ކޮވިޑް-19އާ ގުޅިގެން އައްޑޫސިޓީގައި ވިޔަފާރި ކުރާ ގަޑިތަކަށް ބަދަލު ގެނެސްފިއެވެ.
އައްޑޫސިޓީ ކައުންސިލުން ބުނީ މުޅި ދުނިޔެއަށް މިހާރު ފެތުރެމުންދާ ކޮވިޑް-19އަށް ޕޮޒިޓިވް ވެފައިވާ މީހުން ގިނަވަމުން ދިއުމާއި ގުޅިގެން އައްޑޫގެ ރައްޔިތުންގެ ސަލާމަތާއި ރައްކާތެރި ފިޔަވަޅެއްގެ ގޮތުން 18 އެޕްރީލް 2020ން ފެށިގެން ސިއްހީ ޚިދުމަތްދޭ ކްލިނިކް ތަކާއި ބޭސް ފިހާރަތައް ފިޔަވައި ވިޔަފާރިކުރާ ފިހާރަތަކާއި އާންމު ޚިދުމަތްދޭ ތަންތަނުން ޚިދުމަތް ދޭ ގަޑިތަކަށް ބަދަލުތައް ގެނެސްފައިވާ ކަމަށެވެ.
ވިޔަފާރީގެ ޚިދުމަތްތައް ދިނުމުގައި ކައުންސިލުން ހަމަޖައްސާފައިވާ ގޮތަކީ،
- އާންމު ވިޔަފާރިކުރާ ފިހާރަތަކާއި، އާންމުޚިދުމަތް ދޭތަންތަން ހުޅުވިފައި ހުންނަންވާނީ ހެނދުނު 9:00ން ހަވީރު 5:00ށް
- ވިޔަފާރި ކުރާތަންތަނުން ހަވީރު 5:00ން ރޭގަނޑު 10:00ށް ޑެލިވަރީ ކޮށްދިނުން
- ހޮޓާ ރެސްޓޯރަންޓް ފަދަ ތަންތަނުން ހެނދުނު 9:00ން ރޭގަނޑު 12:00ށް ހަމައެކަނި ޓޭކް އަވޭއާއި، ޑެލިވަރީގެ ޚިދުމަތްދިނުން،
- ގާޑިޔާތަކުގެ ވިޔަފާރި ހެނދުނު 9:00ން ހަވީރު 5:00ށް ޓޭކް އަވޭއާއި ޑެލިވަރީ ކޮށްދިނުން
ކައުންސިލުން ބުނީ މި އެންގުމާއި ޚިލާފުވާ ފަރާތްތަކަށް ދިވެހިރާއްޖޭގެ އިދާރީ ދާއިރާތައް ލަމާރުކަޒީ އުޞޫލުން ހިންގުމުގެ ޤާނޫނުގައިވާ ގޮތުގެ މަތިން ގާނޫނީ ފިޔަވަޅު އަޅާނެ ކަމަށެވެ.
