ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ޖަޒީރާ މެނިފެސްޓޯގެ އެންމެ މުހިންމު އެއް ސިޔާސަތަކީ، މި ރާއްޖޭގައި ފުރިހަމަ ލާމަރުކަޒީ ނިޒާމެއް ހިންގައި، ކައުންސިލުތައް ބާރުވެރިކުރުން. ޙަޤީޤީ މާނައިގައި މި ރާއްޖެ ލާމަރުކަޒީކޮށް، ލާމަރުކަޒީ ނިޒާމުގެ ފޮނިމީރުކަން، އޭގެ ޙަޤީޤީ ފައިދާ ރައްޔިތުންނަށް ހޯދައިދިނުން. މާލޭގައި ހުންނަ އޮފީހަކަށް ލިޔެ، ދަންނަވައި، އާދޭސްކޮށްގެން އެ އޮފީހުގައި ތިބޭ ވެރިންގެ ގާތަށް ހިނގައިގެން ނޫނީ އެއްވެސް ކަމެއް ނުވާ އުސޫލަށް ނިމުމެއް ގެނައުން. ކައުންސިލުތަކަށް ބާރާއި އިޚްތިޔާރު ފުރިހަމައަށް ދީގެން އާމްދަނީ ހޯދޭނެ މަގުތައް ތަނަވަސްކޮށްދީ، ދައުލަތުގެ ބަޖެޓުން ރަށުގެ ކަންކަން ހިންގޭނެ ވަރަށް ރަށުގެ ތަރައްޤީގެ ކަންކަން ރާވައި ކުރިއަށް ގެންދެވޭ ގޮތަށް، އަދި ރައްޔިތުންނަށް ބޭނުންވާ ޚިދުމަތްތައް ދެވޭވަރަށް ބަޖެޓު ދީގެން ކައުންސިލުތައް ބާރުވެރިކުރުވުން. މި ދެންނެވި މަގުން ކަންކަން ކުރިއަށް ގެންދިއުމަށް ޓަކައި، ކައުންސިލުތައް މާލީ ގޮތުން ބާރުވެރިކުރުމަށް ޓަކައި ކައުންސިލުތަކަށް ދިނުމަށް އަންނަ އަހަރުގެ މި އުއްމީދީ ބަޖެޓުގައި 6.1 ބިލިއަން ރުފިޔާ ހިމަނާފައިވޭ.

ކިނބިދޫ ދާއިރާގެ މެމްބަރ މުހައްމަދު ނާޝިޒް

މި ބަޖެޓް ތަންފީޒުކުރުމަށްޓަކައި ފިނޭންސް މިނިސްޓަރު އިތުރަށް މަސައްކަތްކުރައްވަން އެބަޖެހޭ. ދައުލަތަށް ލިބެންޖެހޭ އާމްދަނީ ހޯދުމާއި، ދަރަނީގެ ގޮތުގައި ދައުލަތަށް ހޯދަންޖެހިފައިވާ ފައިސާ ހޯދުމާއި، މި ކަންކަމަކީ މިދިޔަ އަހަރަށްވުރެ؛ މިއަހަރަށްވުރެ ބޮޑަށް މިއަންނަ އަހަރު ކުރަންޖެހިފައިވާ މަސައްކަތް. ހަމައެއާއެއްކޮށް ޕްލޭނިންގ މިނިސްޓަރާއި ހެލްތް މިނިސްޓަރު އިތުރު %20 މަސައްކަތްކޮށްގެން ނޫނިއްޔާ މި ބަޖެޓް 18 ތަންފީޒުވާ މަންޒަރެއް މި ޤައުމަކުން ފެނިގެންނެއް ނުދާނެ އިއްޒަތްތެރި ރައީސް. އަޅުގަނޑުމެން ބޭނުންވޭ މި ބަޖެޓުގެ %90 ހާސިލުވާން. ގިނަ ރަށްރަށެއްގައި ނަރުދަމާ އެޅެން އެބަޖެހޭ. ގިނަ ރަށްރަށެއްގައި މަގު ހެދެން އެބަޖެހޭ. ގިނަ ރަށްރަށެއްގައި ފެނުގެ ނިޒާމު ގާއިމުކުރެވިގެން ދާން އެބަޖެހޭ. މިކަންކަން ހާސިލުވާނީ ، އަޅުގަނޑު ކުރިން ދެންނެވިހެން ސަރުކާރުގެ މިނިސްޓްރީތަކުން އިތުރަށް މަސައްކަތްކުރެވިގެން. އެހެންނޫނިއްޔާ މި ނަތީޖާއެއް އަޅުގަނޑުމެންނަކަށް ނުނެރެވޭނެ.

