އެމްއެމްޕީއާރުސީގެ ހިޔާނާތުގެ މައްސަލާގައި ތުހުމަތު ކުރެވޭ ކުރީގެ ނާއިބު ރައީސް އަހުމަދު އަދީބުގެ މައްޗަށް ދައުލަތުން އުފުލި 7 ދައުވާ ކްރިމިނަލް ކޯޓުގައި އެމައްސަލަ ބެއްލެވި ގާޒީ އިސްމާއީލް ރަޝީދު، ބޭރުކޮށްލުމާއި ގުޅިގެން، ގާޒީ އިސްމާއީލް ރަޝީދުގެ މައްޗަށް ޖުޑީޝަލް ސަރވިސް ކޮމިޝަން (ޖޭއެސްސީ)ން ބެލުމަށް ގޮވާލައި ރައްޔިތުންގެ މަޖިލީހަށް މައްސަލައެއް ހުށަހަޅުއްވައިފި އެވެ.
މި މައްސަލަ ބުދަ ދުވަހުގެ ޖަލްސާއަށް ހުށަހެޅުއްވީ، ހެންވޭރު ހުޅަނގު ދާއިރާގެ މެމްބަރު ހަސަން ލަތީފް އެވެ. ހަސަން ލަތީފް ހުށަހެޅުއްވި މައްސަލައަށް މަޖިލީހުގައި ބަހުސް ކުރެއްވުމަށް ފެންނަ ކަމަށް ފާސްކޮށްފައިވަނީ، 22 މެމްބަރުންގެ އަޣްލަބިއްޔަތުން ނެވެ. މައްސަލައަށް ބަހުސް ކުރުމަށް ނުފެންނަ ކަމަށް އެއް މެމްބަރަކު ވޯޓު ދެއްވިއެވެ.
މައްސަލަ މަޖިލީހަށް ހުށަހަޅުއްވަމުން ހަސަން ލަތީފް ވިދާޅުވީ، އެމްއެމްޕީއާރުސީގެ ހިޔާނާތުގެ މައްސަލައާއި އެމައްސަލާގައި ހިމެނޭ މަނީ ލޯންޑަރިންގ މައްސަލަތަކުގެ އަމަލަކީ، ދިވެހިރާއްޖޭގައި ހިންގި މިފަދަ އެންމެ ބޮޑު ޖަރީމާ ކަމަށެވެ.
މިގޮތުން މިމައްސަލަތައް ކޯޓުން ބޭރުކޮށްލުމުގައި، ދައުލަތާއި އަހުމަދު އަދީބާ ދެފަރާތުގެ ދެމެދު ވެފައިވާ އެއްބަސްވުމަކާ ހަވާލާދީ، އެއް އެބަސްވުމުގައި އަހުމަދު އަދީބު ބޭސްފަރުވާއަށް ފުރުމުގެ ހުއްދަ ދިނުމުގެ ވާހަކައަށް އިޝާރާތްކޮށް، އެއީ މަޖުބޫރު އެއްބަސްވުމެއް ކަމަށް ބަލައިގަނެ، އަހުމަދު އަދީބު އޭގެ މާފަހުން ދިން އިއުތިރާފް ބަޔާންތައް ބާތިލް ކަމަށް ފަނޑިޔާރު އިސްމާއީލް ރަޝީދު ނިންމާފައިވުމާއި، މިގޮތުން ފަނޑިޔާރު އިސްމާއީލް ރަޝީދު އަމިއްލައަށް ގޮތް ނިންމާފައިވަނީ، ދައުލަތަކާއި އަހުމަދު އަދީބާ ދެފަރާތުންކުރެ ފަރާތެއްގެ އެހުމެއް ނެތި ކަމަށް ވީހިނދު، އަދި ދައުލަތާއި އަދީބާ ދެމެދު ވެފައިވާ އެއްބަސްވުން، ބާތިލްކުރުމަށް އަދީބު ވެސް ހުށަހަޅާފައި ނުވޭ،ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފް
ހަސަން ލަތީފް ވިދާޅުވީ، ކުށަށް އިއުތިރާފުވެފައިވާ މީހަކު ވެސް އިބްތިދާއީ އަޑުއެހުމެއްގައި އިއުތިރާފުން ރުޖޫއުވެ، ދައުވާއަށް އިންކާރުކޮށްފިނަމަ ވެސް ޖިނާއީ އިޖުރާއަތުގެ ގާނޫނުގެ 109 (ށ)ގައިވާ ގޮތުން، ތަހުގީގު އިތުރަށް ފުރިހަމަކުރުމަށް ދައުލަތަށް އިތުރު ފުރުސަތު ދޭންވާނެ ކަމަށް ބަޔާންކޮށްފައިވާއިރު، އެ ފުރުސަތަށް އެދުމުގެ ފުރުސަތު ވެސް ގާޒީ އިސްމާއީލް ރަޝީދު ދައުލަތަށް ދީފައިނުވާ ކަމަށެވެ.
ހަސަން ލަތީފް ވިދާޅުވީ، އަދީބުގެ މައްޗަށް ދައުލަތުން އުފުލާފައުވާ 7 ދައުވާ ވެސް ބިނާ ވެގެންވަނީ، ހަމައެކަނި އިއުތިރާފްގެ ބަޔާނުގެ މައްޗަށް ނޫންކަމަށް ވުމާއި، އޭގެއިތުރުން އެދައުވާތައް ބިނާވެފައިވަނީ، ސާބިތު ހިފޭ ހަރުދަނާ ހެކިތަކުގެ މައްޗަށް ކަމަށްވާއިރު، އެ މައްސަލަތައް ގާޒީ އިސްމާއީލް ރަޝީދު ކޯޓުން ބޭރުކޮށްފައިވާ ކަމަށެވެ.
