ކ. މާލެ
|
28 ޖޫން 2020 | އާދީއްތަ 22:26
ޕީޕީއެމް/ޕީއެންސީއިން ބޭއްވި ޖަލްސާއެއްގެ ތެރެއިން
ޕީޕީއެމް/ޕީއެންސީއިން ބޭއްވި ޖަލްސާއެއްގެ ތެރެއިން
ޕީޕީއެމް
ހުޅުމާލޭގައި އަންހެނަކު ރޭޕްކުރި މައްސަލަ
ސަފާރީގައި ރޭޕްކުރުމުގެ ތުހުމަތު ކުރެވޭ ފަރާތްތަކުގެ ވަނަވަރު ހާމަކުރުމަށް އިދިކޮޅު ކޯލިޝަނުން ގޮވާލައިފި
ސަރުކާރުގެ ފަރާތުން އެއްވެސް މިންވަރެއްގެ އެހީތެރިކަމެއް ދީފައެއް ނުވޭ: އިދިކޮޅު
މައްސަލަ ގިނަވަނީ މުއައްސަސާތަކުން ފަރުވާކުޑަކަމުން: ޕީޕީއެމް
ހަރުކަށި އަދަބު ލިބެންޖެހޭ: ޕީޕީއެމް

ހުޅުމާލެ ފަޅުގައި އަޅާފައި އޮތް ސަފާރީއެއްގައި ހުއްޓާ ބިދޭސީ އަންހެނަކަށް، ގަދަ ކަމުން ޖިންސީ ގޯނާކުރި ކަމަށް ތުހުމަތު ކުރެވޭ މީހުންގެ ވަނަވަރު އާއްމު ކުރަން އިދިކޮޅު ޕްރޮގްރެސިވް ކޯލިޝަނުން ގޮވާލައިފިއެވެ.

އެ މައްސަލައާއި ގުޅިގެން އެ ކޯލިޝަނުން ނެރެފައިވާ ބަޔާނެއްގައި ބުނީ، ރޭޕްގެ ޝިކާރައަކަށްވީ ބިދޭސީ އަންހެން މީހާއަށް ދޭން ޖެހޭ ހިމާޔަތާއި ރައްކާތެރިކަން ފޯރުކޮށްދެވިފައި ނުވުމާއި، އޭނާއަށް ދޭންޖެހޭ ފަރުވާގެ އިތުރުން އެ އަންހެން މީހާއަށް ކުރިމަތިވެފައިވާ ނަފްސާނީ މައްސަލަތަކުން އަރައިގަތުމުގައި ވެސް ސަރުކާރުގެ ފަރާތުން އެއްވެސް މިންވަރެއްގެ އެހީތެރިކަމެއް ދީފައި ނުވުމަކީ ވެސް ކަންބޮޑުވާ ކަމެއް ކަމަށެވެ.

މިކަމާއި ގުޅިގެން ފުލުހުން ނެރުނު ބަޔާނުގައި ވަނީ އެ މީހާއަށް ބޭނުންވާ އެހީތެރިކަން އަންނަ ކަމުގެ ޔަގީންކަން ފޯރުކޮށްދީފައެވެ.

އިދިކޮޅުން ބުނީ، ރޭޕް ކުރުމާއި ކުޑަކުދިންނަށް ޖިންސީ ގޯނާ ކުރުންފަދަ ބޮޑެތި ކުށްތަކަށް އަރައިގަންނަ ފަރާތްތަކަށް ގާނޫނުތަކުން ކަނޑައަޅާފައިވާ އެންމެ ހަރުކަށި އަދަބު ލިބެންޖެހޭ ކަމަށާއި، އަދި އެ ފަރާތްތަކުގެ މައްސަލައިގެ ޝަރީއަތް ހިންގަމުން ދާ ދުވަސްވަރުވެސް މުޖުތަމައުއަށް ދޫވެފައި ތިބުމަކީ މުޖުތަމައުގެ ތެރޭގައި ހާއްސަކޮށް އެމީހުންގެ ފަރާތުން އަނިޔާ ލިބިފައިވާ ފަރާތްތައް އިތުރު ބިރުވެރިކަމެއްގެ ތެރެއަށް ހުށަހެޅިގެންދާނެ ކަމެއް ކަމަށެވެ.

