ކޮވިޑް-19 އާ ދެކޮޅަށް ޔޫރަޕްގެ ބައެއް ގައުމުތަކުން ހަރުކަށި ފިޔަވަޅުތަކެއް އަޅައިިފި އެވެ.
ޔޫރަޕްގެ ޤައުމުތަކުގެ ތެރެއިން ފްރާންސްއަށް ބަލާލާއިރު އެގައުމުގައި ރެސްޓޯރެންޓް އަދި ކެއިންބުއިމުގެ އެހެނިހެން ހިދުމަތްދޭ ތަންތަނުން ރޭގަނޑު ދިހަޔަކަށްފަހު ހިންގުން ވަނީ މަނާކޮށްފައެވެ. އަދި ގެއިން މަސައްކަތް ކުރުމަށް ބާރު އަޅަމުންދާއިރު ޔުނިވަރސިޓީތަކާ ކޮލެޖްތަކުގައި ކިޔަވައިދޭއިރު އެ މާހައުލެއްގެ ދެބައިކުޅަ އެއްބަޔަށް ވުރެ މީހުން ގިނަ ވެގެން ނުވާނެ ކަމަށްވެސް އެގައުމުން ވަނީ ކަނޑައަޅާފައެވެ.
ބޭރަށް ނިކުމެ އުޅުމުގައި ވެސް ދިހަ މީހުންނަށްވުރެ ގިނަ ނުވާނޭހެން ނިކުމެ އުޅުމާ ކައިވެނީ ހަފްލާތައް ބޭއްވުމާ އެހެނިހެން ޕާޓީތަކާ އެއްވުންތައް ބޭއްވުން ވަނީ މުޅިން މަނާ ކޮށްފައެވެ. އަދި ބޭރަށް ނިކުންނަ ވަގުތުތަކުގައި އަދި މަސައްކަތުގެ މައިދާނުގައިވެސް މާސްކު އެޅުން ވަނީ މަޖުބޫރުކޮށްފައެވެ.
ސްޕެއިނަށް ބަލާލާއިރު އެގައުމުގައި ވެސް މި ބައްޔާ ދެކޮޅަށް ގިނަ ފިޔަވަޅުތަކެއް ވނީ އަޅާފައެވެ. އެގުތުން ބޭރަށް ނިކުތުމެގެ ހުއްދަ ލިބިފައިވަނީ ހަމަ އެކަނި މަސައްކަތަށް ނިކުންނަ މީހުންނަށެވެ. އަދި ކެއިން ބުއިމުގެ ހިދުމަތްދޭ އެންމެހާ ތަންތަން ރޭގަނޑު 10 ގެ ކުރިން ބަންދުކުރުމަށް އެގައުމުން ވަނީ އަންގާފައެވެ.އެ ގައުމުގެ ގިނަ ސަރަހައްދު ތަކުގައި މާސްކު އެޅުން ވަނީ މަޖުބޫރުވެސް ކޮށްފައެވެ.
އިޓަލީ އަށް ބަލާއިރު އެގައުމުންވެސް ވަނީ މާސްކު އެޅުން މަޖުބޫރުކޮށްފައެވެ. އަމިއްލަ ގެ ނޫން ކޮންމެ ތަނެއްގައި ހުރި ކަމުގައިވީނަމަވެސް އެގައުމުގައި މާސްކު ކޮންމެހެންވެސް އަޅަންޖެހެއެވެ. އަދި ނަށާ ކްލާސްތަކާ ކްލަބްތައް ވަނީ އެއްކޮށް ބަންދުކޮށްފައެވެ. މީގެ އިތުރުންވެސް ސްވެޑެން، ނެދަލެންޑްސް، ޖަރމަނީ، ޑެންމަރކް، ބެލްޖިއަމް ގެ އިތުރުން އެހެނިހެން ގައުމުތަކުގައި ވެސް ވަނީ މި ބައްޔާ ދެކޮޅަށް ތަފާތުއެތަކެއް ފިޔަވަޅުތަކެއް އަޅާފައެވެ.