ހަނިމާދޫ ދާއިރާގެ އެމްޑީޕީ މެމްބަރު އަބްދުލްޣަފޫރު މޫސާ

އަޅުގަނޑު ވޭމަންޑޫ ގެ ރައްޔިތުންނާ ބައްދަލުކުރިން. ބަޖެޓާ ބެހޭ ގޮތުން އެ މީހުން އެންމެ ބޭނުންވާ ކަމަކީ ކޮބައިތޯ އެހިން. އެ މީހުންގެ އެންމެ މުހިންމު އެއް ކަމަކީ ތަޢުލީމު. އެ ދާއިރާ ހަރުދަނާ ކުރުމަށްޓަކައި ބޭނުންވާ އިންފްރާސްޓްރަކްޗަރ. ތިން ބުރީގެ އިމާރަތެއްގެ ވާހަކަ. އަޅުގަނޑު ފިނޭންސް މިނިސްޓަރަށް ސަރުކާރަށް ރައްޔިތުންގެ އަޑު ދެންނެވުމުން، މި ބަޖެޓުގައި އެބައި ހިމަނާފައި އޮތްކަން އަޅުގަނޑު އިޚްލާޞްތެރިކަމާ އެކުގައި ފާހަގަކުރަން. މިއިން މި އެނގެނީ މި ބަޖެޓު ހަދާފައި މި ވަނީ ރައްޔިތުންގެ އަޑު އަހައިގެންކަން. ސަރުކާރުން ރައްޔިތުން ބޭނުންވާ ކަންކަން މީގެތެރޭގައި ހިމަނާފައިވާކަން އަޅުގަނޑު ހަމަ އިޚްލާޞްތެރިކަމާއެކު ގަބޫލުކުރާ ވާހަކަ ދަންނަވަން

ތިމަރަފުށި ދާއިރާގެ ޖުމްހޫރީ ޕާޓީގެ މެމްބަރ އަބްދުﷲ ރިޔާޒު

އެކަން ކުރެވެންނެތީމާ މިއީ އެންމެ އެކަށީގެންވާ، އެންމެ ރަނގަޅު ބަޖެޓެއް ނޫން. ޑެފިސިޓު ކުޑައެއް ނޫން. ދަރަނި ބޮޑުވެއެއް ނޫން. ދެޓް އޯވަރހޭންގުގެ ބިރު އެބައޮތް އިއްޒަތްތެރި ރައީސް. އެހެންނަމަވެސް، ޤައުމެއްގަ އި އެކްސްޕެންޝަނަރީ ބަޖެޓެއް ފާސްކޮށްގެން އަޅުގަނޑުމެން ސްޓްރެޓެޖިކް އެކްޝަން ޕްލޭނެއް އެކުލަވާލައިގެން ރައްޔިތުންނަށް ކަންތައްތަކެއް ކޮށްދިނުމަށް ވަޢުދުވެގެން އުޅޭއިރު، މިކަން ކޮށްދިނުމަށް ޓަކައި ކުރަންހުރި މަސައްކަތް ކުރުން ލާޒިމުވާނެ. އުފެއްދުންތެރިކަން އިތުރުކުރަން އެބަޖެހޭ. ރާއްޖޭގެ އިޤްތިޞާދު ކުރިއަރާނީ، އަޅައިނުލެވި އެތައް އަހަރުތަކެއް ވެފައި އޮތް އަތޮޅުތަކުގެ ތަރައްޤީއަށް އަދި އެ ތަންތަނުގެ ރައްޔިތުންނަށް ޚިދުމަތް ފޯރުކޮށްދިނުމަށް ހުރި އިންފްރާސްޓްރަކްޗަރާއި ޕަބްލިކު ގުޑުސް އިތުރުކޮށްގެން، އެކަމަށް އިންވެސްޓުކޮށްގެން

މަރަދޫ ދާއިރާގެ އެމްޑީޕީ މެމްބަރ އިބްރާހީމް ޝަރީފް

2020 ވަނަ އަހަރުގެ ބަޖެޓަކީ އެއީ ރައްޔިތުން އެދޭ، އުއްމީދީ ބަޖެޓެއްގެ ގޮތުގައި ވާން. އަދި މި ބަޖެޓްގައިވާ ކަންކަމަކީ އެއީ ، ރައްޔިތުންނަށް ސީދާ ހަމަލޮލުން ފެނި، ރައްޔިތުންނަށް އޭގެ ފޮނިމީރުކަން ލިބޭނެ ބަޖެޓަކަށް ވެގެންދާނެ ކަމަށް. އިރާދަކުރެއްވިއްޔާ އަޅުގަނޑުމެން، އަޅުގަނޑު އުއްމީދުކުރަނީ، ހަމަގައިމު ވެސް ކަނޑިތީމު ދާއިރާއާއި މި ރާއްޖޭގެ ރައްޔިތުންނަށް މި ބަޖެޓުން މި ލިބިފައިވާ އުއްމީދު، އެ ޙަޤީޤަތަކަށް ވެގެން ދާނެ. މި ސަރުކާރުން ވެސް އެކަން ކޮށްދޭނަން. އަދި، ހަމަގައިމު ވެސް ކަނޑިތީމު ދާއިރާގެ ކަންކަން ކުރުމަށްޓަކައި އަޅުގަނޑު މިހިރީ އެ ރައްޔިތުންނާ އެކު ގައި.

މިލަންދޫ ދާއިރާގެ އެމްޑީޕީ މެމްބަރ އަލީ ރިޒާ