މި ސަރުކާރުން ކަރަންޓުގެ އަގަށް ބަދަލު ނުގެންނަ ކަމަށް ދެކެވޭ ވާހަކަތަކަށް ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ ރައްދުދެއްވައިިފިއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުން މުޢުނީ ވަނީ ކަރަންޓުގެ އަގުތަކަށް އަންނަ ބަދަލުތަކާއި ގުޅޭގޮތުން ވާހަކަދައްކަވާފައެވެ. އެގޮތުން، ރައީސް އިބްރާހިމް މުހައްމަދު ސޯލިހުގެ ސަރުކާރުން ވެރިކަމާއި ހަވާލުވިފަހުން ކަރަންޓުގެ އަގަށް ބަދަލެއް ނުގެންނަ ކަމަށް ބައެއް މުއައްސަސާތަކުން ދައްކާފައިވާ ވާހަކަތަކަށް ރައްދުދެއްވައި އޭނާ ވަނީ ބަދަލު ގެނައި ތާރީހު ހިއްސާ ކުރައްވާފައެވެ. އޭނާ ވިދާޅުވީ މި ސަރުކާރުން ކަރަންޓުގެ އަގަށް ބަދަލުގެނައީ މިދިޔަ އަހަރުގެ މާޗު މަހުގެ ތެރޭގައި ކަމަށާއި، އެފަދަ ވާހަކައެއް ދެއްކުމުގެ ކުރިން އެ ކަން ބަލާލުން މުހިއްމު ކަމަށެވެ.
ސީދާ ކަނޑައެޅިގެން ނެނގޭ ކީއްވެގެންތޯ ތި ދެންނެޗވި މުއައްސަސާތަކުން ތިހެން ދަންނަވަންވީ ސަބަބެއް. 2019 ގެ މާޗު ބައްލަވާ ކިހިނެއްތޯ، ކަރަންޓުގެ އަގަށް ބަދަލެއް އައިތޯ ނާދޭތޯ. 2019 ގެ މާޗު އެނގޭތޯ. އެހެންވީމަ އަޅުގަނޑަށް ހީވަނީ އެ ފަރާތުން ޖަވާބެއް ދެއްވަން ޖެހޭނެހެން. މިއީ މި ސަރުކާރުގައި ކަރަންޓުގެ އަގަށް ގެނައި ބަދަލު ގެނައި ތާރީހު.ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ
އިތުރަށް ވާހަކަދައްކަވަމުން އޭނާ ވިދާޅުވީ ރިޔާސީ ކެމްޕެއިންގައި އެންމެ ގިނަ ބަޔަކު އެދުނު ކަމަކީ މާލެއާއި ރަށްތަކުގައި ނެގެމުންދާ އަގުތައް އެއް ގޮތް ކުރުން ކަމަށެވެ. މުޣުނީ ވިދާޅުވީ މި ސަރުކާރުން ވެރިކަމާއި ހަވާލުވެ، އަގުތައް އެއްހަމަ ކޮށްފައިވާ ކަމަށެވެ.
