ފިލްމީ ތަރި އަލީ އަހުމަދު ހެންވޭރު ގާޑެން ބިއުޓީގޭގައި މަރުވެފައި އޮއްވާ ފެނިއްޖެއެވެ.
ރާއްޖެ އެމްވީއަށް މައުލޫމާތު ދެއްވަމުން ފުލުހުންގެ ތަރުޖަމާނު އަހްމަދު ޝިފާން ވިދާޅުވި ގޮތުގައި ހ.ގާޑެން ބިއުޓީ މީހަކު މަރުވެފައި އޮއްވާ ފެނިފައިވާ ކަމަށާއި އެހާދިސާގެ ޚަބަރު ފުލުހުންނަށް އަންގާފައިވަނީ ހޯމަ ދުވަހު އިރުއޮއްސި 6:40 ހާއިރު ކަމަށެވެ
މަރުވެފައިވަނީ މަސްތުވާތަކެތީގެ މައްސަލައެއްގައި ގޭބަންދުގައި ހުރި ފިލްމީ ތަރި އަލީ އަހުމަދު ކަމަށާއި އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެތްކަމަށް ޝިފާން ވިދާޅުވި އެވެ. މިހާރު އިތުރު ތަހުލީލްތަކަށް އެނާގެ ހަށިގަނޑު އައިޖީއެމްއެޗަށް ގެންދެވިފައިވާކަމަށް ޝިފާން ވިދާޅުވިއެވެ.
އަލީ އަހުމަދަކީ ދިވެހި ފިލްމު "ހަތަރު އުދަރެހުން" ފިލްމީ ދާއިރާއަށް ތައާރަފްވި ފަންނާނެކެވެ. ފަހުން މަސްތުވާތަކެތީގެ މައްސަލައެއްގައި އޭނާ ޖަލަށްވެސް ލެވިފައިވެއެވެ.
