ތިން ގައުމެއްގެ މިނިވަން ދުވަހުގެ މުނާސަބަތުގައި އެ ގައުމުތަކުގެ ފޮރިން މިނިސްޓަރުންނަށް ރާއްޖޭގެ ފޮރިން މިނިސްޓަރު އަބްދުﷲ ޝާހިދު ތަހުނިޔާގެ މެސެޖް ފޮނުއްވައިފިއެވެ.

މިނިވަން ދުވަހުގެ މުނާސަބަތުގައި ޝާހިދު ތަހުނިޔާ ފޮނުއްވައި ގައުމުތަކަކީ ޕެނަމާ، މައިކްރޯނީޝިއާ އަދި ޑޮމިނިކާއެވެ. އެ ތިން ގައުމުގެ ފޮރިން މިނިސްޓަރުންނަށް ޝާހިދު ފޮނުއްވައި ތަހުނިޔާގެ މެސެޖްގައި އެގައުމުތަކުގެ މިނިވަން ދުވަހުގެ މުނާސަބަތުގައި ދިވެހި ރައްޔިތުންނާއި ސަރުކާރުގެ ނަމުގައި އެ ގައުމުތަކުގެ ރައްޔިތުންނާ ސަރުކާރަށް މިނިވަން ދުވަހުގެ ތަހުނިޔާ ފޮނުއްވާ ކަމަށް ވިދާޅުވިއެވެ.

މި ތިން ގައުމުގެ ތެރެއިން މެދުތެރޭ އެމެރިކާގައި އޮންނަ ސްޕެނިޝް ބަހުން ވާހަކަ ދައްކާ ޕެނަމާއަށް މިނިވަންކަން ލިބިފައި ވަނީ 1903 ވަނަ އަހަރުގެ ނޮވެމްބަރު މަހުގެ ތިންވަނަ ދުވަހުއެވެ. އަދި މައިކްރޮނޭޝިޔާއަށް މިނިވަންކަން ލިބިފައިވަނީ 1982 ވަނަ އަހަރުއެވެ. ކެރީބިއަން ސަރަހައްދުގައި އޮންނަ ޑޮމިނިކަންއަށް އިނގިރޭސީންގެ އިސްތިއުމާރުގެ ދަށުން މިނިވަންކަން ލިބުނީ، 1978 ވަނަ އަހަރެވެ.

ރާއްޖެއިން ޕެނަމާއާ ސިޔާސީ ގުޅުން ގާއިމްކުރީ 10 ޖުލައި 1989 ގައެވެ. އަދި މައިކްރޯނީޝިއާއާ ގުޅުން ގާއިމްކޮށްފައި ވަނީ 24 އޮކްޓޯބަރ 1991 ގައެވެ. ޑޮމިނިކާއާއިއެކު ސިޔާސީ ގުޅުން ގާއިމްކޮށްފައި ވަނީ 21 ޖުލައި 2004 ގައެވެ.