އެސްޓީއޯއިން ތަރުކާރީއާއި މޭވާ ހޯލްސޭލްކޮށް، ގަންނަން ބޭނުންވާ ވިޔަފާރިތަކަށް އެފުރުސަތު ހުޅުވާލައިފިއެވެ.

އެސްޓީއޯއިން ބުނީ ހޯލްސޭލްކޮށް ތަރުކާރީއާއި މޭވާ ގަންނަން ބޭނުންވާ ވިޔަފާރިތަކުން ހެނދުނު 10:00 އިން މެންދުރުފަހު 3:30 އަށް ހޮޓްލައިން ނަމްބަރު: 7291123 އަދި 7291125 ގުޅައިގެން އޯޑަރު ދެވޭނެކަމަށެވެ.

އެސްޓީއޯއިން ބުނީ، އޯޑަރު، ކުރި ފަރާތުގެ އޯޑަރ އެސްޓީއޯއިން ކޮންފަރމް ކުރުމާއެކު، ދަތުރުކުރުމުގެ ހުއްދަ އޮންނަ ފަރާތްތަކަށް ތަކެތި ބަލާ އައުމުން ވަގުތުން ލިބޭނެ ކަމަށެވެ.

މީގެއިތުރުން އެސްޓީއޯއިން ބުނީ، ޑެލިވަރީގެ ޚިދުމަތްވެސް ދިނުމަށް ހަމަޖެހިފައިވާ ކަމަށާއި އެގޮތުން ކަންމަތީ ފިހާރަތަކާއި، ސުޕަރމާޓުތައް އަދި ދޯނިތަކަށް ޑެލިވަރ ކޮށްދޭނެ ކަމަށެވެ.

އެސްޓީއޯއިން ތަރުކާރީއާއި މޭވާ، ހޯލްސޭލް ކުރަން ނިންމާފައިވާއިރު، އެސްޓީއޯގެ ސުޕަރމާޓް ދަނީ އޮންލައިންކޮށް، ތަކެތި ބައްލަވާ ގަންނަވާ ޢާންމު ފަރާތްތަކައް ޑެލިވަރީގެ ޚިދުމަތްވެސް ދެމުންނެވެ.

އެސްޓީއޯއަކީ ގިނަ ބާވާތްތަކެއްގެ ކާބޯތަކެއްޗާއި، ކާޑުގެ ބާވަތްތައް ރާއްޖެ އެތެރެކުރަމުންދާ ސަރުކާރު ކުންފުންޏެވެ.