ޑޮކްޓަރަށް ދައްކަން އައިޖީއެމްއެޗަށް ގެންދިޔުމުން ފިލި ޤައިދީ ފުލުހުންގެ އެހީތެރިކަމާއެކު ހައްޔަރުކޮށްފައިވާ ކަމަށް މޯލްޑިވްސް ކަރެކްޝަނަލް ސަރވިސް އިން ބުނެފި އެވެ.
ކަރެކްޝަންސް އިން ބުނީ ބުރާސްފަތި ދުވަހު އައިޖީއެމްއެޗަށް ޑޮކްޓަރަށް ދައްކަން ގެނައުމުން ފިލާފައިވާ އައިސަރު ނަސީމް ހައްޔަރުކޮށްފައިވަނީ މެންދުރު 14:10 ގައިކަމަށެވެ. މިހާރު މީނާ ހުރީ ކަރެކްޝަންސްގެ ބެލުމުގެ ދަށުގައި ކަމަށްވެސް ކަރެކްޝަންސް އިން ބުނެއެވެ. އަދި މިމަސައްކަތުގައި ފުލުހުންގެ ފަރާތުން ލިބުނު އެއްބާރުލުމަށް ކަރެކްޝަންސް އިން ވަނީ ޝުކުރު އަދާކޮށްފަ އެވެ.
Advertisement
އައިސަރު ނަސީމް އަކީ ޑްރަގްގެ މައްސަލައެއްގައި، މާލޭ ޖަލުގައި ހުކުމް ތަންފީޒުކުރަމުން ދިޔަ ގައިދީއެކެވެ.
