އިނގިރޭސި ކްލަބް މެންޗެސްޓާ ސިޓީގެ ސަޕޯޓަރުން ދަނޑަށް ނުވަންނަ ވާހަކަ ދެއްކީ ސަޕޯޓަރުން ރުޅިއަރުވާލުމުގެ ނިޔަތުގައި ނޫން ކަމަށް އެކްލަބްގެ ކޯޗު ޕެޕް ގާޑިއޯލާ ބުނެފިއެވެ.

ސިޓީގެ ދަނޑު އިއްތިހާދު ސްޓޭޑިއަމްއަކީ 55،000 ސަޕޯޓަރުންގެ ޖާގައިގެ ދަނޑެކެވެ. ނަމަވެސް އެވްރެޖްކޮށް މިދިޔަ ދެ މަހަހެއްހާ ދުވަހު އިއްތިހާދު ސްޓޭޑިއަމްއަށް ވަތް މީހުންގެ އަދަދަކީ 40،000 މީހުންނެވެ. ގާޑިއޯލާ ވަނީ މީގެ ކުރިންވެސް ސްޓޭޑިއަމްއަށް ސަޕޯޓަރުން ނުވަންނަ މައްސަލަ ފާހަގަކޮށްފައެވެ.

ގާޑިއޯލާ ބުނީ މެޗުތަކަށް ސަޕޯޓަރުން ގިނައިން ވަނުން އެއީ ކުޅުންތެރިންނަށް ލިބޭނެ ހިތްވަރެއް ކަމަށާއި، އެހެންކަމުން ވީހާވެސް ގިނަ ސަޕޯޓަރުން ދަނޑަށް ވަނުމަށް އެދޭކަމަށެވެ. މީގެ އިތުރުން ގާޑިއޯލާ ބުނީ ސަޕޯޓަރުންގެ އިހުސާސް އޭނާ ދަންނަ ކަމަށާއި ސަޕޯޓަރުން ދަނޑަށް މަދުން ވަންނަ ވާހަކަ އޭނާ ދެއްކީ ސަޕޯޓަރުން ރުޅިއެރުވުމުގެ ބޭނުމުގައި ނޫން ކަމަށެވެ. އަދި މިހާރު ވަންނަ ވަރަށް ސަޕޯޓަރުން ވަންނާތީވެސް އެކަމާ އުފާ ކުރާކަމަށް ގާޑިއޯލާ ބުންޏެވެ. ގާޑިއޯލާ ބުނީ ވެމްބްލީއަށް ފައިނަލްއެއް ކުޅެން ދިއުމުގެ ފުރުސަތު ސިޓީއަށް އެބައޮތް ކަމަށެވެ.

ސިޓީއަށް ގާޑިއޯލާ ބަދަލުވުމަށްފަހު އެންމެ ބޭނުންވި ކަމަކީ ފުލް ސްޓޭޑިއަމް އެއްގައި ކުޅުމަށް ކަމަށާއި އޭރަށް ސަޕޯޓަރުން ޝައުގުވެރިވާކަހަލަ ކުޅުމެއް ކުޅުންތެރިންގެ ފަރާތުން ފެންނާނެ ކަމަށެވެ.

އިނގިރޭސި ޕްރިމިއާ ލީގުގައި މި ސީޒަނުގައި ސިޓީއިން ނެރެމުންދާ ދަށް ނަތީޖާ ތަކުގެ ސަބަބުން ސަޕޯޓަރުން ދަނީ އެކަމުގެ ނުރުހުން ފާޅުކުރަމުންނެވެ.