ޑިފެންސް މިނިސްޓަރު އަލްއުސްތާޛާ މާރިޔާ ދީދީ ރަސްމީ ދަތުރުފުޅެއްގައި ދުބާއީ އަށް ފުރާވަޑައިގެންފިއެވެ.
އެކަމަނާ ދުބާއީ އަށް ފުރާވަޑައިގަތީ ދުބާއީގައި ބާއްވާ 39 ވަނަ "ޖިޓެކްސް ޓެކްނޮލޮޖީ ވީކް" އެކްސްޕޯގައި ބައިވެރިވުމަށެވެ.
މޯލްޑިވްސް ނޭޝަނަލް ޑިފެންސް ފޯސް އިން ބުނެފައިވަނީ ޖިޓެކްސް ޓެކްނޮލޮކީ ވީކް އެކްސްޕޯގައި މިނިސްޓަރު މާރިޔާ ވާހަކަފުޅު ދައްކަން ހަމަޖެހިފައިވާކަމަށެވެ.
ޖިޓެކްސް ޓެކްނޮލޮޖީ ވީކް އެކްސްޕޯ ކުރިޔަށް ދާނީ އާދިއްތަ ދުވަހުން ފެށިގެން އޮކްޓޯބަރު މަހުގެ ދިހަ ވަނަ ދުވަހާ ހަމަޔަށެވެ.
އެ އެކްސްޕޯ އަކީ ދުބާއީގައި ބާއްވާ އެންމެ ވަރުގަދަ އެއް އެކްސްޕޯ ކަން ފާހަގަކޮށްލެވެއެވެ.
