އިތުރު 25 މީހަކު ކޮވިޑް-19ށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) ން ކޮށްފައިވާ ޓްވީޓެއްގައި ބުނީ، ހޮނިހިރު ދުވަހު ކޮވިޑް-19ށް ޕޮޒިޓިވްވި މީހުންނަކީ 19 ދިވެހިންނާއި ބަންގްލަދޭޝްގެ ހަތަރު މީހުންނާއި، އިންޑިއާ އެކަކުގެ އިތުރުން ނޭޕާލުގެ މީހަކު ކަަމަށެވެ. ހޮނިހިރު ދުވަހު ބަލިން ފަސޭހަވީ 25 މީހުންނެވެ.

މި އަދަދުތަކާއެކު ޕޮޒިޓިވް ކޭސްތަކުގެ އަދަދު ވަނީ 2،435ށް އަރާފައެވެ. ބަލިން ފަސޭހަވި މީހުންގެ ޖުމްލަ އަދަދު އުޅެނީ 2،030 ގައެވެ. ފަރުވާދެމުންދާ މީހުން ނުވަތަ އެކްޓިވް ކޭސްތަކުގެ އަދަދު އުޅެނީ 390 ގައެވެ. މި ފަހަކަށް އައިސް ޕޮޒިޓިވް ކޭސްތަކުގެ އަދަދު ވަނީ ވަރަށް ބޮޑުތަނުން ދަށްވެފައެވެ.