ ގޮތުގެ މަތިން ހުށަހެޅޭ ޓެކްސްއާ ގުޅޭ މައްސަލަތައް ބެލުމަށް ޓެކްސް ނެގުމާ ބެހޭ އިދާރީ ޤާނޫނުގެ ދަށުން އުފައްދާފައިވާ ޓްރައިބިއުނަލް އެކެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ނަހްދާ އާދަމް
0%
0%
0%
0%
0%
0%
ކޮމެންޓް
ގުޅުންހުރި
ޗައިނާގެ ވައިސް ޗެއަރމަން އޮފް ދަ ސްޓޭންޑިންގ ކޮމިޓީ އޮފް ޔުނާން ޕްރޮވިންޝިއަލް ޕީޕަލްސް ކޮންގްރެސް، މަޖިލީހުގެ ރައީސާއި ބައްދަލުކުރައްވައިފި
އުފެއްދުންތެރި މަޖިލީހެއްގެ ގޮތުގައި މަސައްކަތްކުރާނެ މަޖިލީހަކަށް 20 ވަނަ މަޖިލިސް ވެގެން ނުދާނެ - އަބްދުﷲ ވަހީދު
މިއަދު ސިޔާސީ މަޤާމުތަކަށް އައްޔަނުކުރާ މީހުންގެ މައުލޫމާތަކީ ވަންހަނާ، ސިއްރު މައުލޫމާތު: މީކާއީލް
އެމްޑީޕީން ކުރިއަށް އޮތްތަނުގައި ރާއްޖޭގެ ހިންގުން ރަނގަޅު ކުރުމަށް ގިނަ މަސައްކަތްތައް ކުރާނެ: ނިޔާޒު
މަޖިލިސް އިންތިޚާބުން އެނގުނީ ސަރުކާރު ޖަވާބުދާރީކުރުވާނީ ސީދާ ރައްޔިތުންގެ ވޯޓުންކަމަށް ރައްޔިތުން ޤަބޫލުކުރާކަން - ނިޔާޒް
ރޭޕް އެވިޑެންސް ކިޓް ބޭނުންކުރުން ލާޒިމްކުރަން ހުށަހެޅުން - ޖިންސީ ގޯނާގެ މައްސަލަތައް ހައްލުކުރަން އެޅޭ މުހިންމު ފިޔަވަޅެއް
ކޮމިޝަނަރ ޖެނެރަލް އޮފް ޓެކްސޭޝަންގެ މަގާމަށް ޒަރީރު އައްޔަންކުރަން ރުހުންދީފި
ކާބޯތަކެތީގެ ރައްކާތެރިކަމާ ގުޅޭ މުހިންމު ކަންތައްތަކެއް ހިމެނޭ ކާބޯތަކެއްޗާ ބެހޭ ބިލު ފާސްކޮށްފި