ކޮވިޑް-19 ޖެހިގެން ރާއްޖޭގައި އުމުރުން 67 އަހަރުގެ ދިވެހި ފިރިހެނެއް ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ބުނީ އޭނާ ނިޔާވީ ހޮނިހިރު ދުވަހުގެ ހެނދުނު 07:00 ހާއިރު، ހުޅުމާލެ މެޑިކަލް ފެސިލިޓީގައި ފަރުވާދެމުން ދަނިކޮށް ކަމަށެވެ.
މިއީ ކޮވިޑް ޖެހިގެން ނިިޔާވި 36 ވަނަ މީހާއެވެ.
މިހާތަނަށް ރާއްޖެ އިން 11،154 މީހުން ބައްޔަށް ވަނީ ޕޮޒިޓިވްވެފައެވެ. ބަލިން ރަނގަޅުވި މީހުންގެ އަދަދު ވެސް ވަނީ އިތުރުވެ, 9995ށް އަރާފައެވެ.
މިވަގުތު ބައްޔަށް ފަރުވާ ހޯދަމުންދާ މީހުންގެ ތެރެއިން 384 މީހުންނަށް އައިސޮލޭޝަން ފެސިލިޓީތަކުގައި ފަރުވާ ދެމުންދާ އިރު، 49 މީހަކަށް ފަރުވާދެމުން ދަނީ ހޮސްޕިޓަލުގައެވެ.
