މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ކޯސްޓްގާޑާއި އިންޑިއާ ނޭވީ ގުޅިގެން ސިލްސިލާކޮށް ހިންގާ ޕެޓްރޯލެއްގައި ބައިވެރިވުމަށް ކޯސްޓްގާޑް ޝިޕް "އައިސީޖީއެސް ސަންކްލަޕް" ރާއްޖެ އަތުވެއްޖެއެވެ.
އެމްއެންޑީއެފްއިން ބުނިގޮތުގައި މި ކޯސްޓް ގާޑް ޝިޕް ރާއްޖެއަށް ކުރާ މި ދަތުރުގައި ހޯމް ދުވަހުން ފެށިގެން އަންނަ ބުރާސްފަތި ދުވަހަށް ރާއްޖެގެ އިގްތިސާދީ ކަނޑުގެ ސަރަޙައްދުގައި ސަރފޭސް ސަވައިލަންސް ޕެޓްރޯލް ކުރާ ގޮތަށް ވަނީ ހަމަޖެހިފައެވެ.
މި ޕެޓްރޯލަކީ ރާއްޖޭގެ ކަނޑައެޅޭ ވަކި ސަރަޙައްދެއްގައި ސިލްސިލާކޮށް ހިންގަމުންދާ ޕެޓްރޯލްތަކުގެ ތެރެއިން ހިންގޭ ޕެޓްރޯލެކެވެ. މި ސަވައިލަންސް ޕެޓްރޯލްގައި ރާއްޖޭގެ ހާއްސަ އިގްތިސާދީ ސަރަޙައްދުގައި ގާނޫނާއި ގަވާއިދާ ހިލާފަށް ކަނޑުމަތީގެ އެއްވެސް ކަމެއް ހިނގާތޯ ބަލަން ވަނީ ހަމަޖެހިފައެވެ.
2009 ވަނަ އަހަރުން ފަށައިގެން ހިންގާ މި ޕެޓްރޯލަކީ ސިލްސިލާކޮށް ހިންގަމުންދާ ޕެޓްރޯލްތަކުގެ ތެރެއިން ހިންގޭ ޕެޓްރޯލްތަކެކެވެ. އިންޑިއާ ސިފައިންނާއި ގުޅިގެން ރާއްޖޭގެ އަސްކަރިއްޔާއިން އަންނަނީ ގިނަ ތަމްރީންތަކެއް ބާއްވަމުންނެވެ.
