ޕާކިސްތާނުގެ މިލިޓަރީ އެކަޑަމީގެ ލޯންގް ކޯހުގެ އެންމެ މޮޅު ފޮރިން ދަރިވަރުގެ މަގާމު މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ ލާންސް ކޯޕްރަލް ނާޒިމް ނަސީރު ހޯދައިފިއެވެ.
އެމްއެންޑީއެފުން ބުނީ ޕާކިސްތާނުގެ މިލިޓަރީ އެކަޑަމީއިން ހިންގި 142 ވަނަ ލޯންގް ކޯހުގެ އެންމެ މޮޅު ފޮރިން ދަރިވަރުގެ މަގާމު ލާންސް ސޯޕްރަލް ނާޒިމް ނަސީރު ހޯދާފައިވާ ކަމަށެވެ.
ލާންސް ކޯޕްރަލް ނަސީރު މިހޯދި ކާމިޔާބީ ފާހަގަކޮށް އެމްއެންޑީއެފުން ބުނީ މިއީ ލިބުނު ވަރަށް ބޮޑު އުފަލެއް ކަމަށެވެ. އަދި ލޯންގް ކޯހަކީ އޮފިސަރ ކެޑެޓް ކޯހެއް ކަމަށެވެ.
މީގެ އިތުރުން ލާންސް ކޯޕްރަލް ނާޒިމް ވަނީ ޗެއަރމަން ޖޮއެންޓް ޗީފް އޮފް ސްޓާފް ކޮމެޓީގެ ގޯލްޑް މެޑަލް ލިބިފައެވެ.
އެމްއެންޑީއެފުން ގެންދަނީ ބޭރުގެ ގައުމުތަކާއި ގުޅިގެން އެކިއެކި ތަމްރީން ޕްރޮގްރާމްތައް ހިންގަމުންނެވެ. ސިފައިންގެ ގާބިލްކަން އިތުރު ކުރުމަށްޓަކައި ބޭރުގެ އެކި ކޯސްތަކަށް ވެސް ފޮނުވާފައެވެ.
