ލަންޑަން ބުރިޖާ ދިވެހިން ކައިރިނުވާން އިނގިރޭސި ވިލާތުގައި ހުންނަ ދިވެހި އެންބަސީން އިލްތިމާސްކޮށްފިއެވެ.
ހުކުރު ދުވަހުގެ ލަންޑަނު ގަޑިން 13:16 ހާއިރު ބަޔަކު ވަނީ ބަޑިއާ ވަޅިފަދަ ތަކެތި ހިފައިގެން އަރައި ލަންޑަން ބުރިޖު މަތީގައި ހުރި މީހަކު ކިޑްނެޕް ކުރުމަށް މަސައްކަތް ކޮށްފައެވެ. އަދި ލަންޑަން ފުލުހުން ވަނީ އެމީހުންނާ ކުރިމަތިލާ ބަޑީގެ ހަމަލާތަކެއް ފޮނުވާފައެވެ. މިހަމަލާތަކުގައި ބްރިޖް މަތިން ދަތުރުކުރި ބައެއް އާންމުގެ ބަޔަށް ވަޒަން އަރާ އަނިޔާވެފައިވާކަމަށް މީޑިއާތަކުގައި ވަނީ ރިޕޯޓުކޮށްފައެވެ.
މިހާދިސާއާ ގުޅިގެން އެންބަސީން ބުނީ އެއްވެސް ދިވެއްސަކަށް އަނިޔާވެފައިވާ ކަމުގެ މައުލޫމާތު އަދި ލިބިފައިނުވާ ކަމަށާއި، ހާލަތުގެ ގޮތުން އެއްވެސް ދިވެއްސެއް ލަންޑަން ބުރިޖާއި ގާތް ނުވުމަށް އިލްތިމާސްކުރާ ކަމަށެވެ.
އިތުރު މައުލޫމާތު ހޯދުމަށް 07851190546 ނަންބަރަށް ގުޅުމަށް ވެސް އެންބަސީން ވަނީ އެދިފައެވެ.
މިހާދިސާއާ ގުޅޭ ގޮތުން މެޓްރޮޕޮލިޓިއަން ޕޮލިހުން ބުނީ މިހާދިސާއާ ގުޅިގެން މީހަކު ހައްޔަރުކޮށްފައިވާ ކަމަށެވެ.
