މާލޭގެ ބައެއް ސަރަހައްދުތަކުން ކަރަންޓު ކަނޑާލަން ޖެހިދާނެ ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފިއެވެ.
މިކަމާއި ގުޅިގެން ސްޓެލްކޯ އިން ބުނެފައިވަނީ އެ ކުންފުނިން ކޮންމެހެން ކުރަންޖެހޭ މަސައްކަތްތަކެއް ކުރުމަށްޓަކައި 18 ޖުލައި 2020 ވާ ހޮނިހިރު ދުވަހު މާލޭގެ ބައެއް ސަރަހައްދުތަކުން ކަރަންޓު ކަނޑާލަން ޖެހިދާނެ ކަމަށެވެ.
ސްޓެލްކޯއިން ކަރަންޓު ކަނޑާލާނެ ކަމަށް ބުނެފައިވަނީ:
- އާބުރުޒުމަގާއި، ފާމުދޭރިމަގު އަދި އިސްކަންދަރު މަގު ހިމެނޭ ސަރަހައްދު (މާފަންނު) 9:30 އިން 10:30ށް
- ވިލިމާލޭގެ ފެރީޓާމިނަލް ހިމެނޭ ސަރަހައްދު 10:00ން 11:30ށް
އެ ކުންފުނިން ވަނީ އެ މަސައްކަތްތައް ނިމުނުހާ އަވަހަކަށް ކަރަންޓު ދޭނެ ކަމަށެވެ. އަދި ދިމާވެދާނެ ދަތިތަކަށް ސްޓެލްކޯއިން ވަނީ މާފަށް އެދިފައެވެ.
