މަތީ ތައުލީމް ހާސިލް ކުރަމުންދާ ދަރިވަރުންނަށް ދޭ ލޯނާއި ސްކޮލަރޝިޕްތައް ހުއްޓުމެއްނެތި ކުރިއަށްދާނެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.

ބުރާސްފަތި ދުވަހު ރައީސް ކުރައްވާފައިވާ ޓްވީޓެއްގައި ވިދާޅުވެފައިވަނީ ކޮވިޑް-19ގެ މި ހާލަތުގައި ވެސް މަތީ ތައުލީމަށް ޚާއްސަ ސަމާލުކަމެއް ދީގެން ފުރުސަތުތައް ހޯދައިދެމުން ދާނެ ކަމަށެވެ.

މި އަހަރުގެ ފެބްރުއަރީ މަހު ސަރުކާރުގެ ފަރާތުން އިއުލާންކޮށްފައިވާ ސްޓޫޑެންޓްސް ލޯން ސްކީމަށް އަދި ރައީސުލްޖުމްހޫރިއްޔާގެ ޚާއްސަ ސްކޮލަރޝިޕް ޕްރެޒިޑެންޓްސް އެވޯޑްސް ސްކޮލަރޝިޕާރ ހަޔަރ އެޗީވާރސް ސްކޮލަރޝިޕް, މި ތިން ޕްރޮގްރާމް މި އަހަރު މެދުކެނޑުމެއްނެތި ކުރިއަށްދާނެ ކަމުގެ ޔަޤީންކަން ދެއްވާކަމަށެވެ.

ކޮވިޑް19އާ ގުޅިގެން ސްޓޫޑަންޓް ލޯނު ރީޕޭކުރަން ޖެހިފައިވާ ފަރާތްތަކުގެ، ރީޕޭމަންޓް 6 މަސް ދުވަހަށް ފަސްކޮށްދެއްވާފައިވާކަން ރައީސް ސޯލިހު ވަނީ މީގެ ކުރިން ވިދާޅުވެފައެވެ. ރައީސް ސޯލިހު މިގޮތަށް ނިންމެވުމާއި ގުޅިގެން މިހާރު ސްޓޫޑަންޓް ލޯނު ދައްކަންޖެހިފައިވާ 4000ށް ވުރެން ގިނަ ދަރިވަރުންނަށް ކޮވިޑް19އާ ގުޅިގެން ކުރިމަތިވެފައިވާ މާލީ ދަތިތަކަށް ވަނީ ލުޔެއް ލިބިގެން ގޮސްފައެވެ.