ކ. މާލެ
|
20 ފެބްރުއަރީ 2021 | ހޮނިހިރު 10:00
ދަރުމަވަންތަ ހޮސްޕިޓަލް، ބަލީގައި ހާރު ސީރިއަސްވާ މީހުންނަށް ފަރުވާ ދެމުންދަނީ ހޮސްޕިޓަލްގެ ޑީއެޗް11 ގައި
ދަރުމަވަންތަ ހޮސްޕިޓަލް، ބަލީގައި ހާރު ސީރިއަސްވާ މީހުންނަށް ފަރުވާ ދެމުންދަނީ ހޮސްޕިޓަލްގެ ޑީއެޗް11 ގައި
ރާއްޖެއެމްވީ
ކޮވިޑް-19ގައި އިތުރު މީހަކު ނިޔާވުން
ކޮވިޑް-19 ޖެހިގެން އިތުރު މީހަކު ނިޔާވެއްޖެ، މިއީ 59 ވަނަ މަރު
ހާލު ބޮޑުވެ 159 މީހަކަށް މިހާރުވެސް ދަނީ އެޑްމިޓްކޮށް ފަރުވާ ދެމުން
އުމުރުން ދުވަސްވީ މީހުން މިބަލީގައި ނިޔާވާ މިންވަރު މިވަނީ އިތުރު
ބަލިން ރައްކާތެރިވުމަށް އަޅާފައިވާ ފިޔަވަޅުތަކަށް ޚާއްސަ ސަމާލުކަމެއް ދޭން ޖެހޭ

ކޮވިޑް-19ށް ފަރުވާ ހޯދަމުންދިޔަ އިތުރު މީހަކު ނިޔާވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ދަރުމަވަންތަ ހޮސްޕިޓަލްގެ ޑީއެޗް-11ގައި ފަރުވާ ދެމުންދިޔަ އުމުރުން ދުވަސްވީ އަންހެނެއް ހުކުރު ދުވަހުގެ ރޭ 1:04 ހާއިރު ނިޔާވެފައިވާ ކަމަށެވެ. އެއީ 63 އަަހަރުގެ އަންހެނެއް ކަމަށް އެޗްޕީއޭއިން ބުނެއެވެ.

ކޮވިޑް-19ގެ ކޭސްތައް އިތުރުވަމުންދާ ދަނޑިވަޅުގައި، އުމުރުން ދުވަސްވީ މީހުން މިބަލީގައި ނިޔާވާ މިންވަރު މިވަނީ އިތުރުވާން ފަށާފައެވެ. މިއީ މިހާތަނަށް މިބަލީގައި ރާއްޖެއިން ނިޔާވި 59 ވަނަ މީހާއެވެ. ހާލު ބޮޑުވެ 159 މީހަކަށް މިހާރުވެސް ދަނީ އެޑްމިޓްކޮށް ފަރުވާ ދެމުންނެވެ.

ރާއްޖެއަށް ކޮވިޑް-19ގެ ތިން ވަނަ ރާޅު އައިސްފައިވާއިރު، ހާލަތު ވަރަށް ގޯސްކަމަށް ހެލްތް އިމަރޖެންސީ އޮޕަރޭޝަންސް ސެންޓަރ (އެޗްއީއޯސީން) ބުނެއެވެ. އެހެންކަމުން ބަލިން ރައްކާތެރިވުމަށް އަޅާފައިވާ ފިޔަވަޅުތަކަށް ޚާއްސަ ސަމާލުކަމެއް ދިނުމަށް އިލްތިމާސްކޮށްފައިވެއެވެ.

- ކޮމެންޓް