މާލެއިން ކޮވިޑް-19 އަށް ޕޮޒިޓިވް ވި މީހުންގެ އަދަދު 14ށް އަރައިފިއެވެ.
ހެލްތް ޕްރޮޓެކްޝަން އެޖެންސީ އެޗްޕީއޭ އިން ބުނީ ކޮވިޑް-19 އަށް ޕޮޒިޓިވް ވި ދިވެއްސެއް (ކޭސް 27) ގެ ޑައިރެކްޓް ކޮންޓެކްޓެއްގެ ފަރާތުން ބަލީގެ އަލާމާތްތައް ފެނި، ހެދި ޓެސްޓުގެ ނަތީޖާވަނީ ޕޮޒިޓިވްވެފައިވާ ކަމަށެވެ.
މިއީ ލޯކަލް ޓްރާންސްމިޝަން ފާހަގަވި ފަހުން މާލެއިން 14 ވަނަ އަށް ޕޮސިޓިވްވި މީހާއެވެ.
މި މީހާ އައިސޮލޭޝަން ފެސިލިޓީއަކަށް ގެންދިއުމުގެ މަސައްކަތް ކުރެވެމުންދާ ކަމަށް އެޗްޕީއޭއިން މައުލޫމާތުދެއެވެ.
ކުރިއަށް އޮތް 14 ދުވަހަކީ ޕީކް ދުވަސްވަރެއްކަމަށް ފާހަގަކޮށް އިތުރު ބައެއް މާލެ ސިޓީ ޕޮޒިޓިވްވާނެ ކަމަށް ވެސް އެޗްޕީއޭއިން ވަނީ ބުނެއެވެ. އަދި މިދުވަސްވަރު ރައްކާތެރިކަމުގެ ފިޔަވަޅު އެޅުމަށް ކަމާބެހޭ އިދާރާތަކުން ވަނީ އިލްމާސްކޮށްފައެވެ.
