ކޮވިޑް-19 ގެ ހާލަތު އިތުރަށް ގޯސްވަމުން އަންނާތީ ޖަރުމަނު އަދި ފްރާންސްއިން އަޅާފައިވާ ރައްކާތެރިކަމުގެ ފިޔަވަޅުތައް އިތުރަށް ވަރުގަދަ ކުރާނެ ކަމުގައި އެ ދެގައުމުގެ ސަރުކާރުން ހާމަކޮށްފިއެވެ.
ޖަރުމަނުގެ ޗާންސެލަރ އޭންޖެލާ މާކެލް ވިދާޅުވީ ކޮވިޑްގެ ހާލަތު އިތުރަށް ގޯސްވަމުން އަންނަ ކަމަށާއި މި ހާލަތުގައި ކެފޭ، ރެސްޓޯރެންޓް އަދި ސްކޫލްގެ އިތުރުން އާންމުން އެއްވުން ހުއްދަ ނުކުރެވޭނެ ކަމަށާއި، ހާލަތު އިތުރަށް ގޯސްވަމުން އަންނަނަމަ އިތުރު ލޮކްޑައުންނަކަށް ދިޔުމަށް އެގައުމުން ވިސްނަމުން އަންނަ ކަމަށެވެ.
ރިޕޯޓްތައް ބުނާ ގޮތުން ފްރާންސްގެ ރައީސް މެނުއަލް މެކްރޯން ބުދަ ދުވަހުގެރޭ ގައުމާއި މުހާތަބު ކުރައްވާނެއެވެ. ރިޕޯޓްތައް ބުނާ ގޮތުން މެކްރޯންގެ ހިތާބުގައި މިހާރު އަޅާފައިވާ ފިޔަވަޅުތައް އިތުރަށް ވަރުގަދަ ކުރާނެ ޅއެވެ. ސަބަބަކީ ފާއިތުވި ހަފްތާގައި އެ ގައުމުން ޕޮޒިޓިވްވި މީހުންގެ އަދަދު 50،000 އިން މައްޗަށް އަރާފައިވާތީއެވެ.
ފްރާންސް އާއި ޖަރުމަނުގެ އިތުރުން ސްޕެއިން އަދި އިޓަލީއިން ވެސް ކުރިޔަށް އޮތް ހަފްތާގެ ތެރޭގައި ކޮވިޑުން ރައްކާތެރިވުމަށް އަޅާފައިވާ ފިޔަވަޅުތައް އިތުރަށް ވަރުގަދަ ކުރާނެއެވެ.
