މަސްވެރިއެއްގެ ލޯމަތީ ބޭނި މަހަކުން ޖެހި، ހާލު ދެރަވެގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.

މިކަމާއި ގުޅޭ މައުލޫމާތު ހިއްސާކުރަމުން އެމްއެންޑީއެފުން ބުނެފައިވަނީ، ށ. ފޯކައިފޫގެ އިރު އުތުރުން 6 ނޯޓިކަލް މޭލު ބޭރުގައި މަސްވެރިކަން ކުރަން އުޅުނު "މިޔަރެން" ނަމަކަށް ކިޔާ ދޯނީގައި ހުރި 65 އަހަރުގެ ދިވެހި ފިރިހަނަކަށް އަނިޔާވުމާއި ގުޅިގެން ނޮދަން އޭރީއާގެ ކޯސްޓްގާޑުން ހަރަކާތްތެރިވަމުންދާ ކަމަށެވެ. އަދި އެމީހާގެ ހާލު ދެރަވެގެން ކުޅުއްދުފުށީ ހޮސްޕިޓަލަށް ގެންގޮސްފައިވަނީ މިއަދު 11:10 ހާއިރު ކަމަށް ވެސް އެމްއެންޑީއެފުން ބުންޏެވެ.

މި ހާދިސާގެ ރިޕޯޓު އެމްއެންޑީއެފަށް ލިބިފައިވަނީ ބުރާސްފަތި ދުވަހުގެ ހެނދުނު 9:14 ހާއިރުއެވެ.