ކޮވިޑް-19ށް އިތުރު 24 މީހަކު ޕޮޒިޓިވްވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ބުނީ އަންގާރަ ދުވަހު ކޮވިޑް-19ށް ޕްޒިޓިވް ވެފައިވާ މީހުންގެ ތެރޭގައި ހިމެނެނީ 11 ދިވެހިންނާއި، ބަންގްލަދޭޝްގެ ހަތް މީހުންގެ އިތުރުން އިންޑިއާގެ ހަ މީހުން ކަމަށެވެ.
ރާއްޖޭގައި ކޮވިޑަށް ޕޮޒިޓިވްވި މީހުންގެ އަަދަދު އުޅެނީ 2361 ގައެވެ. ބަލިން ފަސޭހަވި މީހުންގެ އަދަދު ވަނީ 1944ށް އަރާފައެވެ. މިވަގުތު އެކްޓިވް ކޭސްތަކުގެ އަދަދަކީ 403 އެވެ. ރާއްޖެއިން މިހާތަނަށް ކޮވިޑް-19 ޖެހިގެން މަރުވެފައިވަނީ 9 މީހުންނެވެ.
