އިންޑިއާ ކަނޑުގެ ޞަރަޙައްދަށް ޤަވާއިދާ ޚިލާފަށް ވަދެ އުޅުނު ދިވެހި މަސްވެރި އުޅަނދެއް އިންޑިއާ ކަނޑުގެ އަސްކަރިއްޔާއިން ހިފަހައްޓައިފިއެވެ.
އިންޑިއާ ކަނޑުގެ އަސްކަރިއްޔާއިން ހިފަހައްޓާފައިވަނީ "އަމްބަރީ" ނަމަކަށް ކިޔާ މަސްވެރި އުޅަނދެކެވެ.
އުޅަނދު ހިފަހައްޓާފައިވަނީ އިންޑިއާގެ "ކަނޑުގެ އިޤްތިޞާދި ޚާއްޞަ ޞަރަޙައްދު" އަށް ނިޞްބަތްވާ މިނިކޯއި އައިލޭންޑާއި ތިރީސް މޭލު ބޭރު ދުރުންނެވެ.
އިންޑިއާގެ މެރިން ފުލުހުން މި މައްސަލަ ބަލަމުންދާކަމަށް ޚަބަރުލިބެއެވެ.
މޯލްޑިވްސް ނެޝަނަލް ޑިފެންސް ފޯރސް އިން މިކަމާބެހޭ ގޮތުން އަދި އެއްޗެއް ބުނެފައެއް ނުވެއެވެ.
