ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ޕްރޮކިއުމަންޓް ޕޮލިސީ ބޯޑު އުފައްދަވާ މެމްބަރުން އައްޔަން ކުރައްވައިފިއެވެ.
ފިނޭންސް މިނިސްޓްރީން ބުނީ ޕްރޮކިއުމަންޓް ނިޒާމް ހަރުދަނާކޮށް ޕްރޮކިއުމަންޓާ ގުޅޭ ސިޔާސަތުތައް އެކުލަވާލާފައިވާ ކަމަށެވެ. އަދި މިނިޒާމުގެ އެންމެހައި ކަންކަން ތަންފީޒު ކުރުމަށްޓަކައި 23 ފެބުރުއަރީ 2020 ގައި ރައީސުލްޖުމްހޫރިއްޔާ ޕްރޮކިއުމަންޓް ޕޮލިސީ ބޯޑު އުފައްދަވާ މެމްބަރުން އައްޔަން ކުރައްވާ ކަމަށެވެ.
މިބޯޑްގައި 07 މެމްބަރުން ތިއްބަވާއިރު، ޗެއަރޕާސަންއަކީ ފިނޭންސް މިނިސްޓަރު އިބްރާހިމް އަމީރެވެ. ބޯޑުގެ މެމްބަރުންގެ ގޮތުގައި ތިއްބަވަނީ އަހުމަދު ޝަރީފް، އަޖްވަދު މުސްތަފާ، އިބްރާހިމް ނައީމް، ޑރ.އިބްރާހިމް މުހައްމަދު އާދިލް، ޝިފާޒު އަލީ އަދި ޝުހާދު އިބްރާހިމްއެވެ.
ޕްރޮކިއުމަންޓް ޕޮލިސީ ބޯޑުގެ ދަށުން މިނިޒާމު އިތުރަށް ހަރުދަނާ ކުރެވިގެންދާނެއެވެ.
