މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބޭރު ފައިސާ ގަނެވިއްކުމުގެ ވިޔަފާރި ކުރުމުގެ ލައިސަންސް ދޫކުރުން މެދުކަނޑާލައިފިއެވެ.
އެމްއެމްއޭއިން ބުނީ ރާއްޖޭގެ އާބާދީ އާ އަޅާ ބަލާއިރު، ގިނަ އަދަދެއްގެ ވިޔަފާރި ތަކަކަށް ބޭރު ފައިސާގަނެ ވިއްކުމުގެ ލައިސަންސް އެ އޮތޯރިޓީން ދޫކޮށްފައިވާ ކަމަށެވެ. އެހެންކަމުން ބޭރު ފައިސާ ގަނެވިއްކުމުގެ ވިޔަފާރި ކުރުމަށް އިތުރު ފަރާތްތަކަށް ލައިސަންސް ދޫކުރުން ބުރާސްފަތި ދުވަހުން ފެށިގެން ވަގުތީ ގޮތުން ހުއްޓާލާފައިވާ ކަމަށް އެމްއެމްއޭއިން ބުނެއެވެ.
ބޭރު ފައިސާ ގަނެވިއްކުމުގެ ލައިސަންސް އޮންނަ ފަރާތްތަކުގެ ލިސްޓް އެމްއެމްްއޭގެ ވެބްސައިޓްގައި ޝާއިއު ކޮށްފައިވެއެވެ.
އެމްއެމްއޭއިން ގެންދަނީ މަނީ ޗޭންޖަރުންނާ ގުޅޭ ގަވާއިދު އިސްލާހު ކުރުމުގެ މަސައްކަތް ކުރަމުންނެވެ.