އެހެންކަމުން އެފަދަ މައްސަލަ ތަހުގީގު ކުރެވި މައްސަލަ ކުރިއަށް ދާ މުއްދަތުގައި އެފަރާތްތައް މުޖުތަމައުގެ ތެރެއަށް ދޫނުވާނެ ގޮތަކަށް ކަންކަން ބައްޓަން ކުރުމަށް ދައުލަތުގެ ކަމާއިބެހޭ މުއައްސަސާތަކަށް ޕީޕީއެމް/ޕީއެންސީ އިން ވަނީ ގޮވާލާފައެވެ.

އެއާއެކު، މި އަންހެން މީހާ ރޭޕް ކުރުމުގައި ބައިވެރިވި ފަރާތްތަކުގެ ވަނަވަރު އާންމުކޮށް ހާމަކުރުމަށާއި، އެ ފަރާތްތައް މިހާރުން މިހާރަށް ހައްޔަރުކޮށް ތަހުގީގާއި ޝަރީއަތް އަވަސްކުރުމަށްވެސް ގޮވާލަން. މިފަދަ ލާއިންސާނީ، އަނިޔާވެރި ޢަމަލު ހިންގާ މީހުންނަކީ އެއްގޮތަކަށްވެސް މުޖްތަމަޢުގެ ތެރެއަށް ދޫކުރެވިފައި ތިބެގެންވާނެ ބައެއް ނޫން
ޕްރޮގްރެސިވް ކޯލިޝަނުން ނެރެފައިވާ ބަޔާން

ފަހަކަށް އައިސް ރާއްޖޭގައި ރޭޕްކުރުމާއި، ކުޑަކުދިންނަށް ޖިންސީ ގޯނާކުރުން ފަދަ އަމަލުތައް ގިނަވަނީ އެފަދަ ބޮޑެތި ލާއިންސާނީ ޖަރީމާތައް ހިންގާ ފަރާތްތަކުގެ މައްސަލަތައް ބެލުމުގައި ދައުލަތުގެ މުއައްސަސާތަކުން ފަރުވާކުޑަކޮށް އެ ފަރާތްތަކުގެ ޒިންމާ ފުރިހަމައަށް އަދާ ނުކުރާތީ ކަމަށް އިދިކޮޅުގެ ބަޔާނުގައި ބުންޏެވެ.

އަންހެން މީހާ ރޭޕްކުރި މައްސަލާގައި ހައްޔަރުކުރި މީހުން ދޫކޮށްލުމާއި ގުޅިގެން ސަރުކާރަށާއި ފުލުހުންނަށް، ގިނަ ރައްޔިތުންތަކެއްގެ ފާޑުކިޔުން ވަނީ އަމާޒުވެފައެވެ. އަދި އެ މައްސަލައިގައި ގައި ސިޔާސީ ގޮތުން ނުފޫޒު ފޯރުވަމުންދާ ކަމުގެ އަޑުތައްވެސް ވަނީ ފެތުރިފައެވެ. އެކަމާއި ގުޅުވައި ފުލުހުން ނެރުނު ބަޔާނެއްގައި ބުނީ، އެއްވެސް ނުފޫޒެއްނެތި އެ މައްސަލަ ބަލަމުންދާނެ ކަމަށެވެ. އަދި އޭގެ އިތުރުން ފުލުހުން ބުނީ، އެ އަންމީހާއަށް ބޭނުންވާ އެހީތެރިކަން ފުލުހުންގެ އިދާރާއިން ފޯރުކޮށްދެމުންދާ ކަމަށް ބުނެފައެވެ.

ރައްޔިތުންގެ މަޖިލިހުގެ ޖެންޑަރ އެންޑް ހިއުމަން ރައިޓްސް ކޮމިޓީ އަދި ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން އަންނަނީ މި މައްސަލަ އިތުރަށް ދިރާސާކުރުމަށް ނިންމާފައެވެ. އަދި މެމްބަރު އުޝާމް ވަނީ މި މައްސަލައިގައި ފުލުހުން އަމަލުކުރި ގޮތް ބެލުމަށް ނޭޝަނަލް އިންޓެގްރިޓީ ކޮމިޝަން (އެންއައިސީ) އަށް ވެސް ހުށައަޅާފައެވެ.

- ކޮމެންޓް
28 ޖޫން 2020 | އާދީއްތަ 23:19
ރޭޕްގެ ޝިކާރައަށްވި މީހާގެ ދުލުން: ތަކުރާރުކޮށް ނޫނެކޭ ބުނީމަ ވެސް ރަހުމެއް ނުކުރި