އެހެންކަމުން، ކޮރަޕްޝަނާއި މަނީ ލޯންޑަރިންގގެ މިވަރުގެ ބޮޑު މައްސަލަތަކެއް ގާނޫނުތަކާއި އިޖުރާއަތުތަކާ ހިލާފަށް ކޯޓުން ބޭރުކޮށްލާފައި ވުމުން، އެގޮތަށް އަމަލު ކުރުމުގައި ނުފޫޒާއި ރިޝްވަތާއި ކޮރަޕްޝަންގެ އަމަލު އެކުލެވޭކަމަށް ތުހުމަތު ކުރެވޭތީ، މިމައްސަލަ ކްރިމިނަލް ކޯޓުން ބޭރުކުރެއްވި ގާޒީ އިސްމާއީލް ރަޝީދުގެ މައްސަލަ ޖުޑީޝަލް ސަރވިސް ކޮމިޝަނުން ބެއްލެވުމަށް އެކޮމިޝަނަށް ހުށަހެޅުމަށާއި އަދި ކްރިމިނަލް ކޯޓުން ބޭރުކޮށްލި އަދީބުގެ މައްސަލަތައް އިސްތިއުނާފް ކުރުމަށް ދައުލަތަށް ގޮވާލައި، މައްސަލަ ރައްޔިތުންގެ މަޖިލީހަށް ހަށަހަޅުއްވާ ކަމަށް ހަސަން ލަތީފް ހުށަހެޅުއްވި މައްސަލާގައި ވިދާޅުވެފައިވެއެވެ.
ކުށަށް އިއުތިރާފްވެފައިވާ މީހަކު ވެސް އިބްތިދާއީ އަޑުއެހުމެއްގައި އިއުތިރާފުން ރުޖޫއުވެ، ދައުވާއަށް އިންކާރުކޮށްފިނަމަ ވެސް ޖިނާއީ އިޖުރާއަތުގެ ގާނޫނުގެ 109 (ށ)ގައިވާ ގޮތުން، ތަހުގީގު އިތުރަށް ފުރިހަމަކުރުމަށް ދައުލަތަށް އިތުރު ފުރުސަތު ދޭންވާނެ ކަމަށް ބަޔާންކޮށްފައިވާއިރު، އެފުރުސަތަށް އެދުމުގެ ފުރުސަތު ވެސް ގާޒީ އިސްމާއީލް ރަޝީދު ދައުލަތަށް ދީފައިނުވާހިނދި، އަދި އަހުމަދު އަދީބުގެ މައްޗަށް ދައުލަތުން އުފުލާފައުވާ 7 ދައުވާ ވެސް ބިނާ ވެގެންވަނީ، ހަމައެކަނި އިއުތިރާފްގެ ބަޔާނުގެ މައްޗަށް ނޫންކަމަށް ވުމާއި، އޭގެއިތުރުން އެދައުވާތައް ބިނާވެފައިވަނީ، ސާބިތު ހިފޭ ހަރުދަނާ ހެކިތަކުގެ މައްޗަށް ކަމަށްވާއިރު، އެމައްސަލަތައް ގާޒީ އިސްމާއީލް ރަޝީދު ކޯޓުން ބޭރުކޮށްފައި ވީހިނދު، ކޮރަޕްޝަނާއި މަނީ ލޯންޑަރިންގގެ މިވަރުގެ ބޮޑު މައްސަލަތަކެއް ގާނޫނުތަކާއި އިޖުރާއަތުތަކާ ހިލާފަށް ވަނީ ކޯޓުން ބޭރުކޮށްލާފައި،ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފް
އަދީބުގެ ދައުވާތައް ބާތިލް ކަމަށް ނިންމާ، ދައުވާތައް ބޭރުކޮށްލި، ކްރިމިނަލް ކޯޓުގެ ގާޒީ އިސްމާއީލް ރަޝީދުގެ މައްސަލަ ޖުޑީޝަލް ސަރވިސް ކޮމިޝަނަށް ހުށަހަޅުއްވާނެ ކަމަށް ޕްރޮސެކިއުޓަރ ޖެނެރަލް ހުސައިން ޝަމީމު ވެސް ވަނީ ވިދާޅުވެފައެވެ.
ކްރިމިނަލް ކޯޓުން ނިންމި ނިންމުން މި ހަފްތާގައި ހައިކޯޓުގައި އިސްތިއުނާފް ކުރައްވާނެ ކަމަށްވެސް ޕީޖީ ޝަމީމު ވިދާޅުވިއެވެ.
ކްރިމިނަލް ކޯޓުގެ އެ ނިންމުމާއެކު އަދީބު މިނިވަންވި ނަމަވެސް، އަންގާރަ ދުވަހުގެ ރޭގެ ވަގުތެއްގައި، ކޯޓު އަމުރެއްގެ ދަށުން އަދީބަށް ބޭރަށް ފުރުން މަނާކޮށް، އޭނާގެ ޕާސްޕޯޓް ވަނީ ހިފަހައްޓާފައެވެ.
