އަބަދުވެސް ތައްޔާރުވަނީ މެޗަކަށްފަހު މެޗަކަށް ކަމަށް ގްރީން ސްޓްރީޓްސް ގެ ކޯޗް ސޮބާހް މުހަންމަދު ބުނެފިއެވެ.

އެސްޓީއޯ މާލެ ލީގުގައި އީގަލްސް ބަލިކުރި މެޗައްފަހު ނޫސްވެރިންނާ ވާހަކަ ދައްކަމުން ސޮބާ ބުނީ، މި ލިބުނީ ވަރަށް ރަނގަޅު ކާމިޔާބީއެށް ކަމަށާއި، އަބަދުވެސް މަސައްކަތް ކުރަނީ މެޗަކަށްފަހު މެޗެށް ކާމިޔާބު ކުރުމަށް ކަމަށެވެ. އެތޮން ގްރީން ސްޓްރީޓްސް ގައި އޮތީ މާ ވަރުގަދަ ސްކޮޑެއް ނޫން ކަމަށާއި ނަމަވެސް ކުޅުންތެރިން ދެއްކި ކުޅުމާމެދު ފަހުރުވެރި ވާކަމަށް ސޮބާ ބުންޏެވެ.

ސޮބާ ބުނީ އޭނާ އަބަދުވެސް ކުރިއަށް ވިސްނަނީ ޓީމުގައި އޮތް ސްކޮޑުގެ ފެންވަރު ދަނެގެން ކަމަށާއި، އެގޮތުން އީގަލްސް މެޗަށް ނިކުތޮ އިރުގައިވެސް އެޓީމުގެ ކުޅުމުގެ ސްޓައިލް ބަލާފައި ވާނެ ކަމަށްވެސް ސޮބާ ބުނެޏެވެ. އަދި ކުޅުންތެރިންގެ ބުރަ މަސައްކަތުން ގޭމް ޕްލޭން ކާމިޔާބުވުމުން ކޯޗެއްގެ ހައިސިއްޔަތުން ވަރަށް ބޮޑަށް ޝުކުރުވެރިވާ ކަމަށް ސޮބާ ބުނެޏެވެ.

ސޮބާ ބުނީ ލީގުގައި ކުރިއަށް ދިއުމަށް މި އެޅުނީ ވަރަށް ރަނގަޅު ފިޔަވަޅެއް ކަމަށާއި ނަމަވެސް ދެން ކުރިއަށް އޮތީ ވަރަށް ވަރުގަދަ ކުރިމަތިލުމެށް ކަމަށެވެ. އެގޮތުން ނިއުރޭޑިއަންޓް ބަލިކުރުމަށްޓަކާ މި މެޗުގައި ދެއްކި ކުޅުމަށްވުރެ ރަނގަޅު ކުޅުމެށް ދަށްކަން ޖެހޭނެކަމަށް ސޮބާ ވަނީ ބުނެފައެވެ. ނަމަވެސް ސޮބާ ބުނީ ލީގުގައި ތަފާތު ޓީމަކަށް ފެންނަނީ މާޒިޔާ ކަމަށާއި ދެން ހުރީ ޖުމްލަކޮށް ބުނާނަމަ ދާދި ހަމަހަމަ ޓީމު ތަކެށް ކަމަށެވެ.

މެޗުން މޮޅުވެ ގްރީން ސްޓްރީޓްސް ވަނީ ލީގު ތާވަލު 1 ވަނަ މަގާމަށް ޖެހިލާފައެވެ. އެޓީމު ކުޅުނު 5 މެޗުން ލިބިފައިވަނީ 10 ޕޮއިންޓެވެ. މުޅިން އަލަށް މިއަހަރުގެ ލީގަށް ކޮލިފައިވެ ގްރީން ސްޓްރީޓްސް އިން އަންނަނީ މޮޅު ކުޅުމެއް ދައްކަމުންނެވެ.