ކ. މާލެ
|
9 ފެބްރުއަރީ 2021 | އަންގާރަ 22:27
ވެކްސިން ޖެހުން
ވެކްސިން ޖެހުން
ރައީސް އޮފީސް
ކޮވިޑް-19 ވެކްސިން
އަންގާރަ ދުވަހު ވެކްސިން ޖެހީ 3،306 މީހުން
އޭގެ ތެރެއިން 13،418 މީހުންނަކީ މާލެ ސަރަހައްދުން ވެކްސިން ޖެހި މީހުން
އަންގާރަ ދުވަހުން ފެށިގެން އުމުރުން 50 އަހަރުން މަތީގެ މީހުންނަށް ވެކްސިން ޖަހަން ވަނީ ފަށާފައި

ފާއިތުވި 24 ގަޑިއިރު ތެރޭގައި ރާއްޖެއިން ޖުމްލަ 3،306 މީހަކު ކޮވިޑް-19އަށް ވެކްސިން ޖަހާފައިވާ ކަމަށް އެޗްޕީއޭއިން ބުނެފިއެވެ.

އެޗްޕީއޭއިން އާންމުކުރި ތަފާސްހިސާބުތައް ދައްކާގޮތުން މި މަހުގެ 1 ވަނަ ދުވަހު ރާއްޖޭގައި ވެކްސިން ޖަހަން ފަށާފައިވާއިރު މިހާތަނަށް 16،251 މީހަކު ވަނީ ވެކްސިން ޖަހާފައެވެ. އޭގެ ތެރެއިން 13،418 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަދި އަތޮޅު ތެރެއިން ވެކްސިން ޖަހާފައިވަނީ ޖުމްލަ 2،833 މީހުންނެވެ.

އަންގާރަ ދުވަހު ވެކްސިން ޖެހި 3،306 މީހުންގެ ތެރެއިން 2،791 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަދި 514 މީހުންނަކީ އަތޮޅުތެރެއިން ވެކްސިން ޖެހި މީހުންނެވެ.

ވެކްސިން ޖަހަން ފަށައިގެން މިހާރު ނުވަ ދުވަސްވެފައިވާއިރު މުޅި ރާއްޖޭގައި މިހާރު ވަނީ ވެކްސިން ޖަހަން ފަށާފައެވެ. އެންމެ ފުރަތަމަ ވެކްސިން ޖަހަން ފެށީ ފްރަންޓްލައިން މުވައްޒަފުންނަށެވެ. އަދި އަންގާރަ ދުވަހުން ފެށިގެން އުމުރުން 50 އަހަރުން މަތީގެ މީހުންނަށް ވެކްސިން ޖަހަން ވަނީ ފަށާފައެވެ.

- ކޮމެންޓް