ފުވައްމުލައް ސިޓީގެ ދޫޑިގަމު އަވަށުގައި ދެސައިކަލު ޖެހި ހިނގި އެކްސިޑެންޓުގައި އަނިޔާވި 43 އަހަރުގެ މިހާ މަރުވެއްޖެއެވެ.
މަރުވެފައި ވަނީ އެކްސިޑެންޓުވި އެއް ސައިކަލު ދުއްވަން އިން، އެރަށު ކޮތަންގެ، އުމުރުން 43 އަހަރުގެ ހަސަން އަހްމަދު ދީދީއެވެ.
މިމަހުގެ 14 ވަނަ ދުވަހު ހިނގި ނުރައްކާތެރި އެކްސިޑެންޓު ހިނގީ ދެސައިކަލެއް ޖެހިގެންނެވެ. މިއެކްސިޑެންޓުގައި އޭނާއަށް ސީރިއަސް އަނިޔާތަކެއް ލިބި، މަރުވީ އިތުރުފަރުވާއަށް މާލެ ގެނެސް އައިޖީއެމްއެޗް އައިސީޔޫގައި ފަރުވާ ދެމުންދަނިކޮށް އާދިއްތަ ދުވަހުގެ ވަގުތެއްގައެވެ.
ފުލުހުން ބުނީ މިއެކްސިޑެންޓު ހިނގާފައިވާ ކަމުގެ ރިޕޯޓު ލިބިފައިވަނީ މިމަހުގެ 14 ވަނަ ދުވަހުގެ އިރުއޮއްސި 18:18 ހާއިރު ލިބިފައިވާ ކަމަށެވެ. އަނެއް ސައިކަލު ދުއްވަން އިނީ ލައިސެންސް ނެތް ކުޑަ ކުއްޖެއް ކަމަށާއި، އެކުއްޖާ ޖޫރިމަނާކޮށް ސައިކަލު ޓޯކޮށްފައިވާ ކަމަށެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
