ހައުސިން މިނިސްޓަރ އާތިފާ ޝަކޫރު، މިނިސްޓަރުކަމުން އިސްތިއުފާ ދެއްވުމަށް ހުށަހަޅުއްވައިފި އެވެ.
ރާއްޖެ.އެމްވީއަށް އެނގިފައިވާގޮތުގައި މިިސްޓަރ އާތިފާ އިސްތިއުފާ ދެއްވުމަށް ހުށަހަޅުއްވާފައިވަނީ މީގެ ދެ ދުވަސް ކުރިންނެވެ. އަދި އިސްތިއުފާ ދެއްވުމަށް ހުށަހެޅުއްވީ ސިއްހީ ހާލުކޮޅު ވަރަށް ބޮޑަށް ގޯސްވުމުގެ ސަބަބުންކަން އެނގިފައިވެއެވެ.
އިސްތިއުފާ ދެއްވުމަށް ހުށަހެޅުއްވުމަށްފަހު އިއްޔެވެސް މިނިސްޓަރ އާތިފާ، އޮފީހަށް ނިކުންނަވާ މަސައްކަތް ކުރައްވާފައިވެއެވެ.
މިނިސްޓަރު އާތިފާ ވަޒީރުކަމުގެ ހުވާކުރެއްވީ ރައީސް އިބްރާހިމް މުހައްމަދު ސޯލިހްގެ ފުރަތަމަ ވަޒީރުންގެ މަޖިލީހުގެ މެމްބަރުންގެ ތެރޭގައި 17 ނޮވެމްބަރު 2018 ގަ އެވެ. އެކަމަނާ ވަޒީރުކަމަށް ވަޑައިގެންނެވީ އެމްއާރުއެމްގެ ސްލޮޓެއްގަ އެވެ.
މިނިސްޓަރު އާތިފާއަކީ ކުރީގެ ރައީސް މައުމޫން އަބްދުލްޤައްޔޫމާއި ގާތްގުޅުމެއް އޮންނަވާ ބޭފުޅެކެވެ. 2018 ވަނަ އަހަރު ރައީސް މައުމޫން ހައްޔަރުކުރެއްވުމުން އެމަނިކުފާނުގެ ދިފާއުގައި ނުކުންނެވި މަދު ބޭފުޅުންގެ ތެރޭގައި މިނިސްޓަރ އާތިފާ ހިމެނިވަޑައިގަނަންވަ އެވެ.
