މިއަހަރުގެ އަޟްޙާ އީދު ނަމާދު މާލޭ ސިޓީގައި ބޮޑު ޖަމާއަތުގައި ނުކުރާގޮތަށް ނިންމައިފިއެވެ.

އިސްލާމިކް މިނިސްޓްރީން ބުނީ މިއަންނަ އަޟްޙާ އީދު މާލޭ ސިޓީގައި ބޮޑުޖަމާޢަތުގައި ސްޓޭދިއަމްގައި ނުކުރާގޮތަށް ނިންމާފައިވާ ކަމަށެވެ. އަދި މާލޭ ސިޓީގައި އީދު ނަމާދު އޮންނާނީ އިސްލާމީ މަރުކަޒާއި ހުކުރުކުރާ މިސްކިތްތަކުގައި ކަމަށެވެ.

ކޮވިޑް-19 އާ ގުޅިގެން މާލެ ސިޓީގެ މިސްކިތްތައް މުޅިން ބަންދުކޮށްފައިވަނީ އޭޕްރީލް މަހުގެ 15 ވަނަ ދުވަހުން ފެށިގެންނެވެ. އެއަށްފަހު ވަކިވަކިން ނަމާދު ކުރެވޭ ގޮތަށް މާލޭ ސިޓީގެ މިސްކިތްތައް ހުޅުވާލީ މިދިޔަ ޖޫން މަހުގެ 19 ވަނަ ދުވަހުއެވެ.

މާލޭގެ ސަރަހައްދުގައި މިސްކިތްތަކުގައި ޖަމާއަތުގައި ހުކުުރު ނަމާދު ޖަމާއަތުގައި ކުުރުމުގެ ހުައްދަ ދީފައިވަނީ މިހިނގާ ޖުލައި މަހުގެ 10 ގައެވެ. ކޮވިޑް-19 އާ ގުޅިގެން ފާއިތުވި ފިތުރު އީދު ނަމާދު ވެސް މިސްކިތްތަކުގައި ޖަމާޢަތުގައި ކޮށްފައެއް ނުވެއެވެ.