އޭނާގެ ހަޔާތުގައި މާމަ ނަގައިދިން އަގުހުރި ފިލާވަޅުތަކަށް ވަރަށް ޝުކުރު އަދާކުރާކަމަށާއި މާމަ ވަރަށް ހަނދާންވާ ކަމަށް ފިލްމު އެކްޓަރ ސޯނަމް ކަޕޫރު ބުނެފިއެވެ.
ސޯނަމްގެ މަންމަ ފަރާތުގެ މާމަ މަރުވެފައި ވަނީ މިދިޔަ ހުކުރު ދުވަހުއެވެ. ސޯނަމް ކަޕޫރުގެ މާމަ ދުރޫ ހިންގޮރާނީ ބަމްބާނީ ހުކުރު ދުވަހު މަރުވެފައިވާއިރު، އޭރު މާމަގެ އުމުރަކީ 89 އަހަރެވެ.
ހަބަރުތައް ބުނާ ގޮތުން ސޯނަމް އާއި އޭނާގެ ދައްތަ ރެއާ ކަޕޫރަކީ މާމައާ ވަރަށް ގާތްކޮށް އުޅުނު ދެކުދިން ކަމަށް ހަބަރުތައް ބުނެއެވެ. ސޯނަމް ސޯޝަލް މީޑިއާގައި ބުނެފައި ވަނީ މާމަ މަތިން އަބަދުވެސް ވަރަށް ހަނދާން ވާނެ ކަމަށާއި ދިރިއުޅުމުގައި ވަރަށް ގިނަ ކަންތައް މާމަގެ ފަރާތުން ދަސްވެފައިވާ ކަމަށެވެ.
ސޯނަމް އާއި ރެއާ ވަނީ އެމީހުން މާމަ ދެކެ ވާލޯބި ބަދަލު ނުވާނެ ކަމަށް ބުނެފައެވެ. ސޯނަމްގެ މާމަގެ ޖަނާޒާ ބާއްވާފައި ވަނީ އާދިއްތަދުވަހުގައެވެ.
