އިތުރު 17 މީހަކު ކޮވިޑް-19 އަށް ޕޮޒިޓިވް ވެފައިވާކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފި އެވެ.

އެޗްޕީއޭ އިން ކުރި ޓުވީޓެއްގައި ބުނެފައިވަނީ 3 މީހަކު ރޭގައި ޕޮޒިޓިވް ވެފައިވާކަމަށެވެ. އެއީ ކޭސް 227 228 އަދި 229 އަށެވެ.

ކޭސް 227 އަދި 228 އަށް ބަލާލާއިރު، މި ދެމީހުންގެ ތެރެއިން މި ދެ މީހުންގެ ކުރެ އެކަކީ ދިވެއްސެއް އަދި އަނެއް މީހާއަކީ ބަންގްލަދޭޝް މީހެކެވެ. ހެލްތް މިނިސްޓްރީގެ ޑޭޝްބޯޑު ދައްކާގޮތުން ޕޮޒިޓިވްފެފައިވާ ދިވެހި މީހާގެ އުމުރަކީ 33 އަހަރެވެ. އަދި އޭނާގެ ކޭސް ގުޅިފައިވަނީ އެމްއެޗްއެފްގެ ކްލަސްޓަރ އާއެވެ. ނަމަވެސް ބަންގުލަދޭޝް މީހާގެ އިތުރު މައުލޫމާތެއް ހާމަކޮށްފައި ނުވެ އެވެ.

އަދި މީގެއިތުރުން 16 މީހަކު ކޮވިޑް-19 އަށް ޕޮޒިޓިވްވެފައިވާކަމަށާއި އޭގެތެރޭގައި 3 ދިވެހިން ހިމެނޭ ކަމަށް ވެސް އެޗްޕީއޭއިން ބުންޏެވެ. މި 16 މީހުންގެ ތެރޭގައި ބަންގްލަދޭޝް އަށް ނިސްބަތްވާ 9 މީހުންނާއި އިންޑިއާ އަށް ނިސްބަތްވާ 4 މީހުން ވެސް ހިމެނެއެވެ.