ލޯފަން މީހުނަށް ޚާއްސަކޮށް ތައްޔާރުކުރި "ތާނަ މެލޯ" އެޕްލިކޭޝަން ލޯންޗްކޮށްފިއެވެ.
ހޮނިހިރު ދުވަހު ލޯންޗް ކުރި މި އެޕްއަކީ ސްކްރީންތަކުގައި ހުންނަ ލިޔުންތައް ކިއުމަށް ޚާއްސަކޮށް ތައްޔާރުކޮށްފައިވާ އެޕެކެވެ. މި ސޮފްޓްވެއަރ އެޅުމުން ފޯނުގެ ސްކްރީނާއި ކޮމްޕިއުޓަރުގައި ދިވެހިން ލިޔެފައި ހުންނަ ލިޔުންތައް ލޯފަން މީހުންނަށް އަޑުއިވިގެންދެއެވެ. މި އެޕް މިހާރު ގޫގުލް ޕްލޭސްޓޯރއިން ޑައުންލޯޑް ކުރެވޭނެއެވެ.
މި އެޕް އުފެއްދުމުގެ ޚިޔާލަކީ ޔޫއެންޑީޕީއާއި އުރީދޫ މޯލްޑިވްސް ގުޅިގެން 2019 ވަނަ އަހަރު ބޭއްވި "މިޔަހެލި 2019" އަށް ހުށަހެޅި ޚިޔާލްތަކުގެ ތެރެއިން އެއްވަނައަށް ހޮވިފައިވާ ޚިޔާލެވެ. މި ޚިޔާލު ހުށަހަޅާފައިވަނީ ބްލައިންޑް އެސޯސިއޭޝަންގެ ފަރާތުންނެވެ.
