ރައީސުލްޖުމްހޫރިއްޔާ އިބްރާހިމް މުުހައްމަދު ސޯލިހު، އެމަނިކުފާނު އެކުލަވާލެއްވި ޓާސްކް ފޯހުގެ ބޭފުޅުުންނާ އޮންލައިން ކޮއް ބައްދަލު ކުރައްވާ މަޝްވަރާ ކުރައްވައިފިއެވެ.

ރައީސް އޮފީހުން ބުނީ ވާރޗުއަލްކޮށް ކުރިއަށް ގެންދާ މިބައްދަލުވުމަކީ މާޗް މަހުގެ 7 ވަނަ ދުވަހުން ފެށިގެން ކޮންމެ ރެއަކު ކުރިއަށްދާ ބައްދަލުވުމެއް ކަމަށެވެ.

މުލިއާގޭގައި އެމަނިކުފާނު ހުންނަވާ ކުރިއަށް ގެންދިޔަ މިބައްދަލުވުމުގައި ކޮވިޑް-19ގެ އެންމެފަހުގެ މައުލޫމާތު އޮޅުންފިލުވާ މަސައްކަތްތައް އިތުރަށް ހަރަދުނާ ކުރުމަށް ކުރެވެނޭ މަސައްކަތްތަކާ ބެހޭ ގޮތުން މަޝްވަރާ ކުރެއްވިއެވެ.

ކޮމިއުނިޓީ ސްޕްރެޑާއި ގުޅޭ ގޮތުން ބައްދަލުވުމުގައި މަޝްވަރާ ކުރެވިފައިވާ ކަމަށެެވެ. މާލެ މިހާރު ލޮކްްޑައުން ކޮށްފައިވާއިރު، ރައްކާތެރި ކަމުގެ ގޮތުން އެޅިފައިވާ ފިޔަވަޅުތަކާ ބެހޭ ގޮތުން ވެސް މަޝްވަރާ ކުރެއްވިއެވެ.

މާލެއިން ފުރަތަމަ ފަހަރަށް މީހަކު ކޮވިޑް-19 އަށް ޕޮޒިޓިވްވުމާއި ގުޅިގެން ގައުމާއި މުޚާތަބު ކުރައްވާ ވާހަކަފުޅު ދައްކަވަމުން ރައީސް ވަނީ، ހުރިހާ ރައްޔިތުންގެ ކިބައިން ކެތްތެރިކަމާއެކު ސަރުކާރުން ކުރަމުންދާ މަސައްކަތަށް އެއްބާރުލުން ދެއްވުމަށް އެދިވަޑައިގަންނަވާފައެވެ.

މުޅި މުޖުތަމަޢުގެ ރައްކާތެރިކަމަށް އެންމެން އެކުގައި މަސައްކަތް ކުރުމަކީ ވަރަށް މުހިއްމު ކަމެއް ކަމަށާއި، ކެތްތެރިކަމާއި ޙިކުމަތްތެރިކަމާއެކު، އެކުގައި މަސައްކަތް ކުރުމުން، ރާއްޖެއިން ކޮވިޑް-19 އިން އަރައިގަނެވޭނެ ކަމަށް އެމަނިކުފާނު ވިދާޅުވިއެވެ.